IBRI 13:20 - OTSAO BAIBEL (BSI)

²⁰ Oshuk chitüikya Tsaotsüt shintopkya chix aji khoma owa Akhokya chun-nyetmix ang changpuix, ija kem Jowanpa Jisu, zidaokya Zange chatle azang ang tom.

IBRI 13:20 ပူးပေါင်းရင်းမြစ်များ

JUHAN 10:11

“Chun hanpakma zi ang achwonle tüikya chun: nyetmix amüikya a ku changpu.

IBRI 10:22

Idaile chimüikya tutex tokya atsao daokya mongtsangbu hia ti füi sodaokya tsangtsabu füi, künzu-mongzule üntoxle mongao chitüikya mongong füi kem Zang hato hüihax.

MÜNCHUAK-TSAI 23:1

Jowanpa a ku chunnyetpa; kue laxsese komle ku ma tüile.

ROM NOK HATO ZAKYA POL LAIZA 15:33

Zang, kem mongsom otong, hünzom pangnusa füi ngohüi! Amen.

EZEKEL 37:26

Jento hwom tumüi lomkhaole ngo angkya bama kue hwom füi tsaotsütle changüi. Kue hwom ajing-ating le chang ang tomüi ilaxle khünak huak pu-tsale chang ang tomüi. Ku Zangshwom-Hom ija haxtok ma hwom tu ma jento ajongle ngokya kue ngün ang kopüi.

2 THESALONIKA 3:16

Jowanpa, chix jaojao, owa kem mongsom otong hex, chixe othuithuima tamchu pangnu lom ma hünzom ang mongsom naxfa. Jowanpa hünzom pangnusa füi ngohüi.

JUHAN 10:14

Chun-nyetmix Amüikya a Ku changpu; chemle Apae ku awan tamchu kue chix awanpuix,

ZEKARIA 9:11

Jowanpae thüi: “Hünzom füikya ku tsaotsüt oja tö koxkya aji füi shintople tüipuix, kue hünzom khünaknu danle panüi: zuazoxle zanda ang thomkya tüküi khatokya a.

WANGSHEMBU MWOT 2:24

Ikoxlechu zidaokya chix Zange chatle azangle zo ang tom; chixe chix zikya sikngün chak tokya da, chemthüikoxle zike chix hakle thom ang tho angkya oli chichang.

LAIPAO 24:8

Ifüima Mosa-e khuanu angkya aji koplaxle khünaknu to sakle kox. Chixe thüi: “Ija a Tsaotsüt, oja Jowanpae chix kaxtombu koxpongma, chix üntoxle kem bama zingkyahex ija changpu.”

1 PITAR 2:25

Hünzom a lom asam daokya chunbu ningle changlea, ikoxle athax a chunnyetmix tamchu chasa nyetmix füito azui ang hünzom a chatle chat ang tomdaoa. E chat ang tomdaoa.

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

WANGSHEMBU MWOT 3:15

Athaxpi hünzome khünak khüzün lom to zunkya mix langle awüt. Ikoxlechu Zange chix zidaokya chatle azün, ilaxle kwome ija ma mikshoe jao ngünle.

ISAIA 63:11

Ikoxlechu hwomeledaokyabu texle atak, Jowanpa dapa Mosa din tokyabu a, ilaxle hwome atüi: “Tinu chak tokya chix khünaknu khosünle kopkya Jowanpa a ojong? Mosa ang chix chasa koxkya Jowanpa a ojongto tüi?

1 PITAR 1:21

Chix zidaokya chatle azang ang tom ilaxle fuazang ang tomkya Zang to hünzome chix makhange tix mongongpu; ikhoma hünzom mongong hia monghom tangthole Zang ma thompu.

1 THESALONIKA 1:10

Tamchu hünzom mong chatkya a: chix Hosa Jisu Khrista, chixe owa zidaokya chatle azünpuix üntoxle hüile ngokya Zang mongtsik tokya kem owae azün laxpuix, ija chix Hosa zangkangting tokya chatüi tan angkya bamachu changle.

KOLOSI 2:12

Chemthüikoxle baptikya zuma hünzom Khrista füi tomle akhün, ilaxle baptikya ma, zidaokya Khrista chatle azang azwotkya, dangle chingokya Zang zong to hünzome mongongkya makhange, Khrista füi tomle hünzomchu chatle azangle zo.

JEREMIA 32:40

Kue hwom füi oshuk-chitüikya tsaotsüt tuita zingüi. Kue hwom hanpakma müikya mwot mokkya tam-münzak, ilaxle hwom mong makhange abakle ku chathua zale ngo ang tomüi, ikoxle tix hwome ku hato tok chiahoüi.

1 PUKAX-PANGAO 16:17

Jowanpae Jakop füi tsaotsüt, ija tuita jento ngo angkya hanpak changle.

1 PITAR 5:4

Üntoxle Akhokya Chunnyetpa nguikya zuma, otuechu bile chima angkya nyankya khohom hünzome ataküi.

IBRI 10:29

Jangchangba, ochax tokya hwom atsaole fakya Zang aji chem angchu chilaxle hwon tamchu chingcha fakya chasa adix-adale opange Zang Hosa tha ajaole changlaxpuix, ajang anohu, hwome kop angkya zothup otukux thama changüihex!

IBRI 9:20

Chixe thüi: “Kax ma laxle thom angkya hanpakma Zange hünzom ang fakya Tsaotsüt aji a ija changpu.”

1 THESALONIKA 5:23

Pangnu lom ma hünzom otsao ang achangle Zange kwom ang mongsom naxfa ilaxle hünzom ozün komle, thüikoxle chasa khüzün tamchu tsangtsa pangnu, Jowanpa Jisu Khrista nguipongma othai lili füi atsaile sünle thomüi.

FILIPI 4:9

Ku kax-ngao hia süt-mwot makhange hünzome ku angkya awanle laxkya hia kopkya, ibu pangnu hünzome mwot ma twonkox. Üntoxle kwom ang mongsom koxkya Zang hünzom füi ngohüi.

ROM NOK HATO ZAKYA POL LAIZA 8:11

Zang Chasa, owae Jisu chatle azang ang koxpuix, chix nang ma jangngo thüikoxle, chix Chasa nang ma ngo ang koxkya tokhange, owae zidaokya Khrista chatle azünpuix, chixe ziün angkya nang tsangtsa angchu tsün khüzün koxüi.

WANGSHEMBU MWOT 5:30

Hünzome pünsak ma takle langkya füima, kwom pupa hwom Zange ija Jisu chatle azang ang tompu.

MATHI 26:28

chemthüikoxle ija a Zang Tsaotsüt hozün changle tamchu khünaknue ochax thailak atak angkya hanpakma awütkya ku aji changle.

EZEKEL 34:23

Kue hwom ang ku dapa Dawid lailaikya wanghom tuita hwom chunnyetpa ang koxüi, ilaxle chixe hwom to humele changüi.

ISAIA 40:11

Chunnyetpa tuita ningle chixe chix chunbu to humele changüi; chixe chun hosabu jongta khama afoxüi ilaxle ibu chix chak-hüi ma paiüi; chixe chun honu hwom zaxhun ma zunüi.

2 SAMUEL 23:5

Ilaxle ija ningle Zang-e ku sixlibu to mohiman angkya changle, chemthüikoxle chixe ku füi othuithui hanpak ang tsaotsütle changdaoa, tamchu chiama angkya tsaifün-kaxwün tuita, otuechu chialex angkya kaxtsao tuita a. Ibibi a ku mong ma tsukya changle; ija a kue tholünkya ang changüi, ilaxle Zang-e chithaile ija ile chang ang tomüi.

EFISIA 1:20

Kem ma mwot mokle ngokya ija akhokya tsakzong a, chixe Jisu Khrista azangle azwot ilaxle zangkangting to chix tsaxchi ma athung ang twonkya zong tuitata wüi changpu.

GALATIA 1:1

Khünak angkya, chichangba khünak makhange hüikya chichangle, ikoxle Jisu Khrista üntoxle Hopa Zang, owae chix zidaokya chatle azangle zo ang tompuix, chix wangshem ang nyakle kopkya Pol tokhange.

2 KORIN 13:11

Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

2 KORIN 4:14

Zang owae Jowanpa Jisu chatle azünpuix, chixe kwomchu Khrista füi tomle azangle zo ang koxüi ilaxle hünzom füi tomle kwomchu wüi chix ngwotnui to paoüi, le kwome awanle.

1 KORIN 15:15

Tamtailechu Zang bama kwom atsekya ang changüi, chemthüikoxle Zange Khrista chatle azangle zo ang tomle le kwome akaxdaoa. Idaile zidaokya chatle azangle zokya chitüiangba, Khrista chatle azangle zokya kaxwa changa.

1 KORIN 14:33

Chemthüikoxle kem tupang pün angkya chichangle tumüi le mongsom tüi angkya Zang mongtex changle. Zang khünaknu müimüithom pangnu khato wüi,

1 KORIN 6:14

Zange Jowanpa Jisu zidaokya chatle azwot, ilaxle ku chuwüi chixe chix tsakzong makhange chatle azwotüi.

WANGSHEMBU MWOT 17:31

Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

WANGSHEMBU MWOT 13:30

Ikoxlechu Zange chix zidaokya chatle azangle zo ang tom,

WANGSHEMBU MWOT 2:32

Zange ija Jisu zidaokya chatle azündaoa, ilaxle kwom a pangnusa wüi ija otsingtsing bama kaxkhi fakyabu changpu.

KAXHO MÜIKYA LUK 22:20

Üntoxle fongsax füima, ile wüi wansa kop laxle thüi: “Ija wansa a hünzom hanpakma ajenkya ku aji ma Zang Tsaotsüt hozün changpu.

MARK 14:24

Anaolechu chixe hwom ang thüi: “Ija a ku füi tsaosaxkya aji changpu, oja khünaknu hanpakma chiak laxpuix.

EZEKEL 37:24

Ku dapa Dawid lailaikya khünak a hwom wanghom ang changüi. Hwom pangwüi pünpa-chongwang tuita fang ma notom le ngoüi ilaxle mongong tüikya füi ku wanlombu pangwüi kax ma laxle tüiüi.

ISAIA 61:8

Jowanpae thüi: “Kue sukya kaxfün to mongkünle ilaxle mix to afang thomkya hia mütkopkya thua anule. Kue ku khünaknu to mong athokya chitüile hingho koxüi Ilaxle oshuk chitüikya Tsaotsüt hwom füi thomüi.

ROM NOK HATO ZAKYA POL LAIZA 16:20

Zang, kem mongsom otonge, chwonle wüi bao chix chifa fangto nakdaoüi. Kem Jowanpa Jisu Khrista chingcha nang füi naxngo.

ROM NOK HATO ZAKYA POL LAIZA 1:4

chix otsao chifün ma, zidaokya chatle azangle zo ang tomkya makhange chix a Zang Hosa changpu le fua-hi-zangle aho.

WANGSHEMBU MWOT 4:10

hünzome pünsak ma takle langkya mix owa Zange chatle azangle zo ang tompuix, ija Nazareth nok Jisu mün ma tüikya zong makhange owüiole müilaxle ija mixsün hünzom thüntho ma ajong ang tsuakpu, le hünzom pangnue tamchu Israel khünak noke wüi awan angkya oli changle.

MÜNCHUAK-TSAI 80:1

Kwom to apahüi, O Israel Chunnyetpa; kwom zing atatlax, nang chun zyem lompabu zing a. Hozang füikya zünmok okho ma nang ngwotnui ma thung laxle,

2 PUKAX-PANGAO 30:12

Wanghompa hia chix nguakax-wangkhobu kaxtom to le chix mongtex kax ma laxle chang angkya bama ma küntsu monglua to hwom pangwüi motomle chang angkya hanpakma Zang-e Judah ma mwot mokle tüikya.

ROM NOK HATO ZAKYA POL LAIZA 10:7

Chichangba: “Amachi chaxwan to owa juüi?” (Ija a lumting tokya Khrista dün ang) le nang füi alüile taxakax.