IBRI 11:16 - OTSAO BAIBEL (BSI)

¹⁶ Itülüi, hwome sungle ngokya a sümüikya, zangkang tingsho changle. Ikhoma hwome chix ang hwom Zang le nyak koxle Zang ang chem thünzak müntüi, chemthüikoxle tingsho a chixe hwom kux ang achwonkya changle.

IBRI 11:16 ပူးပေါင်းရင်းမြစ်များ

IBRI 13:14

Chemthüikoxle ija chaxwannu ma kem jento ngo angkya kem ang tingsho müntüi; keme hüiüi tüikya tingsho to hule ngopu.

IBRI 11:10

Chemthüikoxle Abrahame oting ma sütle jento ngo angkya, Zange zingle alaikya tingnu tanle ngokya changle.

FILIPI 3:20

Bachutix, kwom a zangkangting nokpu, ilaxle zangkangting tokya Jowanpa Jisu Khrista, kem khosünpa ngui angkya bama mongsungkya füi tanle ngowüi.

JUHAN 14:2

Apa hom to ngwotnui tüihu le; ku hünzom hanpakma ngwotnui achwon ang pao angkya changle. Ibu ile chichang thüikoxba kue hünzom hama ija chiakax ngose.

IBRI 2:11

Chix khünaknu hwom ochaxbu tokya atsao, üntoxle chixchu tamchu opang atsao-atha daolaxpuix ibu pangnu ang Hopa tuita wüi chang. Ikhoma hwom ang chix tüinaohom le nyak ang Jisu chiazak.

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

IBRI 12:22

Itülüi, hünzom Zaion haxnu üntoxle ozün ma tüikya Zang tingsho, hajat-hajat kaxtaimixbu füi tüikya zangkangting Jerusalem to ngui.

IBRI 11:14

Iningle akaxkyabu tokhange hwome ma chaxwan tsingtsing hanpakma hule ngokya tsaotha le awan ang tomle.

2 TIMOTHI 4:18

Üntoxle Jowanpa-e ku chisumüikya pangnu chak tokya azün ilaxle zangkangting wangting to chixe ku sünle kopüi. Fuazangkya a othuithuima chix kux wüi naxchang! Amen.

LAIPAO 3:6

Zang-e akax: “Ku a hünpa hwom Zang, Abraham, Isak hia Jakop hwom Zang changle.” Ijama Mosa-e Zang thünza to hu ang za ilaxle chix thün khom.

MARK 8:38

Ijadaile ija Zang chitüikya tamchu ochax tsünthom ma opange ku tamchu ku kaxho bama azakle maxüi hex; Khünak Hosae ma Hopa fuazang ma kaxtaimixbu füi nguikya zuma, chix bama azakkya tüiüi.”

LAIPAO 3:15

Zang-e chatle chu Mosa ang thüi: “Nange Israel khünaknu ang ile thüikox, ‘Hünpu-hünpa Abraham, Isak hia Jakop hwom Jowanpae tsanle akatpu’, ija a jento ku mün, ilaxle tsüntsün to ija a ku homjen changpu.

WANGSHEMBU MWOT 7:32

‘Ku a hünzom putong Abraham, Isak, Jakop hwom Zang changpu.’ Mosa zale abün laxle hu ang chichwom le akhux.

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.

PONGWANG LAIPEX 28:13

Ikhama Jowanpa chix zui ma ajongle tüikya. Chixe thüi: “Ku a, Jowanpa, Abraham hia Isak nyi Zang changpu. Athax nang jiple ngokya haxtok a, nang ang tamchu nangsix-nangli hwom ang kox angkya changpu.

MARK 12:26

Ikoxlechu ziünkyabu bama, hwom anaole zoüi le, Mosa lai ma, fum ma wün chuakya khama akax ngokya khama, Zange chix ang: ‘Ku Abraham Zang, Isak Zang tamchu Jakop Zang changpu’, le thüikya kha hünzome ele ma ano hexnyi?

JEREMIA 31:1

Jowanpae thüi: Israel homjen pangnusa hanpakma ku Zang ang ngo angkya tunu nguile hüile, ilaxle hwom a ku khünaknu ang ngoüi.

LAIPAO 4:5

Jowanpae thüi: “Israel khünaknu hama hwompu-hwompa, Abraham, Isak hia Jakop hwom Zang nang hato ngaile ahodaoa lükya münwan ang ile mokle ahokox.”

PONGWANG LAIPEX 26:24

Ija jaja wüi Jowanpa ngailaxle chix füi akax: “Ku a hünpa Abraham Jowanpa changpu. Nang taxza; ku dapa Abraham khoma kue nang to mohiman angkya changle. Nang sixlibu kue tüle pu-tsa ang tomüi.”

KAXHO MÜIKYA LUK 20:37

“Mosa-e fum ma wünchua le ngokya kha bama akax pongma Abraham Zang, Isak Zang üntoxle Jakop Zang le lünkyae zidaokyabu chatle zo angkya atsingsho le ahole.

IBRI 10:34

Da ang kople thomkyabu sikngün hünzome ahanle lax, üntoxle hünzom mwot-kat komle azik-amüt pongma hünzome pwonla atungle adule hüi, chemthüikoxle oshuk chitüi le ngo angkya oli athaxchu hünzome koplaxle tüile le hünzome awan.

IBRI 11:40

Chemthüikoxle kem chiwom homtoxle hwomchu wüi nguiwangle chichang angkya kuxma kem hanpakma Zange sümüikya mwottho zingle dan. E dan.

MIKNGÜN-OHÜN 21:2

Üntoxle hotuipa füi apong ang aza-apuale tüikya hotuinu tuita ningle, atha-anyem tamchu aza-apua laxle, Zang tokhange zangkangting Otsao Tingnu tuita, hozün Jerusalem juüi kue ngün.