IBRI 12:2 - OTSAO BAIBEL (BSI)

² Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

IBRI 12:2 ပူးပေါင်းရင်းမြစ်များ

MIKA 7:7

Ikoxlechu kue a Jowanpa hanpakma nyele ngoüi; ku khosünle kop angkya Zang bama kue mongao chitüile tanle nuiüi.

1 PITAR 3:18

Chemthüikoxle hünzom Zang hato apüi ang, ochax khünakbu khülüix to müikya khünak tuita Khrista, nok hanpakma tamfang ma ochaxbu bama zi. Tsangtsa ma chix lang ang kox, ikoxlechu chasa ma chix azang ang tom,

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

FILIPI 1:6

Idaile Khrista Jisu Hanpak ashukle mahüi tanto, hünzom ma ija mwot müikya owang wangkya Zange ija zunle alyet angkya changpu le kue hünzom ang thüipu.

IBRI 9:28

Ija lailaile khünaknu ochaxbu laxlax tox angkya hanpakma Khrista chuwüi tam tokya ma kox. Anyi lükya ma chix ngaiüi, ikoxlechu ochax füikya mwot bama münchang, ikoxle opange chix tanle ngolaxpuix, hwom khosün angkya hanpakma changüi. A

JUHAN 6:40

Chemthüikoxle Hopa mongtex a ija changle: Opange Hosa ngünpuix tamchu chix to ongpuix, hwom ma oshuk chitüikya khüzün tüiüi; Ilaxle oshuk nyix kue hwom ozün ma ngo ang tomüi.”

1 PITAR 3:22

Zangkangting to donglaxle Zang tsaxchi kao ma thung üntoxle owae kaxtaimixbu tamchu zangkangting tsakzong thakma apün-adale ngopuix, Khrista chix chatle azangle zokya tokhange ijae tsuakle.

WANGSHEMBU MWOT 5:31

Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

KAXHO MÜIKYA LUK 24:26

Ija sikngün apong angkya hia fuazangkya khato hüi angkya Khrista hanpakma olom münchang hichem?”

ISAIA 53:3

Kwome chix ajao ilaxle chilaxle awüt; chixe sikngünkya hia tsütle kakkya adu. Owaechu chix thün to hu ang chitho — chix chemchu chichangkya ningle keme chix ahai.

ISAIA 45:22

“Athaxpi ku hato mong chatlax ilaxle khosünle koplax, zangjang angkya khünaknu! Zang tuita wüi tüikya ija a ku.

JUD LAIZA 1:21

ilaxle chix chingcha ma hünzom ang kox angkya oshuk chitüikya khüzün bama hünzome kem Jowanpa Jisu Khrista tanle nui pongma, hünzome ma alüile Zang mongkün ma thomhüi.

IBRI 8:1

Kwome wünle hüikya kaxmik pangnu a: Otsao Chongwang ngwotnui ma Zang tsaxchi ma thungle kem ang Nguakho tuita tüile.

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

FILIPI 3:20

Bachutix, kwom a zangkangting nokpu, ilaxle zangkangting tokya Jowanpa Jisu Khrista, kem khosünpa ngui angkya bama mongsungkya füi tanle ngowüi.

MARK 14:36

Chixe thüi: “Apa! Apa! Nange chitho angkya oli chemchu chitüi; ku angkya ija sikngün wansa paofa; bachutix ku mongtex ma chichang le, nang mongtex ma wüi naxchang.”

ISAIA 8:17

Jowanpae chix a khünaknu mikngün thoto khünle thomdaoa, ikoxlechu kue chix to mongongpu tamchu monghom thompu.

MIKNGÜN-OHÜN 2:8

“Smarna ma tüikya müimüithom kaxtaimix hato zalax: “Ija kaxho a, owa Alfa hia Omega changpuix, owa zi üntoxle ozün ma tüipuix, chix tokhange hüikya changle.

IBRI 13:13

Idaile, chix thünzak tom-han ang kem homtho to laihax.

IBRI 5:9

Otue chix nguiwangkya ang achang puix, chix kax ma alaxlax nok hanpakma chix a tuita oshuk chitüikya khosün otong ang achang,

JUHAN 13:3

Hopae chix chak to pangnu tsakzong koxdaoa le Jisu-e awan; chix Zang tokhange nguikya changpu ilaxle chix Zang hato chat angkya changle le chixe awan.

KAXHO MÜIKYA LUK 17:5

Wangshembue Jisu ang thüi: “Kwom mongong achenhüi.”

MARK 9:24

Ija naosa hopa thuile sop ilaxle mikfi füi akax: “Jowanpa, kue ongpu ikoxchu okhongui le münchang; kuma mongong chitüikya to nange chingcha hüi!”

IBRI 12:3

Hünzom ang mong chihix angkya tamchu mong chiatho angkya hanpakma, owae ochax khünaknu miktsak mongngwom adule hüipuix, ija Jisu chem ning lükya ziamong makhange lepuix, ajang anohu!

EFISIA 2:16

Khrista-e chix pünsak ma zikya tokhange tata füikya hwom mongtsik amüt; pünsak makhange chixe pangnyi jat-li tompo tuita ang achangle Zang hato hwom chatle apüi.

WANGSHEMBU MWOT 5:41

Wangshembue nguawangbu tusox danle tox üntoxle Jisu hanpak ang hwomchu mixchak kople sikngün angkya asukya ang e-ma laxkoxle hwom ang tüle mongmüi.

JUHAN 12:32

Otue ku chaxwannu ma ngoüihex, kue khünaknu pangnu ku hato ahüiüi.”

MÜNCHUAK-TSAI 138:8

Nange tsaodaokya pangwüi nange mok angkya changle; Jowanpa, nang mongkün ma oshuk müntüi. Nange owang wangdaokya mwot ashuk-hüi.

1 PITAR 1:11

Ija otue tamchu chemle nguiüi hex le hanpak zanghan awan ang hwom tüle azong. Hwom ma tüikya Khrista chasae hwom hato küithole hile apua ngokya a: Khrista-e tületüle sikngün apong angkya ikoxchu ifüima tületüle fuazangle lai angkya hanpak changkya.

IBRI 10:14

Chemthüikoxle tö tam wüi koxkya makhange otsao ang achang daokyabu othuithuima nguiwangkya ang achangle fadaoa.

JUHAN 12:24

Otsingtsingma kue hünzom ang thüipu: Tsaxtsang tuita chaxwan tok to dütle chizi thüikoxle ija a chix tata ngole; ikoxle ija jangziba, ijae oziak huanuma dünüi;

JUHAN 8:56

Hünzom hopa Abrahame ku nguikya din ngünse le tüle thütkya; tamchu chixe ija ngünlaxle chix ang tüle mongmüi.”

JUHAN 1:29

Ofüi nyix Juhan-e Jisu chix hato hüile ngokya ngün ilaxle thüi: “‘Chaxwannu ochax pao ang nguikya Zang Chun Hosa to hulax!

KAXHO MÜIKYA LUK 23:11

Herod hia chix süpahibue chix chichang-chizangkya mix changpule thütlaxle Jisu ajao ahai, üntoxle chix ang otha ngamkya nyilo awun le kox ilaxle chix Pilat hato wüi chatle achat.

MATHI 20:28

Khünak Hosa a mok ang tom ang chichangle mokle fa angkya hanpakma tamchu khünak khosün angkya bama chix tsün kox angle nguipu.”

MATHI 16:21

Ija makhange Jisu-e wangshembu hama angaile akax: “Ku Jerusalem to paotomtaüi ilaxle apün-awangkya, nguakhobu, wanlom nwotmixbu, ibu chak ma kue huanuma sikngün apongüi; hwome ku langüi ikoxlechu nyix azom lükya to ku chatle azangle zoüi.”

ZEKARIA 12:10

“Dawid sixli hia Jerusalem ma ngokya khünaknu kue chingcha hia zangjop chasae awangle chang ang tomüi. Owa hwome tople langdaopuix, hwome chix to hu, ilaxle sasün tuita wüi zikya nao mangtsakya lailaile hwome chix mangtsale changüi. Somwang nao zile paokya kako to mangtsapupu le hwome mongmaxle mangtsaüi.

ISAIA 31:1

Ijip nok to fonghüile kakyabu a maxdaoa! Hwome Ijip nok ma tüikya süpahi tsak-zong — man, man-kanlin, hia cha makhange azankya süpahi, iningkyabu to ongle. Ikoxle hwome Israel nok otsao Zang, Jowanpa to a mün-ong chichangba chix ma asun angkya bama tikshole münchang.

MIKNGÜN-OHÜN 1:17

Otue kue chix ngünpuix, ipongma ku omang ningle chix chitong ma nguak. Chixe ku to chix tsaxchi chak füi twon ilaxle thüi: “Taxza! Ku a Alfa hia Omega changle.

MIKNGÜN-OHÜN 1:11

Ijae akax: “Nange chem ngünpuix, ija zalax, ilaxle ija laipex tingsho anüt angkya müimüithombu hato apaokox, ibua: Efisia, Smarna, Pargama, Thaitira, Sardia, Filadelfia, üntoxle Laodekia ibibi.”

IBRI 7:19

Chemthüikoxle Mosa wanlom makhange chemchu angui awangle zing ang chitho, üntoxle athax a Zang hato kem soxle hüitsuak angkya sümüikya monghom fale tüile.

IBRI 1:13

Zange kaxtaimixbu owa ang ngaxchu: “Ija ku tsaxchi ma ngolax, kue nang zan pangnu china ningle nang chifa fangma mathomba” le chixe thüi.

WANGSHEMBU MWOT 2:36

“Israel khünaknu pangnu, Jisu owa hünzome pünsak ma takle lang laxpuix, chix a Zange Jowanpa tamchu Messaiah ang kamle kopkya mix changle le hünzome awanle kop angkya changle.”

MARK 9:12

Chixe hwom ang thüi: “Pongwang ma Elija wüi shonghüi kop angkya changle ilaxle pangnu li azünle zingüi; ikoxlechu Otsao Lai-e: ‘Khünak Hosa huanuma sikngün angkya changle ilaxle chilaxle awütüi’, le büthüikoxle thüi?

MÜNCHUAK-TSAI 110:1

Jowanpa ku hopupa ang thüi: “Kue nang zanpabu nang chifa fang ma mathom tanto nang ikhama ku tsaxchi ma thunglax.”

MIKNGÜN-OHÜN 1:8

Owa athax tüipuix, tüikyahex, üntoxle tüi angkya hex, ija Jowanpa Khüthak Zange thüi: “Ku a Alfa tamchu Omega” thüikoxle Owang tamchu oshuk.

IBRI 11:36

Züizüie adix-adale hwon üntoxle zu füi fit, üntoxle mamabu a janbüi füi khak laxle kun ma sho ang pao.

IBRI 10:33

Hanpak tuita ma noknu thüntho ma hünzom adix-ada tamchu chisumüile hwon, üntoxle mamatue hünzom a ma to ile hwonkyabu füito wom ang azongle bang.

MARK 16:19

Hwom füi ile akax füima, Jowanpa Jisu zangkangting to dün, ilaxle Jowanpa tsaxchi ma athung.

WANGSHEMBU MWOT 3:15

Athaxpi hünzome khünak khüzün lom to zunkya mix langle awüt. Ikoxlechu Zange chix zidaokya chatle azün, ilaxle kwome ija ma mikshoe jao ngünle.

1 KORIN 1:18

Chemthüikoxle maxsam le ngokyabu hanpakma, Khrista pünsak ma zikya kaxho a kaxwa changle; Ikoxle kem khosün daokyabu zongto ija a Zangtsak Zang zong changpu.

1 KORIN 1:23

ikoxle oja Jehudi nok hanpakma chikho thukya hex ilaxle mixnokbu hanpakma ongat hex, Khrista pünsak ma takle langkya ija kaxho kwome apukpu;

JAKOP 2:1

Kutüi kunaohom, fuazangkya Jowanpa, kem Jowanpa Jisu Khrista to ongkya khünakbu daile, hünzome otok sünngün khoma khünaknu to masüi mixlüi le taxtüi.

HUAKE LAIPEX 21:9

Ikhoma Mosa-e khopnan jan füi pu tuita zinglaxle ija pünsak ma la. Pue tudaokya khünak opange ija pu to hulaxpuix, hwom kak müiüi.

MARK 15:28

Ile “Chixe mütkop mixbu süntswon ma wom”, le akaxkya Otsao Lai kax changle ngai ang tom.