IBRI 13:6 - OTSAO BAIBEL (BSI)

⁶ Idaile mongchonghax üntoxle akaxhax, “Jowanpa a ku to fongmix, ku otuechu münza. Owae ku to chemthüi thoüi?”

IBRI 13:6 ပူးပေါင်းရင်းမြစ်များ

ISAIA 41:10

Ojao taxza — Ku a hünzom füi tüile! Ku a hünzom Zang — hünzom a chem ma chu taxabüt! Kue hünzom tsak-zongle zingüi ilaxle asunüi; kue hünzom kho-awaüi ilaxle hünzom khosünüi.

ROM NOK HATO ZAKYA POL LAIZA 8:31

Jangchangba ibu zangwün bama keme chemle thüiüi? Kem hanpakma Zang jangtüi thüiba, kem zan to ka angkya owa tamtüi?

MÜNCHUAK-TSAI 124:8

Kem hato ofong-otsox a ding-hi-hax zingkya Jowanpa tokhange tix hüipu.

IBRI 4:16

Fong mix lomle tüipongma, keme chingcha hia jaja füi fongkya atak tsuak angkya kuxma, kempi chix chongwang ngwotnui hato mongao chitüile ngui

MÜNCHUAK-TSAI 56:4

Ku a münza, kue Zang to mongongpu; chixe ku ang chem kaxtsao fapuix ija bama kue chix achuakpu. Khünak tomtatae ku to chemthüi thoüi?

MATHI 10:28

Tsangtsa amüt ang tho koxchu chasa lang ang chitsuak angkyabu thua taxza; itülüi, Zang owae tsangtsa hia chasa pangnyi haolum to amüt ang thopuix, chix thua zalax.

MÜNCHUAK-TSAI 54:4

Ikoxlechu Zang a ku to fong angkya Zang changle. Zang a ku kho-awa angkya Zang changle.

MÜNCHUAK-TSAI 33:20

Kwome kwom mongong Jowanpa ma thompu; chix a kwom ziakopmix tamchu fongle fapupa changle.

MÜNCHUAK-TSAI 63:7

chemthüikoxle nang a jento ku to fongmix changpu. Nangkui-nangzang khungto ku mongmüi to tsai ngaopu.

MÜNCHUAK-TSAI 94:17

Jowanpa ku to chifong thüikoxba, ku a lebama wüi dangle ngo angkya chaxwan to leünse.

MÜNCHUAK-TSAI 40:17

O Jowanpa, ku a muakya mix tamchu zasa changle, ikoxlechu nang ku otuechu chialak. Nang a ku khosünpa tamchu Zang changpu: ku to fong ang momlax!

PONGWANG LAIPEX 15:1

Ifüima Abram-e miksho ma tütali mikngünohün ngün üntoxle Jowanpae chix füi ile akaxkya atat: “Abram, nang ojao taxza chemthüikoxle kue nang to o-le thomüi tamchu hingho chongkya koxüi.”

EFISIA 3:12

Khrista füikya notom ilaxle keme chix to mongongkya tokhange mongao chitüi le Zang ngwotnui to hüi ang kem ma mongchyen tüipu.

TSAITONG-KAXTONG 33:29

Israel, nang mong chemkuxma müipuix! Nang lailaikya owachu müntüi, Jowanpae sünle thomkya jat-li tuita a. Nang di hia changlo a Jowanpa chixjao changpu, chixe nang khosele ilaxle lütkya koxle. Nang zanpabu nang hato chingcha jule hüiüi, ilaxle nange hwom to cha füi tingle akhünüi.

ISAIA 41:14

Jowanpae thüile: “Israel, hidaole wüi tamchu sho-naikyabu changle, ikoxlechu taxza; kue hünzom to fongüi. Ku, Israel nok otsao Zang, ku tix changle hünzom khosünkya a.

MÜNCHUAK-TSAI 27:9

Ku thoto nang taxkhün! Nang ang ku füi mongtsikkya taxtüi; nang dapa ku anongle chat ang taxtom. Ku to nange fongle hüipu; ku danle taxtox, ku awütle taxtox, O Zang, ku khosünpa.

MÜNCHUAK-TSAI 146:3

Khünak lompabu to nang mongong chalom taxüi; khünak owaechu nang khosün ang müntho.

TSAITONG-KAXTONG 33:26

Israel khünaknu, hünzom Zang lailaikya mama baozangbu müntüi, zangding kho akaile fixfax-jikjeple, zangfwom ding ma ngalaxle nang jua fong ang nguile.

LAIPAO 18:4

Anaole chu chixe thüi: “Ijip wanghompa-e lang ang thüikya ku apa Zang-e ku azün”; ikhoma chix sasün tuita ang Eliazar) le amün.

IBRI 10:19

Idaile, ku zuikhuibu, Jisu zikya makhange ataxkya Otsao Nui to hüi ang kem ang mongtex pankya tüile.

1 SAMUEL 23:17

Chixe thüi: “Nang taxza, Apa-e nang to chem münthüitho. Nang a Israel nok ma wanghom ang achang angkya ilaxle ku nang fang ma tüichong lyakho tüi angkya chixe bakle tsingle ngopu.”

1 WANGHOMBU 17:8

Ifüima Jowanpae Elija füi akax,