IBRI 12:3 - OTSAO BAIBEL (BSI)

³ Hünzom ang mong chihix angkya tamchu mong chiatho angkya hanpakma, owae ochax khünaknu miktsak mongngwom adule hüipuix, ija Jisu chem ning lükya ziamong makhange lepuix, ajang anohu!

IBRI 12:3 ပူးပေါင်းရင်းမြစ်များ

GALATIA 6:9

Idaile müikya mwot mok ang kem taxna-taxjua hax; chemthüikoxle keme danle chitoxle jangmok thüiningle, züt ang hanpak tuita kem hato hüiüi.

2 KORIN 4:16

Ija khoma otuechu kwom ang mong münhix. Kwom tsangtsa tsün zaze-zazele zatnaile hüile, ikoxlechu kwom chasa tsün a nyixta füima nyixta le sümüile azünle.

MIKNGÜN-OHÜN 2:3

Nange tüle adudaoa, nange ku hanpakma sikngün aponghudaoa, ilaxle nange danle chitox.

1 KORIN 15:58

Idaile, kutüi-kunaohom, shingmongle ajonglax ilaxle zaxhun ma ahamkox. Jowanpa mwottho ma nange mokkya chemlichu muato münmax le nange awan angkya daile, Jowanpa hanpakma chak ojao chingaile mwot mokkox.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

IBRI 3:1

Kutüi kunao khristanbu, opangchu wüi Zange nyakkya changlaxpuix! Kem manzai ang laxkya mongong bama Nguakho ang Zange owa tomle ajopuix, ija Jisu bama ajanglax.

2 KORIN 4:1

Zange chix chingcha makhange kem ang ija mwot mok le koxdaoa, ikhoma kwom ang mong münhix.

JUHAN 5:16

Ija khoma Jehudi khünakbue Jisu to zothup ang süt, chemthüikoxle chixe ija mwot a nazak nyix mok.

1 SAMUEL 12:24

Nang kün-hi-mong tokhange zongbakle mongong tüikya füi Jowanpa thothale changkox. Hünzom hanpakma chixe mokkya ohünotün mwotbu taxalak.

IBRI 12:5

Tamchu hünzom naosom ang lax üntoxle hünzom zong adünle wünkya kax ija kax hünzome alakdaoa: “Kusa, Jowanpa-e zünte le taxchang; chixe sikangün pongma, nang ang mongmale taxchang;

KAXHO MÜIKYA LUK 14:1

Nyixta nazak nyix Jisu-e farisibu khama akhokya mixsün tuita hom to fongsax ang thung; khünaknue chix to khile hungo.

TSAITONG-KAXTONG 20:3

‘Israel khünaknu, apakoplax! Anyix a hünzom zan to kapu. Hünzom a zan-nokbu thua taxza chichangba monghixle taxchang chichangba taxabüt.

2 THESALONIKA 3:13

Ikoxlechu tüinaohom, hünzom a müikya mwot mokkya ma najua angkya oli münchang.

JUHAN 18:22

Jisu-e ija akaxkya zuma, soxle asukya nyetmix tuita chix to wyen ilaxle thüi: “Nange Nguakho kax to ile chem ang lanpu?”

JUHAN 8:52

Hwome chix ang thüi: “Athax kwome nang ma bao tüile le awanle laxdaoa! Abraham zipu ilaxle ajebuchu wüi zipu; ikoxle nange thüt tüi, nang hwon nwot kax ma laxkya mix a otuechu münzi.

ISAIA 50:4

Kue na-juale maxngokyabu zong adün ang chem akax angkya hex, Jowanpa Khüthak Zang-e ku hama apuadaoa, Chixe ku hama anwot-anole chang angkya apale kop angkya nopfokya to ku ang mongtsukya kox.

WANWÜNKAX 24:10

Khosam apong pongma nang shonaile jangchang, nang a shonaikya mix jaojao.

JUHAN 8:59

Ikhoma hwome long tswonlaxle chix to thup ang tung; ikoxle Jisu azwon ilaxle Zangshwom-Hom angkya laile pao.

JUHAN 8:13

Farisibue chix ang thüi: “Nang kaxkhi nange alüile fale hia? Ija nang kaxkhi otsingtsing münchang.”

JUHAN 7:12

Khünaknue chix bama tüle mowün le thüi: “Chix a mixmüi changpu.” Mamabue thüi: “Münchang, chix a khünaknu ochei lom to zunle paongokya mix changpu.”

KAXHO MÜIKYA LUK 16:14

Otue farisibue ijabu kax atat, hwome Jisu ajao, chemthüikoxle hwome ngun towüi kün.

KAXHO MÜIKYA LUK 15:2

farisi hia Wanlom tsingpabue chanyile thüi: “Ija mixsüne ochax khünakbu pongle kople ilaxlechu hwom füi tomle sax-lingle!”

KAXHO MÜIKYA LUK 5:21

Wanlom tsingpabu hia farisibue hwom-hwom tata füi zangwün ang süt: “Zang adale akax ang chix owa changlaxpuix! Ochax thailak koxtsuak angkya Zang tata wüi!”

KAXHO MÜIKYA LUK 2:34

Simeon-e hwom to mohiman ilaxle honu Meri ang thüi: “Ija naosa a, ama angkya bama üntoxle Israel khünaknu huanuma khosün angkya hanpakma Zange kamdaoa. Khünaknue owa mo amale wünüi hex ilaxle owae hwom huxsa mongtex angaile kox üihex,

MATHI 22:15

Farisibu pao ilaxle kax atüi angkyabu füi Jisu aman angkya lom zing.

MATHI 21:46

Ikhoma hwome chix kop ang azong, ikoxlechu khünaknue Jisu a tuita ajepa changpule laxkya ngünlaxle, hwom thua zakya khoma chix kop ang chitho.

MATHI 21:23

Jisu chatle Zangshwom-Hom to ngui; chixe hwon-ano le ngoponge, nguakhobu hia Jehudi nok lompabu chix hato hüilaxle atüi: “Nange ija chemtsak-chemzong makhange mokpu? Ija tsakzong nang ang owae fapu?”

MATHI 15:2

“Nang wangshembue bangkya pupa wanlom büthüikoxle chitopu? Hwome chak wanlom ma tüikya ningle chiatsux homle fong saxle!”

MATHI 12:24

Ikoxlechu ija atatlaxle farisibue thüi: “Bao wanghom Belzebul e fakya tsakzong füi chixe haxshix chasabu jwon ang thole.”

MATHI 11:19

Khünak Hosa ngui ilaxle chixe sax-lingle chang, ikoxle noke thüi: ‘chix a sütbakmix; jutok saxngale ngokyabu hia süisai mixbu zuikhui changle!’ Zang je a mwot makhange tix awan ang koppu.”

JUHAN 9:40

Chix füi tomle ngokya farisibue ija zangwün atatlaxle chix ma atüi: “Kwom ang miksut changpu le thüikya kax ning münchang hexnyi?”

JUHAN 10:20

Hwom züizüie thüi: “Chix ma bao tüile! Chix a ongat changpu! Hünzome chix kax chemlom ang apapu?”

1 PITAR 2:23

Chix adix-ada pongma anongle chixe adix-adale chichang; chix sikangün pongma chixe aza-anale chichang; ikoxlechu otsingtsing kaxfünpa, Zang ma chix monghom thom.