IBRI 3:1 - OTSAO BAIBEL (BSI)

¹ Kutüi kunao khristanbu, opangchu wüi Zange nyakkya changlaxpuix! Kem manzai ang laxkya mongong bama Nguakho ang Zange owa tomle ajopuix, ija Jisu bama ajanglax.

IBRI 3:1 ပူးပေါင်းရင်းမြစ်များ

2 TIMOTHI 1:9

Chixe kem khosünle kop üntoxle chix zongto mamix ang nyakle laxkya a keme chem mokdao laxpuix ikhoma münchang ikoxle chix mongtex ilaxle chingcha khoma changle. Chixe kem ang ija chingcha a hanpak owang wangüi thoto wüi Khrista Jisu makhange fakya changle,

FILIPI 3:14

Idaile thakchi to ngo ang Khrista makhange Zange nyakkya hingho kop angkya hanpakma ku tangthole longzi hato zikpu.

IBRI 7:26

Ikhoma Jisu a kem laxli pangwüi anguile fa angkya Nguakho changle. Chix a otsao; chix ma thaikya chichangba ochax chemchu müntüi, chix a ochaxbu füi atsaile süi thomkya tamchu zangkho thak to nwonle thomkya changle.

EFISIA 4:1

Jowanpa mwot mok angkya khoma tuita kople thomkya mix, kue hünzom ang thüipu: Chixe hünzom nyak pongma tyale thoptox daokya chifün füi asule hünzom ahamkox.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

IBRI 2:17

Ile thüikoxle Zang mwottho thakya ma hwom zong to mongong tüikya hia chingchae awangkya Nguakho ang achang angkya kuxma, pangnu lom ma wüi chix a chixtüi chix-nao hwom lailaile achang angkya changle, ikoxle tix khünaknue ochax thailak ataküi.

IBRI 10:21

Kem ang Zang hom hopunu ang akhokya nguapa tuita tüipu.

EFISIA 4:4

Monghom oja hato Zange hünzom nyak daopuix, ija lailaile tsangtsa üntoxle chasa a tuita wüi.

1 THESALONIKA 2:12

Zang owae chix wangting hia fuazang süntswon ma hak ang hünzom nyakpuix, chix mong amüi angkya olom ma hünzom tsün ngo angkya bama kwome hünzom ang zong adünpu, mong asompu ilaxle tsyale ngopu.

1 KORIN 9:23

Ija mohiman süntswon ang kop angkya kuxma, kue ibu pangnu wüi Kaxho Müikya hanpakmale mokpu.

2 TIMOTHI 2:7

Kue chempang akaxpuix ibu bama ajanglax, chemthüikoxle Jowanpa-e nang ang ibu pangnu awan tsuak angkya koxüi.

1 TIMOTHI 6:12

Mongong zik ma apanle zikkox, ilaxle nang hanpakma oshuk chitüikya khüzün tsün kopkox; chemthüikoxle khünaknu thüntho ma nange shingmongle nang mongong ngaikya zuma Zange nang ija tsün hato nyakkya changle.

ROM NOK HATO ZAKYA POL LAIZA 15:8

Chemthüikoxle putong hwom füikya Zang kaxtsao changle ngai angkya hanpakma, ilaxle chix chingcha khoma mixnokbuechu Zang achuak achen angkya bama,

IBRI 2:11

Chix khünaknu hwom ochaxbu tokya atsao, üntoxle chixchu tamchu opang atsao-atha daolaxpuix ibu pangnu ang Hopa tuita wüi chang. Ikhoma hwom ang chix tüinaohom le nyak ang Jisu chiazak.

JUHAN 20:21

Jisu-e chatlechu hwom ang thüi: “Hünzom füi mongsom naxtüi! Apae ku chemle tsanle apaopuix ija lailaile kuechu hünzom tsanle apaopu.”

HAGAI 1:5

Hünzom to chemle changle ngopuix ija hünzome mün-ngün hexnyi?

MÜNCHUAK-TSAI 110:4

Jowanpa kaxshing kople tsaosaxdaoa ilaxle chixe ija achatle münlaxüi: “Melkizedek-e mokle hüikya zom-zang olom ma nang a othuithuima zompu-zangpa tuita ang changüi.”

JUD LAIZA 1:1

Jisu Khrista wangshem tamchu Jakop sasün Jud tokhange, Zang Hopa ma nyakle kopkyabu tamchu mong akünkyabu, opang Jisu Khrista ma sünle thompuix, ibu hato.

IBRI 3:14

Chemthüikoxle pongwang tokhange wüi tüikya tata tokya mongong oshuk kople, shingmongle jangtwon thüiningle kem pangwüi Khrista füi chifan-chijan zuikhui changle.

ISAIA 1:3

Maihubue hwom hopunubu awanle, ilaxle mantsakbue hwom hopunubue fumtsüt ang ojongto paopuix ija awanle. Ija a ku khünaknu Israel noke ku tsingkya thak changle. Ibue ojaojao müntsing.”

1 TIMOTHI 6:2

Da opang ang hopunu khristanbu changlaxpuix, hwome ma hopunubu wünahai le taxchang, chemthüikoxle hwom a tüinaohom changle. Itülüi, ibue mix sümüi le hwom thotha angkya changle, chemthüikoxle opange hwom mwot makhange lap koplaxpuix ibu a hwome mongkünkya mongong khünakbu changle. Nange ibu apua angkya tamchu anwot-ano angkya changle.

2 THESALONIKA 2:14

Kwome apukkya Kaxho Müikya tokhange ija hato Zange hünzom nyakkya changle; kem Jowanpa Jisu Khrista fuazang ma hünzom süntom tswonle kop angkya chixe hünzom nyakkya changle.

2 THESALONIKA 1:11

Ikhoma kwome hünzom hanpakma jento zangjoppu. Chemle ngo ang chixe hünzom sele koplaxpuix, ija tsün hanpakma hünzom asule zing angkya bama hünzom hanpakma kwome kwom Zang to joppu.

1 THESALONIKA 5:27

Jowanpa tsakzong füi kue thüipu: Ija lai a mongong ma tüinaohom pangnu hato wüi ele ahokox.

KOLOSI 3:12

Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

KOLOSI 1:22

Ikoxle athax a chix Hosa müi-hi-aji ma zi ang koxkya makhange, otsao ma, ofwot chitüile tamchu thaikya kha chitüi le chix ngwotnui to apüi angkya hanpakma Zange nang chix zuikhui ang achangle.

KOLOSI 1:12

Zangngai Wangting to chix khünaknu hanpakma Zange chem achwonle thomtüi laxpuix, ija süntswon ma nang hak ang tsuakle owae zinglaxpuix, ija Hopa Zang ang mongmüi füi münchong fakox.

2 KORIN 1:7

Hünzome kwom sikngünbu tom-hankya ningle kwome kopkya mongsomchu wüi tom-hanle le kwome awanle. Idaile hünzom tokya kwom monghom otuechu münasho.

1 KORIN 1:2

Korin ma tüikya Zang müimüithom, opang Zang otsao khünak ang achang ang nyakle koplaxpuix ibu pangnu, Khrista Jisu ma notom tokhange opang chix kux changpuix, Jisu Khrista owa kem Jowanpa chuwüi changpuix, chix shwomkyabu pangnu hato:

ROM NOK HATO ZAKYA POL LAIZA 15:27

Ile mok angkya bama hwom lailaie wünle tsuakkya changle. Ikoxle otsing tomtata ma, chitüi chinang to fong angkya hwom ma thashe tüikya; Jehudi khünakbue mixnokbu füi chasa ma hwom ang tüikya mohiman ahanle lax, ilaxle mixnokbuechu Jehudi khünakbu to mwotkat mohiman makhange fong angkya olom jao changle.

ROM NOK HATO ZAKYA POL LAIZA 11:17

Küithwom le alaikya Olip pün angkya okangsabu züizüi pakle awüt, ilaxle fao olip pünkang ija füi asople kox. Hünzom mixnokbu a ija fao olip pün thatha changpu; ilaxle athax hünzome Jehudi nok tsün ma ahak-aluakya hia otsak ozong ahanle lax ngopu.

ROM NOK HATO ZAKYA POL LAIZA 9:24

Chemthüikoxle Jehudi khünakbu kha angkya tata chichangle mixnokbu kha angkyachu wüi chixe nyakle kopkya kem changle.

JUHAN 20:27

Ija ma chixe Thoma ang thüi: “Ku chak to hulax ilaxle ikhama nang chakkhi sholax tamchu ku samba mak ma nang chak sholax; chiongle taxngo, onglax.”

HAGAI 2:15

Jowanpa thüi: “Hünzom to chemle changpuix hünzome mün-ngün hia? Hünzome Zangshwom-Hom zai angkya mwot owang wangüi thoto wüi,

EZEKEL 18:28

Chixe chem mokle hüidaopuix ibu chimüikya mwot changpule chixe awanle lax ilaxle ochax lyenle ngokya zak, idaile chix a zi angkya münchang ikoxle ozün ma ngole le angkya changle.

EZEKEL 12:3

“Athax, ziün angkya khünak, pünpao tuita ningle nang hün zinglax ilaxle zangngai mik ma wüi achexle paokox. Nang achexle mama khato paoüi pangnusae ngün ang laxkox. Owatsing ibu alün-aloxle tüikya khünakbue nang ngün ang kopüi.

ISAIA 41:20

Khünaknue ibu ngünle laxüi ilaxle awanüi ija a, Jowanpa, kue mokkya changle le. Hwome tsingle lax angkya hato hüiüi ilaxle ija a Israel nok otsao Zang-e mokkya changpule.”

ISAIA 5:12

Hünzom pwonle le changpongma, hünzom waxmai, khopsya hia thuaput, ibu füi ju kop. Ikoxlechu Jowanpae chempang moktüipuix hünzome müntik,

MIKNGÜN-OHÜN 18:20

She amütkya khoma, zangkangting to mongmüikox! Zang khünakbu, wangshembu hia ajebu, hünzom pangwüi mongmüikox! Hünzom to chisumüile hwonkya khoma, she max ang tomkya changle!”

MIKNGÜN-OHÜN 17:14

Hwome Chun Hosa füi azanüi, ikoxlechu Chun Hosae, chixe nyakle hia zünle kopkyabu tamchu mongong ma shingmongle chix füito azuikyabu füi notom laxle ibu to anaoüi, chemthüikoxle chix a hopunubu thakma Opupa üntoxle wanghombu thakma Chongwangpa changle.”

1 JUHAN 1:3

Hopa hia Hosa Jisu Khrista nyi füikya kwom motom ma hünzomchu naxwom le kwome ngünkya hia atatkya hünzom angchu tsing ang tompu.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

1 PITAR 5:1

Hünzom füi tomle ku chuwüi tüichong mixmüi tuita ningle; Khrista sikngün bama kaxkhi tamchu ngaiüi tüikya fuazang ma süntswon angkya mix tuita ningle, kue hünzom kha angkya tüichong mixmüibu zongsaipu:

1 PITAR 3:5

Chemthüikoxle kaipongma otsao mixchabue, Zang to monghomkya füi, ma kakopabu fangto puinai le, hwome ma sün amüi ang tom.

IBRI 9:11

Ikoxle ikhama tüikya müikya olibu hanpak ang Khrista Nguakho ang nguidaoa. Chixe thothakya Nyihom a süchongkya tamchu okhonguikya changle; ija khünak chakzing münchang, thüikoxle ija a zingle alai daokya chaxwannu angkya münchang.

IBRI 6:20

Kem hanpakma achale chix, Melkizedek zom tole, Nguakho ang Jisu ikha to dong.

EFISIA 3:6

Huxsa zangwün a ija changle: Kaxho Müikya makhange mixnokbuechu Jehudi nok füi Zang mohiman mantswon ma tuita; tuita tompo ma wom ilaxle Khrista ma Zang kaxtsaobu tomwüi tom-hanüi.

1 KORIN 10:17

An tüta wüi changle, kem pangnusae ija ashik-ahanpu, iningle kem obiobi ikoxlechu tompo tuita.

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

WANGSHEMBU MWOT 1:15

Hanpak nyixta anyi füima mongong mixbu afoxkya hanpak tüikya, hwom pangnu mixhuak hota tsa tukux changkya, üntoxle Pitar akax ang ajong,

2 KORIN 9:13

Hünzome mokkya mwottho ijae hünzom ma khristan chingcha mong zaikya ahole, ilaxle hünzome ngaikya hia Khrista Kaxho Müikya kax ma laxkya olom khoma tomwüi khristanbue Zang mün achuaküi. Hwom füi ilaxlechu mama tomwüi mongong mixbu füi hünzome ma ma tüikya mongtsu laxle tom-hanle laxkya chingcha khoma hwome Zang achuaküi.

IBRI 3:12

Mongong ma üithohom, ozün ma ngokya Zang füi anongle pao tang hünzom khama owachu chichang-chizangkya kün-mong hia mongong chitüi homle chichang angkya bama likhün lax.

IBRI 7:28

Mosa Wanlom tokhange Nguakhobu ang nguiwangle chitüikya khünakbu zün; ikoxlechu Zang tsaosüt Tsaotsüt füi zing; ijae wanlom füima hüilaxle Hosa kamle kop. Chixe chix othuithuima nguiwangkya ang achang.

IBRI 9:15

Ija khoma, Zange nyak daokyabue Zange tsao daokya oshuk chitüikya mantswon kop angkya kuxma, hozün Tsaotsüt acha achwonkya mix a tuita Khrista changle, chemthüikoxle pongwang angkya Tsaotsüt fangma achax daokya ochaxbu tokhange hwom khosün angkya kuxmale chix zi.

IBRI 10:19

Idaile, ku zuikhuibu, Jisu zikya makhange ataxkya Otsao Nui to hüi ang kem ang mongtex pankya tüile.

IBRI 10:23

Chikchexle chichang homtoxle keme tsaole ngaidaokya to monghom füi shingmongle künhax, chemthüikoxle owae tsaodao laxpuix chix a mongao chitüi angkya mix changle.

IBRI 13:22

Ku zuikhuihom, chingchalaxle ija zongdün kaxho to adule apahüi; chemthüikoxle hünzom hato ija ku laiza aluile lokyanu münchang.