IBRI 2:14 - OTSAO BAIBEL (BSI)

¹⁴ Zangsu Zangsabu le chixe nyakkya a müi-hi-aji daile, Jisu chix jao hwom lailaile achang üntoxle khünak jaopo ahanle lax. Chix zikya makhange zik thakma apünkya baoli thu angkya hanpakmale chixe ija mok.

IBRI 2:14 ပူးပေါင်းရင်းမြစ်များ

2 TIMOTHI 1:10

ikoxle athax ija a kem khosünpa, Khrista Jisu nguikya makhange kem hato angaile tüile. Chixe zi angkya zong ashuk ang koxdaoa üntoxle kaxho Müikya tokhange chizi angkya tsün ngaile ahole.

ROM NOK HATO ZAKYA POL LAIZA 8:3

Khünak müi-hi-aji shonaikya khoma, wanlome chitsuakkya Zange mok ang tsuakle. Chix Hosa owa khünak müi-hi-aji tsün ningle achang ilaxle ochax hanpakma zom ang kox ang ajo puix, chixe khünak müi-hi-aji ma tüikya ochax münsule ajao.

KOLOSI 2:15

Üntoxle Khrista-e pünsak ma chix lailai to chasa ma apün-awangkyabu tamchu akhokya tsakzong chak tokya dan-pan, ilaxle hünzom ochaxbu komle paokya Khrista-e pünsak ma tholünkya tokhange chaxwannu hato angaile aho.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

HOSIA 13:14

Amalum pan chak tokya kue ibu khünaknu kho münsün chichangba zikmüt-mangkho chak tokya hwom münazün. Apüihüi hünzom kaklakbue, zikmüt-mangkho a! Apüihüi hünzom thamae, amalumting a! Athax kue ibu khünaknu to chingchajajale münchang.

ISAIA 25:8

Jowanpa Khüthak Zang-e othuithui hanpak ang zikmüt-mangkho amütüi! Pangnusa mik angkya mikfi ti chixe fwotle awüt koxüi ilaxle zangfang pangnu khato chix khünaknue sikngün apongle hüikya thajao-wünhai chixe fwotle awütüi. Jowanpa chix jaoe akaxdaoa!

IBRI 9:15

Ija khoma, Zange nyak daokyabue Zange tsao daokya oshuk chitüikya mantswon kop angkya kuxma, hozün Tsaotsüt acha achwonkya mix a tuita Khrista changle, chemthüikoxle pongwang angkya Tsaotsüt fangma achax daokya ochaxbu tokhange hwom khosün angkya kuxmale chix zi.

1 KORIN 15:50

Tüinaohom, ku kax ija a ile changle: Oja müi-hi-aji makhange zingle tüipuix, ijae Zang Wangting ma süntswon angkya müntüi, oja zile maxün angkya hex ija a chizi chimax angkya koplaxle ngo ang müntho.

MIKNGÜN-OHÜN 1:18

Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.

ROM NOK HATO ZAKYA POL LAIZA 14:9

Chemthüikoxle Khrista zilaxle chatle azangle zokya a ozün omang pangnu thakma Jowanpa ang achang angkya hanpakma changle.

ISAIA 53:12

Ikhoma kue chix ang achuak-achenkya ngwotnui koxüi, chongkya hia tsak-zong füikyabu ngokya khato a. Chixe chix tsün küntsu-mongluale kox ilaxle ochax khünakbu shoma ahanle lax. Chixe ochax khünaknu ngwotnui lax ilaxle hwom ang thailak tüi angkya hanpakma zangjop.”

IBRI 2:18

Üntoxle athax a chixe thwontsing apongkyabu to asun ang thoüi, chemthüikoxle chix jaojaoe thwontsing tamchu sikngün apong daokya changkoxle.

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

IBRI 4:15

Chemthüikoxle kem-sho kem-naikya to chingcha chitüikya mix chichangle, kem ang, pangnu lom ma wüi kem lailaile thwontsing apong, ikoxlechu ochax chilyenkya Nguakho tuita tüipu.

GALATIA 4:4

Ikoxlechu tu-hi-wan thütkhak le nguile hüikya zuma mixcha tuita makhange Jehudi wanlom fangma puxle Zange Hosa ajo.

JUHAN 12:24

Otsingtsingma kue hünzom ang thüipu: Tsaxtsang tuita chaxwan tok to dütle chizi thüikoxle ija a chix tata ngole; ikoxle ija jangziba, ijae oziak huanuma dünüi;

PONGWANG LAIPEX 3:15

Kue nang hia shekocha hünkhi bama tamchu nangsix-nangli hia she sixli hwom bama zan zingpu. She susa hwome nang khang thuple akhixüi ilaxle nange she susa hwom chidua ma tuüi.” Hwom chidua ma tuüi.

MIKNGÜN-OHÜN 20:2

Dragon, owa owang pongkya pu hex, chix a Bao chichangba Haxshix, Ija chixe kop ilaxle zangpua hajat tuita hanpakma janbüi füi khale thom.

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

MATHI 16:17

Jisu-e akax: “Nang a Juna sasün Simon, nang mohiman naxchang; chemthüikoxle khünak makhange chichangle, nang hama ija kax a zangkangting tokya Apae apua fakya changpu.

1 KORIN 1:28

Chaxwannue okho le laxkya tha ama angkya hanpakma, chaxwannue afangle hukya hia tüta ma lax angchu münmüi le awütle thomkya Zange zünle kop.

IBRI 2:17

Ile thüikoxle Zang mwottho thakya ma hwom zong to mongong tüikya hia chingchae awangkya Nguakho ang achang angkya kuxma, pangnu lom ma wüi chix a chixtüi chix-nao hwom lailaile achang angkya changle, ikoxle tix khünaknue ochax thailak ataküi.

IBRI 10:5

Ija khoma, Khrista chaxwannu to ngui pongma, chixe Zang ang thüi: “Tö hia dan koxkyabu to nange chilua, ikoxlechu nange ku hanpak ang, tompo tuita achwon daoa.

IBRI 10:10

Tamfang ma nok hanpak ang Khrista-e chix tsangtsa jaojao tö koxkya tokhange kem pangwüi otsao ang achang, chemthüikoxle chix hanpakma Zang mongtex chemhex ija chixe mok.

1 PITAR 1:20

Chix a, chaxwannu zingüi thoto wüi Zange kamle kopdaokya mix tuita üntoxle hanpak oshuk nguile hüi pongma hünzom hanpak ang chix ngai.