IBRI 13:7 - OTSAO BAIBEL (BSI)

⁷ Hünzom füi Zang Kaxho akaxkya, pongwang angkya hünzom lompabu taxalak. Hwom chemle ngole hüi üntoxle chemle zi, ibu to aküi le tam ajangle anolax, ilaxle hwom mong ningle chang ang azonglax.

IBRI 13:7 ပူးပေါင်းရင်းမြစ်များ

IBRI 13:17

Hünzom lompabu kax ma laxlax üntoxle hwom kaxtombu apalax. Hwom mwot bama hwome Zang ang akiakkya kox angkya changkoxle, ojao chizak le hwome hünzom to hule nye ngole. Hünzome hwom kax ma laxle jangtüi thüikoxle, hwome hwom mwot mongmüimüile moküi; ile chichang thüiningle, hwome ibu mongma füi moküi, üntoxle ijae hünzom ang chem olüichu chifaüi.

FILIPI 3:17

Kutüi kunaohom, hünzom pangnusae wüi ku thüi anokya taxdan. Kwome hünzom hato ahokya lailaile changkya sütlom mwotlom ahokyabu to khile huhüi.

IBRI 6:12

hünzom zaxkak mongdom le namchangbae le kwome müntex, ikoxle mongong hia adukya füi tüikyabu ningle namtüibae le texpu, ikoxle tix Zange tsaole thomkyabu kop ang tomüi.

1 THESALONIKA 1:6

Hünzome kwom thüi tamchu Jowanpa thüi anopu; ilaxle hünzom huanuma sikngün koxlechu, Otsao Chasa tokhange hüikya mongmüi füi hünzome ija kaxho pongle koppu.

WANGSHEMBU MWOT 14:23

Müimüithom to tiale hwom azui angkya lompabu zünle tox; hokhie ilaxle chisax chilingle zangjop hanpak lax üntoxle hwom Jowanpa chak to fünle kox.

MATHI 24:45

“Jangchangba mongong hia hwon-je füi tüikya da owa? Opunue mama dabu ang otu thütle süt fa angkya mwot koxle thomkya da a chix changpu.

1 TIMOTHI 3:5

Chemthüikoxle khünak tuitae ma kako ngaxchu müile apu-achang ang chitho thüikoxle Zang müimüithom ning chemle apu-achang thoüi!

IBRI 13:24

Hünzom lompabu pangwüi ang tamchu Zang khünaknu nok ang kwom salam fakox. Itali tokya mongong mixbuechu hünzom hato hwom salam akatle.

1 THESALONIKA 2:13

Ilaxle kwome jento Zang ang münchong fakya chatle mama kaxhuachu tüihupu. Otue kwome Zang Kaxho apukpuix, hünzome ija atat ilaxle ija pongle kop, khünak kaxho ningle chichang ikoxle Zang kaxhole pongle kop, ija changchu changpu, chemthüikoxle mongong tüikyabu hünzom ma Zange mwot mokle.

1 KORIN 4:16

Kue hünzom ang shingmongle akaxpu, kue hünzom hato ahokya ningle ku man tokyabu ang achanghüi.

ROM NOK HATO ZAKYA POL LAIZA 10:17

Idaile mongong a kaxho atatkya makhange hüi, ilaxle kaxho a Khrista apukkya tokhange hüile.

WANGSHEMBU MWOT 4:31

Otue hwome zangjop ashukpuix, hwom asoxle ngokya kha sile alox. Hwom pangnu wüi Otsao Chasae awang ilaxle zazyenkya chemchu chitüi le Zang kaxho apuk ang süt.

TSAITAX-NGAONÜI 1:8

Sheko khama chamüinu, nange onui müntik hexnyi? Paolax, chunzyembu füito azuilax; chunnyetmixbu pom zui ma nange nang zwonbu ang fum atsütkox.

MIKNGÜN-OHÜN 6:9

Ifüima Chun Hosae aga lükya shintop dap. Tötsap fangwok kaoma Zang kax apukkya hia kaxkhi fakya ma mongong shingmong tüikya khoma langkya khünakbu chasa kue ngün.

MIKNGÜN-OHÜN 20:4

Ifüima chongwang tüntongbu üntoxle ibu ma thungle tüikyabu ang kaxfün fa angkya tsakzong fakya kue ngün. Jisu Khrista-e angaikya otsingtsing hia Zang Kax apuk-apuakya khoma dingsomkya chasabuchu wüi kue ngün. Ibue müi hia chix chapa to chishwom, ilaxle hwom khangpong ma chichangba chak male müi münwan hwome chilax. Zangpua hajat tuita Khrista füi tomle apün-ada angkya hwom ozün ang achangle chat.

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

2 THESALONIKA 3:9

Kwome ija, kwom to fong hüile thüi angkya olom müntüile mokkya chichang; kwome ija tuita hünzome anole kop angkya olom tuita ang naxchangle mokpu.

1 KORIN 11:1

Kue chemle Khrista thüi anopuix, ilailaile hünzomechu kuthüi anolax.

KAXHO MÜIKYA LUK 12:42

Jowanpa-e lan: “Jangchangba mongongkya hia hwontüi jezaikya da opupu hex? Hwom khama süt-mwot to hume angkya üntoxle hozui dabu ang otu nguikya ma sütling to humele kox angkya, ibu mwot hanpakma mongao chitüi le hopunue mwot owa ang koxpuix, mongongkya hia hwontüi jezaikya da a chix changpu.

KAXHO MÜIKYA LUK 8:11

“Athax kya kaxpan a ija changle: Tsaxtsang a Zang Kax.

2 THESALONIKA 3:7

Hünzome chem mokdaopuix ija wüi mok angkya changpu le hünzome ipongmüile tsing ngopu. Kwom hünzom füi ngotanto zaxkak fana le chichang.

1 KORIN 10:13

Nok hato chihüikya thwontsing nang tata hato ahuakle tüma hüi. Zang to mongao angkya müntüi, ilaxle nang ma tüikya zong tok to tsakkya thwontsing chixe otuechu hüi ang münfa, ikoxle nang to thwonle anokya zuma, chixe nang ang adu tsuak angkya zong faüi, ilaxle paole azang angkya olom daple koxüi.

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

KAXHO MÜIKYA LUK 5:1

Nyixta Jisu Geneseret Shinthuk-titung kaxma ajongle ngoponge khünaknu abobosüt le Zang Kax apa ang chix hato hüi.

1 PITAR 4:11

Hwon-nwot mixbue Zang Kaxho anwot-ano kox; thothakyabu ma ang Zange fakya zong füi thakox, ikoxletix pangnuli to Jisu Khrista makhange Zang achuak achenkya naxtüi, chemthüikoxle fuazang hia tsakzong jento chix kux changle. Amen.