IBRI 13:1 - OTSAO BAIBEL (BSI)

¹ Khristanbu ningle tata to künkak mongkün füi ngolax.

IBRI 13:1 ပူးပေါင်းရင်းမြစ်များ

1 JUHAN 4:20

Owawae chixe Zang to mongkünpu le thüilaxle tüinao thua janganu, chix a tselop; chemthüikoxle chixe mik füi ngün ang thokya tüinao to ngaxchu mongkünkya chitüi, mike ngün ang chithokya Zang to ning chemle mongkün angkya?

1 PITAR 3:8

Oshuk ang: Hünzom pangwüi mong tuita ma, chingcha jajakya tüi-hi-nao ningle künkak mongkün füi mong nonai tamchu künsom mongdang le changlax;

1 PITAR 1:22

Hünzome otsingtsing kax ma laxkya füi künkux-mongkwomkya chitüi homle, tüinaoe tüinao to mongkün angkya hanpakma hünzom chasa tsaothale zingle fakoxle, hünzom tüinaoe tüinao to mong bakle koxkya füi, küntsao-mongtha le tamchu chizakle akün-aluale tüikox.

2 PITAR 1:7

otsao to khristan künkak mongküne bo; khristan künkak mongkün to mongküne bo; le chang angkya hanpakma hünzome tsuakkya apongle azongle moklax.

1 PITAR 2:17

Pangnusa chathua zale tüikox, mongong ma tüinaohom to mongkünle tüikox, Zang thua zakox, üntoxle chongwang chathua zale tüikox.

IBRI 10:24

Mongkün aho ang tata to fong angkya üntoxle mwot müikya mok ang tata tuitex le tüihax.

2 THESALONIKA 1:3

Kwomtüi kwomnaohom, othuithuima kwome hünzom hanpakma Zang ang münchong fa angkya changle. Ile mok angkya kwom zongma sukya mwot changle, chemthüikoxle mongong namwüi chongle hüile ilaxle hünzome tata to mongkünkya mong süchong süchongle chongle.

1 PITAR 4:8

Pangnusa thakma, tata to chizakle mongkün tüilax, chemthüikoxle mongküne tüpong tüpongkya ochaxbu to chwop khom ang thole.

GALATIA 5:22

Ikoxle Chasa oziak a ibu changpu: Mongkün; mongmüi; mongsom; adukya; chingchajaja; müikya; mongong; jonai; ilaxle ma alüile akumathumkya;

GALATIA 5:13

Ikoxlechu tüinaohom, hünzom a khangkho ngaile ngo angle nyakpu. Idaile nange müi-hi-aji mongtex lom ma taxdan. Itülüi, mongkün makhange tata atu-alitkox

MIKNGÜN-OHÜN 2:4

Ikoxlechu nang ang kue thüipu: Ami owang pongkya ningle nange ku to mongkünkya müntüi.

1 JUHAN 3:23

Kem ang fakya Khrista kaxtom ningle, chix Hosa Jisu Khrista to mongong tüi angkya tamchu tata to mong akün angkya a chixe kem ang fakya kaxtombu changle.

GALATIA 5:6

Jisu Khrista füikya notom ma kem khwon chizütkya hia zütkya ma mafanfan chemchu müntüi, ikoxle zangwün a mongong füi mwot mokkya matix tüile.

JUHAN 15:17

Ija khoma kue hünzom ang koxkya kaxtom a ija changpu: Hünzom a tata füi mongkün ma ngolax.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

EFISIA 4:3

Hünzom tuita ang achangle kha thomkya mongsom makhange Chasae fakya notom sünle thom angkya bama tsuakkya apongle azongkox.

WANGSHEMBU MWOT 4:32

Mongong mixbu kün-mong tuita ma ngo. Owaechu ma ma tüikya makux changpu le chithüi: ikoxle hwom ma atüitüi pangnu wüi tata füi azut-ahanle lax.

WANGSHEMBU MWOT 2:1

Pentekos nyix nguikya zuma Jisu to mongongkyabu pangnusa wüi jongta khama afoxle nui.

MÜNCHUAK-TSAI 133:1

Hulax, tüi-hi-nao hwom motomle ngokya chemtukuxkya mongmüi tamchu mongsom changpuix!