IBRI 13:9 - OTSAO BAIBEL (BSI)

⁹ Küjo küjekya hozün hwon-nwotbue hünzom ochei to pao ang taxtom. Osüt oling bama wanlombu tokya makhange chichangle Zang chingcha tokhange omong tsakzong kopkya wüi sümüi, ibu wanlom tokya tokhange hexle lap chemchu chitüi tox.

IBRI 13:9 ပူးပေါင်းရင်းမြစ်များ

EFISIA 4:14

Ifüima kem, mae zingle alaikya tsingtsang othai hato mix zunle ngokyabu odyen khünakbu hwon-nwot tichape laxlax tox angkya ilaxle zangwin to lexlexchex le jeple paongo angkya athax kem a naosom münchang.

EFISIA 5:6

Ongat zangwünbu makhange owaechu nang dyen ang taxkox; ija khokhoma chix kax ma chilaxkyabu hato Zang mongtsik nguiüi.

ROM NOK HATO ZAKYA POL LAIZA 14:6

Owawae hanpak nyix tuita to ataxle jangthüt thüiba, Jowanpa achuak achen ang mokpu; owawae pangnu li saxlingle changkya Jowanpa achuak achen ang mokpu, chemthüikoxle chixe süt hanpakma chixe Zang to münchong fale. Owawae oli tuita münsax le jangthüiba Jowanpa achuak ang mokpu, ilaxle chixe Zang ang münchong fale.

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

WANGSHEMBU MWOT 20:30

Hwom füito mongong mixbu chichangkya lom to chüile apao ang hünzom khama züizüie atse le zangwün angkya hanpak tuita hüi angkya changle.

JUD LAIZA 1:12

Hünzom fongsüt ma thünzak chitüikya ibu a tuita zamake lyetle amakya ningle changle. Hwome küithole hwom mo alüile wünwüi. Hwom a, zangwat ang chikox homtoxle zangwine jeple aham thomkya zangfwombu changle. Ziaktue ngaxchu chiziakkya, otsing makhange hedaokya tamchu owüiole zidaokya pün a hwom changle.

1 TIMOTHI 6:20

Timothi, nange hume ang kople thomkya nange sünle thomlax. Üntoxle züizüi khünake othai to “tsingwankya”, le nyakkya adix-adakya zangwün hia ongat ningle kax ma alankya nange tsiakle toxlax.

JUD LAIZA 1:3

Ku mongkün tüinaohom, kue hünzom hato kem tom khosün bama zasele tüle mongtsule ngopongma, mongong oja tamfangma owüiole otsaobu ang koxdao laxpuix, ija mongong hanpakma hünzome zongbakle azong angkya kue hünzom hato zongsaile za angkya laile.

2 THESALONIKA 2:17

othuithuima müikya zangwün ang hia müikya mwot mok ang hünzom mong naxchong tamchu atsak azong le naxfa.

MATHI 24:24

Chemthüikoxle othai Messaiah hia ajebu lwon angkya changle; jangtsuak thüiningle Zange zünle kopdaokyabu ngaxchu dyen angkya hanpakma hwome münwan chongkya hia ohünotün mwotbu mok angkya changle.

MATHI 24:4

Jisu-e hwom ang thüi: “Khünzai le ngolax, owaechu hünzom angat ang taxtom.

KOLOSI 2:4

Idaile kue thüipu, hwom tüta tukux wüi müile ngün ang thüilax, owaechu kaxthai zangwün tokhange nang dyen ngan ang taxtom.

2 KORIN 1:21

Hünzom füi tomle kwomchu wüi Khrista füikya notom ma oshing mongle thomkya a Zang changle;

1 KORIN 8:8

Süt makhange kem Zang füi wonkya ofün sümüiüi le münchang; chisaxba kem fün sümaüi, ilaxle saxkoxle kem fün sümüiüi le münchang.

ROM NOK HATO ZAKYA POL LAIZA 14:17

Chemthüikoxle Zang Wangting le osüt oling ang nyakkya münchang, ikoxle Otsao Chasae fakya, otsao, mongsom ilaxle mongmüi pwonla ang nyakpu.

ROM NOK HATO ZAKYA POL LAIZA 14:2

Khünak tuita mongong makhange chix ang pangnu li sax ang dan-pankya tüikoxlax, ikoxle mongong ma zong chitüikya mixe suihing laihingbu tata saxüi.

WANGSHEMBU MWOT 20:32

“Üntoxle athax a kue hünzom Zang tamchu chix chingcha Kaxho chak to koxpu. Chixe hünzom ang chasa ma tsakzong koxüi ilaxle chixe ma khünaknu nok hanpakma thomkya mohiman hünzom ang koxüi.

2 THESALONIKA 2:2

Jowanpa hanpak athax changle le, Chasa makhange wüi changlax, kax makhange wüi changlax, kwom mün lünlaxle laiza ma wüi changlax, hünzom mong lele ma alox ang chikox angkya chichangba khosam chitüi angkya bama kwome hünzom ang thüipu.

1 KORIN 6:13

Owawae ile thüiüi: “Süt a wok hanpakma, ilaxle wok a süt hanpakmale changpu.” Changle, ikoxle Zange pangnyi wüi oli thudaoüi. Tsangtsa a chinunchakkai angkya lom to twon ang chikox angkya changle, ikoxlechu Jowanpa thothakya mwot to twonüi; ilaxle Jowanpa-e tsangtsa ang pangnu li koxüi.

GALATIA 6:1

Tüi-hi-naohom, owawae thaile mokmo ngokya janglop thüiba, hünzom chasa otsao ma ngokyabue chix achangle kox angkya oli changle; ikoxlechu hünzome ija jonai ma mok angkya changle. Ilaxle hünzom tochu wüi thwontsingkya naktüio le khünkhi lax.

MÜNCHUAK-TSAI 112:8

Chix a mongthangle chichangba zale mün-ngo; chix zanpabu to anaokya ngün angkya chix mongkha ma tüikop ünkoxle.

KAXHO MÜIKYA LUK 5:38

Idaile grepti-ju namfyet tankya a müikhwon sang hozün ma wüi sho angkya changle.