IBRI 2:9 - OTSAO BAIBEL (BSI)

⁹ Ikoxlechu Jisu, owa noxtakya hanpak bama, Zange kaxtaimixbu süfang le zingkya keme ngünpuix, ija a Zang chingcha makhange chix nok hanpakma zi angkya hanpakmale changle. Chixe zikya sikngün apongle hüidaokya khoma athax a keme chix fuazang hia achuak achenkya khohom sün laxle ngün ang kople.

IBRI 2:9 ပူးပေါင်းရင်းမြစ်များ

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

1 JUHAN 2:2

Kem ochaxbu thailak atak angkya olom Khrista tata wüi, kem ochaxbu tata le münchang, ikoxle zangfang nok ochax hanpakchu changle.

ROM NOK HATO ZAKYA POL LAIZA 5:18

Ile tix mixhuak tuita ochax tokhange khünak pangwüi thajaokya ningle, ija lailaile mixhuak tuita otsao mwote khünaknu pangnu dan-panle ilaxle hwom ang khüzün tsün koxle.

WANGSHEMBU MWOT 2:33

Chix a zang tsaxchi ma nwondaoa, ilaxle Hopae tsaodaokya ningle, Chix angkya Otsao Chasa kop; ilaxle hünzome athax atatkya hia ngünkya a kem ang ahanle koxkya chix hingho changle.

JUHAN 3:16

Zange chaxwannu to tüle mongkün laxle chix to ongkya mix chimax le oshuk chitüikya khüzün tsün atak angkya hanpakma chix ang Hosa tuita wüi tüikya chaxwannu ang kox;

2 KORIN 5:15

Chix a noknusa hanpakma zipu, idaile ozün ma tüikyabu ma hanpakmale chingoüi, ikoxle hwom hanpakma zilaxle chatle azangle zokya Khrista hanpakma ngoüi.

IBRI 10:5

Ija khoma, Khrista chaxwannu to ngui pongma, chixe Zang ang thüi: “Tö hia dan koxkyabu to nange chilua, ikoxlechu nange ku hanpak ang, tompo tuita achwon daoa.

ROM NOK HATO ZAKYA POL LAIZA 5:8

Ikoxle kem to itukux künle lükya Zang mongkün chixe kem hama ahodao; ija a kem ochax ma wüi ngotanto Khrista kem hanpakma zikya changle.

JUHAN 1:29

Ofüi nyix Juhan-e Jisu chix hato hüile ngokya ngün ilaxle thüi: “‘Chaxwannu ochax pao ang nguikya Zang Chun Hosa to hulax!

JUHAN 12:32

Otue ku chaxwannu ma ngoüihex, kue khünaknu pangnu ku hato ahüiüi.”

IBRI 7:25

Idaile, athaxchu üntoxle jento, chix makhange Zang hato hüikyabu sün ang chixe tsuakle tüile, chemthüikoxle hwom hanpakma ju ang chix jento Zang füi tomle ngopu.

PONGWANG LAIPEX 3:15

Kue nang hia shekocha hünkhi bama tamchu nangsix-nangli hia she sixli hwom bama zan zingpu. She susa hwome nang khang thuple akhixüi ilaxle nange she susa hwom chidua ma tuüi.” Hwom chidua ma tuüi.

1 PITAR 1:21

Chix zidaokya chatle azang ang tom ilaxle fuazang ang tomkya Zang to hünzome chix makhange tix mongongpu; ikhoma hünzom mongong hia monghom tangthole Zang ma thompu.

IBRI 8:3

Chemle Nguakho tuita tö pangwüi kox ang hia müi langle Zang shwom ang kampuix, ija lailaile kem Nguakho angchu tö kox angkya oli tuita tütüi angkya changle.

1 TIMOTHI 2:6

owae khünaknüsa khosün ang, chix tsün alüile kox laxpuix. Ija a tuita hanpakma asule tüipongma pangnusae wüi khosün kopsele texkya Zang mongtex ngaikya changle,

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

ROM NOK HATO ZAKYA POL LAIZA 8:32

Chixe Hosa tomtata ngaxchu chitui le kem ang kox! Chix Hosa ngaxchu kox: chixe mamabu tomning komkaile münfa pia?

GALATIA 4:4

Ikoxlechu tu-hi-wan thütkhak le nguile hüikya zuma mixcha tuita makhange Jehudi wanlom fangma puxle Zange Hosa ajo.

WANGSHEMBU MWOT 3:13

Abraham, Isak hia Jakop hwom Zang, kem putong hwom Zange chix Hosa Jisu fuazang ang koxdaoa. Hünzome chix pünpa-chongwangbu chak to kox, üntoxle Pitar-e dan angkya kax tsuak füima ngaxchu hünzome chix thüntho ma wüi Jisu tha ajao.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

ROM NOK HATO ZAKYA POL LAIZA 8:3

Khünak müi-hi-aji shonaikya khoma, wanlome chitsuakkya Zange mok ang tsuakle. Chix Hosa owa khünak müi-hi-aji tsün ningle achang ilaxle ochax hanpakma zom ang kox ang ajo puix, chixe khünak müi-hi-aji ma tüikya ochax münsule ajao.

JUHAN 10:17

“Apae ku to mongkünle, chemthüikoxle tam chatle atak angkya hanpakma kue ku tsün kox ang tsupu.

JUHAN 8:52

Hwome chix ang thüi: “Athax kwome nang ma bao tüile le awanle laxdaoa! Abraham zipu ilaxle ajebuchu wüi zipu; ikoxle nange thüt tüi, nang hwon nwot kax ma laxkya mix a otuechu münzi.

MATHI 16:28

Kue thüipu, Khünak Hosa chongwang ang achangle nguikya mangün tanto ikha ma ngokya züizüie zikya füi münapongüi.”

MIKNGÜN-OHÜN 19:12

Chix mikbu a wünle ningle tüikya, üntoxle chix khang ma khohom obiobi asün. Chix ang ija ma mün zale tüikya, ikoxlechu chix boma ija chemhex owaechu chiawan.

IBRI 2:7

Nange chix noxtakya hanpakma, kaxtaimixbu füi süfang ma zing; nange chix ang fuazang tamchu, achuak achen chaza sünle kox;

KAXHO MÜIKYA LUK 9:27

Kue thüipu, Zang Wangting mangün tanto chizi angkya atsingsho le ikhama züizüi tüile.”

MARK 9:1

Ilaxle chixe thuithui le akaxle le: “Kue otsing tomtata ma hünzom ang thüipu, Zang Wangting tsakzong füi nguikya mangün tanto chizi le ngo angkyabu ikhama züizüi tüile.”

MATHI 6:28

“Nyiza khoma hünzom büthüikoxle aban? Fao angkya maipua chemle tsongpuix ito hulax; hwome chemchu chimok chichangba ma hanpakma nyi chitak;

ISAIA 11:1

Dawid füikya wangli a dakle anguak daokya pün tuita ningle; ikoxlechu pün otongtho tuita makhange tamchatle pünsong chuile laikya ningle, Dawid su-sa hwom makhange wanghom hozün tuita laiüi.

JUHAN 8:51

Otsingtsingma kue hünzom ang thüipu, ku kax ma laxle tüikya mix otuechu münzi toxüi.”

IBRI 1:9

Chem supuix ija to nange mongkün; chem chisupuix ija thua nang anu. Idaile Zang, nang Zange, nang zünle koppu; nang füikyabu ang koxkya süthak, nang ang mongsom hia chazakya fadaoa.”

IBRI 11:5

Inok zi ang chitomkya a chix mongong khoma changle. Chix Zang hato dün. Chix ding to dünüi tho to, Enok Zang mong amüi ang tomkya Otsao Lai-e akaxle.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.