IBRI 2:11 - OTSAO BAIBEL (BSI)

¹¹ Chix khünaknu hwom ochaxbu tokya atsao, üntoxle chixchu tamchu opang atsao-atha daolaxpuix ibu pangnu ang Hopa tuita wüi chang. Ikhoma hwom ang chix tüinaohom le nyak ang Jisu chiazak.

IBRI 2:11 ပူးပေါင်းရင်းမြစ်များ

IBRI 10:14

Chemthüikoxle tö tam wüi koxkya makhange otsao ang achang daokyabu othuithuima nguiwangkya ang achangle fadaoa.

IBRI 10:10

Tamfang ma nok hanpak ang Khrista-e chix tsangtsa jaojao tö koxkya tokhange kem pangwüi otsao ang achang, chemthüikoxle chix hanpakma Zang mongtex chemhex ija chixe mok.

JUHAN 20:17

Jisu-e she ang thüi: “Ku to taxtwon; chemthüikoxle athax kople ku Apa hato machat! Ikoxle kutüi kunao hwom hato paolaxle ku a, owa hwom zongtochu Hopa tamchu Zang changpuix, ija Apa hato chatüi ta le thüikox.”

IBRI 13:12

Ija khoma Jisu chuwüi, chix aji jao makhange ochax tokya khünaknu atsao ang tingnu pankai to zile.

ROM NOK HATO ZAKYA POL LAIZA 8:29

Tüi-hi-naohom khama Zang Hosa puxkya owang ang achang angkya bama, Zange opang kamle kopdao laxpuix, tamchu chix Hosa ningle achang ang süile danle.

JUHAN 17:19

Üntoxle hwom hanpakmale ku kulualua to atsaole nang chak to danpu; ija ningle hwomchu wüi nang hato otsao ma naxngui.

JUHAN 17:21

Apa, chemle nang ku ma ngo, ku nang ma ngopuix, ija ningle hwomchu wüi kem ma naxngo. Nange ku tsanle ajopu le chaxwannue awan ang tom angkya kux male hwom tuita ang naxngo kox.

MATHI 25:40

Wanghome chatle lanüi: ‘Otsingtsingma kue hünzom ang thüipu: ku tüinao hixkyabu to hünzome humekya a ku to humekya changpu!’

IBRI 2:14

Zangsu Zangsabu le chixe nyakkya a müi-hi-aji daile, Jisu chix jao hwom lailaile achang üntoxle khünak jaopo ahanle lax. Chix zikya makhange zik thakma apünkya baoli thu angkya hanpakmale chixe ija mok.

GALATIA 4:4

Ikoxlechu tu-hi-wan thütkhak le nguile hüikya zuma mixcha tuita makhange Jehudi wanlom fangma puxle Zange Hosa ajo.

WANGSHEMBU MWOT 17:26

Mixhuak tuita makhange chixe khünaknu jat-hi-li pangwüi zing, ilaxle chaxwan tok pangnu khato wüi hwom ngo ang dan. Amiba wüi achale chixe hanpak hia hwom ngo angkya ziakam textya le othüt chixe kox.

IBRI 11:16

Itülüi, hwome sungle ngokya a sümüikya, zangkang tingsho changle. Ikhoma hwome chix ang hwom Zang le nyak koxle Zang ang chem thünzak müntüi, chemthüikoxle tingsho a chixe hwom kux ang achwonkya changle.

MARK 8:38

Ijadaile ija Zang chitüikya tamchu ochax tsünthom ma opange ku tamchu ku kaxho bama azakle maxüi hex; Khünak Hosae ma Hopa fuazang ma kaxtaimixbu füi nguikya zuma, chix bama azakkya tüiüi.”

MATHI 28:10

Jisu-e hwom ang thüi: “Taxza, kutüi kunao hwom ang Galili to paolax ta thüikox; ikhato hwome ku ngünüi.”

WANGSHEMBU MWOT 17:28

owawae akaxkya ningle: ‘Chix ma kem ozün ma ngopu, amik-amokpu ilaxle ajingle ngopu.’ Ija a hünzom tsaipa owawae thüikya ningle, ‘Kwom chuwüi chixsu chixsabu changle.’

KAXHO MÜIKYA LUK 9:26

Khünak tuita ku hanpakma hia ku kax hanpakma jangazak thüiba, Khünak Hosa-echu Hopa fuazang ma kaxtaimixbu füi nguikya zuma chix hanpakma azaküi.

MARK 3:34

Chixe chix akhople thungle tüikya khünakbu to hulaxle thüi: “Hulax, anu hia kunao hwom ikhama tüile!

IBRI 3:1

Kutüi kunao khristanbu, opangchu wüi Zange nyakkya changlaxpuix! Kem manzai ang laxkya mongong bama Nguakho ang Zange owa tomle ajopuix, ija Jisu bama ajanglax.