IBRI 11:6 - OTSAO BAIBEL (BSI)

⁶ Mongong chitüi homtoxle owaechu Zang mong amüi ang müntho, chemthüikoxle chix hato hüikya pangnusae, Zang ozün ma tüikya tamchu chix alomlom ang onüi kop-lo ang koxkya to mongong tüi angkya changle.

IBRI 11:6 ပူးပေါင်းရင်းမြစ်များ

WANWÜNKAX 8:17

Kue ku to mongkünkyabu to mongkünle; opange ku lompuix ibue ku ataktsuaküi.

MATHI 6:33

Itülüi thüikox hünzome pongwang ma chix wangting hia chix otsao shonglomlax; ifüima ibu pangnu chixe hünzom ang kox angkya changle.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

KAXHO MÜIKYA LUK 12:31

Itülüi hünzome chix Wangting lomlax, izuma ibu pangnu chixe hünzom ang athütle koxüi.

MÜNCHUAK-TSAI 119:10

Ku kün-mong abakle koxle kue nang thotha ang azongpu; ku nang kaxtombu kax ma chilax homle ngo ang taxtom.

IBRI 7:25

Idaile, athaxchu üntoxle jento, chix makhange Zang hato hüikyabu sün ang chixe tsuakle tüile, chemthüikoxle hwom hanpakma ju ang chix jento Zang füi tomle ngopu.

ROM NOK HATO ZAKYA POL LAIZA 10:14

Ilaxle hwome chiong thüikoxle, hwome chix mün chemle lünüi? Ilaxle kaxho chiatat thüikoxle hwome chemle ongüi? Üntoxle kaxho chiapuk thüikoxle hwome chemle atatüi?

IBRI 3:12

Mongong ma üithohom, ozün ma ngokya Zang füi anongle pao tang hünzom khama owachu chichang-chizangkya kün-mong hia mongong chitüi homle chichang angkya bama likhün lax.

MÜNCHUAK-TSAI 73:28

Ikoxlechu ku hanpakma, Zang zui ma ngo angkya chemtukuxkya ohünotün changüihex, Khüthak Jowanpa hama, chix ziamong ma ngo ang kop angkya üntoxle chu chixe chempang mokdaopuix ibu bama khuapule ngo angkya a!

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

2 PITAR 1:5

Ija khoma hünzom mongong to onüi müikyae bo; onüi müikya to tsingwankyae bo;

IBRI 4:6

Kaxho Müikya pongwang ole atatkyabu thome Ija nazak pongle chikop, chemthüikoxle hwome chiong. Ofüima ija pongle lax ang koxkya mamabu tüihule.

GALATIA 5:6

Jisu Khrista füikya notom ma kem khwon chizütkya hia zütkya ma mafanfan chemchu müntüi, ikoxle zangwün a mongong füi mwot mokkya matix tüile.

2 PITAR 3:14

Idaile ku mongkün tüinaohom, hünzome ija nyix tanle nui pongma Zang miksho ma thaikya chemchu chitüi le tamchu chix füi mongsom ma ngo ang zongbakle azonglax.

HUAKE LAIPEX 14:11

Jowanpae Mosa ang thüi: “Khünak ibue chemtukux ku chilaxle awüt angkya? Kue hwom tu ma ibibile ohünotün mwotbu mokle aho, ikoxngaxchu hwome ku to mongong chitüile chemtukux ngole hom angkya?

JUHAN 8:24

Ikhoma kue hünzom ang thüipu, hünzom a ma ochax ma ziüi; chemthüikoxle hünzome ku to ‘Ku a Ku changpu’ le ma-ong tanto hünzom a ma ochax ma zi angkya changle.”

2 PITAR 1:10

Ikhoma, ku mongkün tüinaohom, Zange hünzom nyakkya hia zünle kopkya bama komkaile awan lax ang zongbakle azonglax; hünzome ile jangmok thüiningle otuechu ma mongong dantoxlaxle münpao.

IBRI 7:19

Chemthüikoxle Mosa wanlom makhange chemchu angui awangle zing ang chitho, üntoxle athax a Zang hato kem soxle hüitsuak angkya sümüikya monghom fale tüile.

MÜNCHUAK-TSAI 78:32

Ile changkox-ngaxchu khünakbue ochax lyen lüwüi ngo; ipongpongle chix ohünotün mwot ngünlaxle ngaxchu hwome chix to mongongkya chitüi.

IBRI 4:2

Chemthüikoxle hwome mokdaokya lailaile keme Kaxho Müikya atatdaoa. Hwome kaxho atat, ikoxle ijae hwom to müikya chemchu chimok, chemthüikoxle otue hwome ija atat laxpuix, izuma hwome Ija mongong makhange pongle chikop.

WANWÜNKAX 11:18

Otsingtomtata ma chichang-chizangkya khünakbue olüi chemchu münkop, ikoxlechu nange sukya mwot mokle jangchang, nange olüi kop angkya jao changpu.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

HUAKE LAIPEX 20:12

Ikoxlechu Jowanpae Mosa hia Arun nyi füi mongmale ahe. Chixe thüi: “Israel khünaknu tuntho to ku tsak-zong angaile aho angkya hünkhi ma mongong okhonguile chitüikya khoma, kue hwom ang koxüihex-ole tsaokya haxtok to ngui ang hünkhie hwom lom münazuiüi.”

PONGWANG LAIPEX 15:1

Ifüima Abram-e miksho ma tütali mikngünohün ngün üntoxle Jowanpae chix füi ile akaxkya atat: “Abram, nang ojao taxza chemthüikoxle kue nang to o-le thomüi tamchu hingho chongkya koxüi.”

IBRI 11:26

Ijip nok tuina pangnu füi Khrista bama thajao wünhai wüi achongkya tuina changpu le chixe tex, chemthüikoxle chixe füichi ma kop angkya hingho chix mikza ma thom.

MARK 16:17

Mongongkyabu ang ibu mok angkya tsakzong koxpu: Ku mün ma hwome haxshix chasabu jwonle apaoüi; chitsingkya kax ma hwome zangwünüi;

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

ISAIA 7:9

Israel ma Samaria, ija pongwün tingnu tukux tsak-zong chitüi, tamchu Samaria a wanghom Pekah füi tsak-zongle chitüi. “Nang mongong okui chilolo, nang kui münlopu.”

MÜNCHUAK-TSAI 58:11

Khünaknue thüiüi: “Otsingtsingsa ma otsao khünakbu ang hingho koxdaoa; zangfang ang kaxfün fakya Zang tüijao tüile.”

KAXHO MÜIKYA LUK 6:35

Ile münchang! Hünzome ma zanbu to mongkün kox ilaxle hwom ang müikya olom mokle laxkox; olüix kopüi le ongkya chitüi le laxkox. Ile jangchangba nang ang hingho chongkya tüiüi, üntoxle hünzom a Taitax Zang susa ang achangüi; chemthüikoxle münchong chifakya hia chichang-chizangle tüikyabu to chixe chingchale.

MÜNCHUAK-TSAI 106:24

Ifüima hwome ipong müikya haxtok chilaxle awüt, chemthüikoxle hwom Zang kaxtsao to mong chiong.

JOB LAIPEX 21:14

Chichangchizangkyabue Zang ang hwom danhüi thüile; hwom hanpak chix mongtex hwome awanle laxse müntsu.

MÜNCHUAK-TSAI 78:22

chemthüikoxle hwome chix to mongong chitüi üntoxle chixe hwom khosün ang thoüile chiong.

RUT LAIPEX 2:12

Nang chem mokdaopuix ija to Jowanpae mohimankya naxtüi. Israel nok Jowanpa owa tong to nang ma khang khom ang nguile tüilaxpuix, chixe nang to chingchajajakya naxtüikox!”

MATHI 6:16

“Tamchu otue hünzome chisax-chilingle atsaole zangjopkya hanpak laxüi hex, künkux-mongkwombu ningle thün ma mongma ahole taxchang. Hwome chisax-chilingle atsao alangle zangjop hanpak laxkya mixe naxngünle, ibue ma thün ma zamak tüikya pak chitik le ahole. Kue hünzom hama otsingtsing akaxpu: hwome ma hinghoho kopdaoa.

MATHI 6:5

“Hünzome zangjop pongma, künkux mongkwombu ningle taxchang; chemthüikoxle hwome khünak noknue naxngün ang sinagok hia lompongbu to jopse tsule. Kue hünzom füi otsingtsing akaxpu; hwome otha okhongui le kopdaoa.

JEREMIA 2:31

Israel khünaknu, kue akaxle ngokya to apa koplax. Ku a hünzom zongto sak-hax tuita ningle, zangnaktukle tamchu khompua-zadünle tüidao pia? Ile chichangba, chemkhoma hünzom a hünzom küntsu monglua ma mok-mole ngoüihex, ku hato münchatpule angam?

MATHI 5:12

Mongmüilax; chemthüikoxle zangkangting to hünzom ang hingho tüihule. Hünzom thotokya ajebu tochu hwome ile wüi zothuppu.

MATHI 11:26

Changpu, Apa! Chemthüikoxle ile chang angkya a nang mongtex!