IBRI 13:2 - OTSAO BAIBEL (BSI)

² Ma hom to nguikya mixwünbu wünpwon angkya taxalak. Ile mokkya tokhange chitsing homtoxle kaxtaimix wünpwon le pong kopkya khünak züizüi tüikya.

IBRI 13:2 ပူးပေါင်းရင်းမြစ်များ

MATHI 25:35

Ku wok ano pongma hünzome ku tuxpu; ti alan pongma ling angkya ti fapu; ku mixwün ang achangle ngopongma hünzome ku mahom to pongle koppu;

PONGWANG LAIPEX 18:1

Mamre angkya otsao pünbu ma Jowanpa Abraham hato ngai. Zanghan tsakle zangkham pongkhae Abraham a chix homthoma thungle tüikya,

ROM NOK HATO ZAKYA POL LAIZA 12:13

Hünzome chitüi chinangkya tüinao füi hünzom bwotba ahan achüi le laxkox, ilaxle mixhing wünpabu hanpakma hünzome ma hom ka daple laxkox.

1 PITAR 4:9

Zangwün atsatle chingo homle hünzome tata ang ma hom ka daple laxkox.

MATHI 25:43

Ku mixwün ang achangle ngopu ikoxle hünzome ku mahom ma pongle chikop; ohua ma ngopong ma hünzome ku to awunle chifa; ku kak pongma hia kople thom pongma hünzome ku to chihu chime!’

TITA 1:8

Chix a mix wünpwon mankya hia chem müipuix ija to künkya mix chang angkya oli. Chixe ma alüile akumathum angkya, otang ma ajangkya mix, tsaokya mix tamchu zanglom saikha müikya khünak changkoxle müiüi.

JOB LAIPEX 31:32

Wünham mixbu kue homto sele laxpu; otuechu hwom lomnutangto wünpom ang chitom.

LIWI 19:34

Israel khünake ma mix to chemle huse hex ile hwom tochu hukox ilaxle ma to chemle mongkünle tüipuix ilailaile hwom tochu mongkünkox. Noxta hünzom chuwüi Ijip nok to püntüi ang ngole toxdaokya changle.

MATHI 25:40

Wanghome chatle lanüi: ‘Otsingtsingma kue hünzom ang thüipu: ku tüinao hixkyabu to hünzome humekya a ku to humekya changpu!’

1 TIMOTHI 5:10

ilaxle müikya mwot mokkya khoma münmüi koplaxle tüikya mixnu tuita, owae masu masa müile atsünpuix, hom ma mixwünbu pongle koppuix, ma üitho khristanbu hato hwom tong to jokya mwot mokle ahopuix, ilaxle ma alüile müikya mwot to khünzule ngopuix, iningkya mixcha tix zomnu khato ema laxkox.

1 TIMOTHI 3:2

Müimüithom lompa tuita a thaikya kha chitüi le chang angkya oli: Chix a kakonu tuita wüi tüikoxle müiüi, tamchu tok-nga le chichang homtoxle malailai to akumathumkya ilaxle thutle saxmok ang awankya mix changkoxle müi angkya oli changle; chixe ma hom ma mixwün pongle kop angkya changle; chixe anwot-ano ang awan angkya changle;

ROM NOK HATO ZAKYA POL LAIZA 16:23

Ku wünthong Gaia, owa hom ma müimüithom asoxpuix, chixechu hünzom hato salam fale; Erata, tingnu ma ngun twonpa, ilaxle kem tüinao Guata hwomechu hünzom ang hwom salam fale.

ISAIA 58:7

Nang süt a chitüi-chinang füi ahanle saxkox ilaxle homhax chitüikyabu ang nang hom daple laxkox. Nyiwun chitüikyabu ang nyiwun laxkox, ilaxle ma haxnu-homsa hwom to münfongpu le tax-angam.

WANGSHEMBU MWOT 16:15

She füi tomle hwom homkha pangwüi bapti. Ifüima she-e kwom selaxle thüi: “Kuchu Jowanpa to ongkya mixcha tuita changpu le hünzome janglax thüiba, oman, nguilaxle ku hom ma ngolax.” Ilaxle she-e tütakoxlechu kwom ngui angkya wüi changpu le kwom se.

JOB LAIPEX 31:19

Manyi maza shak ngaxchu chithole, owawa maxsamkya mix bang pongma,

2 WANGHOMBU 4:8

Nyixta Elisha a luacha tuita ngole tüikya Shunem to ngui. She-e chix a fongsax ang se; ija nyix makhange chix Shunem to lefofo ija mixchanu hom ma fongsaxle tox.

PONGWANG LAIPEX 19:1

Sodom nok to kaxtaimix mixsün anyi nguikya hansong ma, Lot a tingnu pan ma thungle tüikya. Chixe hokhi ngünkya shemle, chix ajong ilaxle hokhi füi apong ang lai. Chix hokhi chitong ma akhuxle shwom.

3 JUHAN 1:5

Ku mongkün tüinao, hwom mixwünbu changkoxle ngaxchu nange ma füikya khristan üithobu to chempang le hume puix, ibu mwot to nang shingmongkya mix changle.