IBRI 13:18 - OTSAO BAIBEL (BSI)

¹⁸ Kwom hanpakma zangjople ngohüi. Kwome awanle ngopu, kwom khangka hingle tüile, chemthüikoxle chaliama kwome chem supuix ija mokse tsupu.

IBRI 13:18 ပူးပေါင်းရင်းမြစ်များ

1 THESALONIKA 5:25

Tüinaohom, kwom hanpakmachu wüi zangjop hüi.

2 THESALONIKA 3:1

Oshuk ma tüinaohom, hünzom khato chemle changdaopuix, ilailaile Jowanpa kaxho thuithui le apukle le angkya üntoxle ija achuak achenle pongle kop angkya bama, kwom hanpakma zangjop hüi.

1 TIMOTHI 1:5

Ija kax koxkya mongtex a: tsaothakya mong makhange laikya mongkün, je chipakya khangka ilaxle otsingtsing mongong azwot angkya hanpakma changle.

KOLOSI 4:3

Ifüi tomle kwom hanpakmachu wüi jop-hüi, ile Khrista bama ija huxsa kaxho anwot-ano angkya kwom ang hanpak omüi naxfa. Chemthüikoxle ija hanpakmale athax ku a kun khato ngopu.

ROM NOK HATO ZAKYA POL LAIZA 15:30

Tüi-hi-naohom, kem Jowanpa Khrista ma tamchu Chasae fakya mongkün ma kue hünzom zongsaipu: Ku hanpakma zangjop ma mongkoxle ku füi tomhüi.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

1 PITAR 3:16

Ikoxlechu ija kax to zingmüi ma tamchu chathua zakya füi lankox. Hünzom zanglom saikha müikya ngünlaxle, Khrista füito azuikyabu le hünzom ahai le ada pongma hwome thünzak kop angkya kuxma hünzom tutex tsaotha le thomlax.

1 PITAR 2:12

Songsari khünakbue chem bama, oma mwot mokkyabu thom, le kaxhux fele hünzom to kaxma thüiüihex, ija bama hwome hünzom mwot müikya ngünlaxle, chix nguikya nyix Zang fuazang ang tomkya lima, hwom khato hünzom zanglom saikha müile tüihüi.

1 THESALONIKA 4:12

Iningle changkya tokhange hünzome chiongkya khoma hünzome chathua zakya ataküi, tamchu nange laxse lükya mwot-kat bama nange owawa to onglaxle ngo angkya münchang.

WANGSHEMBU MWOT 24:16

Idaile Zang hia khünaknu thüntho ma khangka tsaotha le tüi angkya hanpakma kue otukux tsuakpuix itukuxle müikya mokpu.

WANGSHEMBU MWOT 23:1

Pol-e nguawangbu to tangthole hu ilaxle akax: “Kutüi kunaohom! Anyix kople Zang pomtho ma ku tsün bama ku khangka tsaotha le otya ma wüi tüitan.”

FILIPI 4:8

Oshukma kutüi-kunaohom, münchong fakoxle asule tüikya hia oli müikyabu füi hünzom awangle tüikox; thüikoxle, otsingtsing, sukya, changkya, tsaothakya, mongkünkya ilaxle achuak achen ang asule tüikyabue awangle tüikox.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

ROM NOK HATO ZAKYA POL LAIZA 13:13

Chinunchakkai hia jutok saxngat chitüile, müi-hi-aji küntsu monglua lom ma hia chitsaokya lom ma chichangle, ahe atsikya hia afux-alaokya chitüile; anyixningkya zangngai ma ngokyabu ningle kem zanglom saikha müile ngo angkya thüt-hax.

ROM NOK HATO ZAKYA POL LAIZA 12:17

Owawae nang zongto oma mwot jangmok thüikoxle, ochaxchax füi wüi ija to olüix taxkhom. Noke wüi oja müile le texpuix ija mokkox.