IBRI 3:5 - OTSAO BAIBEL (BSI)

⁵ Mosa a da tuita ningle Zang hom ma mongao angkya chitüi le tüikya, üntoxle athax füichi ma Zange wün angkyabu akax.

IBRI 3:5 ပူးပေါင်းရင်းမြစ်များ

HUAKE LAIPEX 12:7

Ikoxle kue chemtue ku dapa Mosa füi zangwünpuix, ija a chixlili changpu; kue chix ang ku khünaknu Israel nok to hume angkya hünlit koxle thompu.

IBRI 3:2

Zang hom ma mwot mokkya bama Mosa chemle mongao chitüi le changkya hex, ilailaile, owae ija mok ang chix sele koplaxpuix, ija Zang tokya mongong bama Jisu chuwüi mongao angkya chitüi le changkya.

LAIPAO 14:31

Chemtue Jowanpae Ijip nok to lüt ang chix tsak-zong chongkya ahokya Israel noke ngünle laxpuix, hwom a Jowanpa thuaza. Hwome Jowanpa hia chix dapa Mosa hokhi to mongong.

MÜNCHUAK-TSAI 105:26

Ifüima chixe chix dapa Mosa akat, ilaxle chixe zünle thomkya Arun chuwüi akat.

WANGSHEMBU MWOT 28:23

Ifüima hwome hanpak nyixta tyale tox ilaxle ija nyix khünakbu Pol füi apong ang chix ngwotnui to ngui. Swom makhange hanhom ma thule chixe Mosa wanlombu hia ajebue zakya kaxbu apüilaxle akhix akhanle apuakya tokhange hwom mong anom-anai ang azong.

IBRI 8:5

Hwome nguapabu ningle mokle hüikya a tuita zangkangting to tüikya opyen changle. Ija a Mosa füi chem tüidaopuix ija tuitata wüi changle. Chixe zangshwom nui nyihom zing ang thüipongma Zange chix ang thüi: “Haxnukho to nang hama aho daokya olom ma zing ang khünkhi lax.”

1 TIMOTHI 1:12

Mwot mok angkya tsakzong ku ang owae fapuix, kem Jowanpa Jisu, chix ang kue münchong fapu. Ledaokya ma kue chix mo amale wün ilaxle chix to zothup tamchu adix-adale changdao koxlechu,

JIHUSUA 1:2

Chixe thüi: “Ku dapa Mosa a zidaoa. Athaxpi nang üntoxle Israel khünaknu pangwüi, Jordan shuanu tale, kue hwom ang koxle ngokya haxtok to ngui ang achwonlax.

TSAITONG-KAXTONG 34:5

Ikhoma Jowanpae chix füi akaxle hüidaokya ningle, chix dapa Mosa, Moab nok haxtok to zi.

IBRI 9:24

Chemthüikoxle, Khrista a, tuita otsingtsing tüikya opyen zinglaxle khünak chak makhange zingkya Otsao Nui to paokya chichang. Chix zangkangting jao to dong, ojong khato athax chix kem khülüix ma Zang füi womle tüilaxpuix.

ROM NOK HATO ZAKYA POL LAIZA 3:21

Ikoxle athax a Zange khünak chix füi muamüi angkya olom a ngaile ahodaoa, ilaxle ija ma wanlom füi saxmok angkya chemchu müntüi. Wanlom üntoxle ajebue ija to hwom kaxkhi fale changkox a le thüile!

JUHAN 5:39

“Hünzome Lai Kaxbu lomle; chemthüikoxle ijabu ma oshuk chitüikya tsün khüzün ataküile hünzome ongle; ikoxle ija Lai Kax a ku hanpakma kaxkhi fakyabu Lai Kax changle.

KAXHO MÜIKYA LUK 24:44

Ifüima chixe hwom ang thüi: “Mosa Wanlom üntoxle ajebu Lai hia Achuak Tsai ma ku bama chempangle zale tüilaxpuix, ibu ngai angkya oli changle le kue ibu zangwün bama ku hünzom füi tomle tüipongma wüi akaxdaoa.”

KAXHO MÜIKYA LUK 24:27

Mosa hia ajebu pangnu makhange owang wangle Otsao Lai pangnu khato wüi chix bama zale tüikya chixe hokhi hama akhixle apua.

JIHUSUA 8:31

Chixe ija Jowan dapa Mosa-e Israel khünaknu ang chix makhange fakya Wanlom ma adangle fakya lailaile zing: “ija tö-tsap tuita a, jan füi honghele machangkya long füi zing.” Ija ding ma hwome Jowanpa ang zokle ashunkya tö kox, ilaxle hwome notom-tusüi tö chuwüi kox.

1 KORIN 4:2

Iningkya da tuita hanpakma lax angkya oli tuita a: chix a ana angkya chitüi le nuitsuak angkya mix chang angkya oli.

WANGSHEMBU MWOT 7:37

Chixe ku ahüikya ningle, Zange hünzom kha angkya ajepa tuita ahüiüi le Israel khünaknu füi akaxkya mix a Mosa changkya.

KAXHO MÜIKYA LUK 12:42

Jowanpa-e lan: “Jangchangba mongongkya hia hwontüi jezaikya da opupu hex? Hwom khama süt-mwot to hume angkya üntoxle hozui dabu ang otu nguikya ma sütling to humele kox angkya, ibu mwot hanpakma mongao chitüi le hopunue mwot owa ang koxpuix, mongongkya hia hwontüi jezaikya da a chix changpu.

MATHI 25:21

Opunue chix ang thüi: Müidaoa! Nang a müikya tamchu mongong tüikya da changle. Nang ang hidaole wüi koxkya ngun nange otwon manle twondaoa; idaile kue nang ang süluikya mwot twon ang faüi. Donglax ilaxle ku mongmüi süntswon ma womlax.

MATHI 24:45

“Jangchangba mongong hia hwon-je füi tüikya da owa? Opunue mama dabu ang otu thütle süt fa angkya mwot koxle thomkya da a chix changpu.

JIHUSUA 8:33

Israel khünaknu hwom lompabu, nguakax-wangkhobu ilaxle kaxfünpabu tamchu hwom füi tüikya mixnokbu chuwüi womle, Jowanpa Tsaotsüt Suak atale ozyen anyi ma, nguapabu Liwi hwom, ija Suak pailaxle ngokyabu chito tok aho ilaxle süifie Gerizim haxnu chito tok aho ilaxle süifie Ebel haxnu chito tok ahole ajong. Jowan dapa Mosa-e hwom ang, mohiman koxtu nguikya zuma ile mok angkya hwom ang kaxtom koxle tüikya.

JIHUSUA 1:15

Jordan shuanu zongma hannopchi haxtok koplaxle tingtan nokzingle changkya kople hwom to asunle azanüi. Chemtue chixe Israel homjen pangwüi ang khosün fale tsuaküihex, ifüima hünzom chatlaxle, Jowan dapa Mosa-e hünzom ang koxle toxkya haxtok, Jordan shuanu zongma tsaxchi ma hünzome tingtan nokzingle ngo ang tsuaküi.”

JIHUSUA 1:7

Mongzangwünle tsuaklax ilaxle ku dapa Mosa-e hünzom ang koxkya Wanlom pangwüi kax ma laxle tüileo le thüilax. Ikha angkya oli tuita ahaile taxchang ikoxle nange nang alele pangkhato wüi tho-lünkya tüiüi.

TSAITONG-KAXTONG 3:24

‘Khüthak Jowanpa, nange achwonle tüikya ohünotün mwot ku hato ahokya owang tix changpule kue awanpu. Ding hia hax ma nange mokkya ohünotün mwot moktsuak angkya baozang owachu müntüi!

NEHEMIA 9:14

Nange hwom hama nang Sabathbu otsao ma thom angkya akax, ilaxle nang dapa Mosa makhange nange hwom ang nang wanlombu kox.

LAIPAO 40:16

Jowanpa kaxtom lailaile Mosa-e pangwüi mokle alai.

IBRI 1:1

Kaikai le Zange, kem pupa hwom füi obi thomthom ma hexle tamchu malom-malom to ajebu makhange zangwünkya,

IBRI 3:4

Changle, hom pangnunu wüi owawae zingkox tix laipu üntoxle pangnu li zingle alaikya a Zang, chix changle.

MIKNGÜN-OHÜN 15:3

Ilaxle hwome Zang da Mosa tsai tamchu Chun Hosa tsai ile ngao: “Jowanpa Khüthak Zang, nang mwotthobu chemle chong, üntoxle khomtsile tüipuix! Pangnu haxtok, ting-nok wanghom, nang lomtang chemle changle, üntoxle sule tüipuix!