IBRI 11:12 - OTSAO BAIBEL (BSI)

¹² Abraham omang bütukuxle changün koxlechu, ija mixsün tuita makhange ding angkya lyettsi büta tamchu tinu kax angkya sak huak büta tüle-tüle osix-oli ngui.

IBRI 11:12 ပူးပေါင်းရင်းမြစ်များ

PONGWANG LAIPEX 22:17

Ding angkya lyettsi hia tinu kax tokya sak büta kue nang ang sixlibu kox angkya tsaopu. Nang sixli hwome zan-nokbu to tingtakle tsuaküi.

PONGWANG LAIPEX 32:12

Nange ku ang, pangnu müile hüi angkya tamchu owaechu akiak ang chithole shuanu kax angkya fixtsang büta kusix-kuli lai ang koxüihex-ole tsaokya nang kaxtsao texle atak-hüi.”

HOSIA 1:10

Israel khünaknu a tinu angkya fix büta tsaüi; ibu a e ang tamchu thüt ang chithole changüi. Athax Zang-e hwom füi akax: “Hünzom a ku khünakbu münchang”, Ikoxlechu chixe hwom füi: “Hünzom a ozün ma tüikya Zang su-sabu changpu!”, le akax angkya hanpak hüile ngole.

JEREMIA 33:22

Kue ku dapa Dawid hwom sixli hia Liwi hwom homjen zompu-zangpabu pu-tsale chang ang tomüi, ikhoma hwom khünak huak a ding angkya lyettsi hia tinu kax angkya fix büta okiak chithole tsaüi.”

PONGWANG LAIPEX 15:5

Chix homtho to alailaxle Jowanpae thüi: “Zangdingkho to hulax ilaxle lyettsibu elax, itukux jao nang sixlibu tüi angkya changle.”

PONGWANG LAIPEX 26:4

Kue nang sixlibu ding angkya lyettsi büta lai ang tomüi, ilaxle nang sixlibu ang ibibi haxtok komkaile koxüi. Chaxwannu angkya jat-libue ma hanpak ang mohiman, nangsix-nanglibu makhange tix koplaxüi;

MIKNGÜN-OHÜN 20:8

ilaxle chix a chaxwannu handün hia hannop, shuakux hia shuathong pangnu khato chiakle tüikya jat-li, ija Gog hia Megog, dyen ang laile paoüi. Haxshixe shuakax angkya fix ningle tüikya khünaknu azan ang nyakle asoxüi.

ISAIA 10:22

Athaxpongma Israel khünaknu a tinu khatokya fix büta tüile ngokoxchu, hwomkha angkya hidaole wüi chatüi. Khünakbu hanpakma thama a athünle thomle, ilaxle ija kop angkya asupu.

LAIPAO 32:13

Nang dapa Abraham, Isak hia Jakop hwom texle ataklax. Zangkho tokya lyettsibu ningle hwom sixlibu lai ang tomüi ilaxle nange hwom ang koxüihex-ole tsaokya haxtok jento hwom sixlibu kux ang achangüi lükya nang kaxtsao texle ataklax.”

ISAIA 48:19

Hünzom su-sa hwom a sak-tsang bütale tüiüi, ilaxle kue ibu otuechu chiama angkya zingle tsuakse.”

NEHEMIA 9:23

Nange hwom ang ding angkya lyettsi büta su-sabu kox, ilaxle zan nok to anaolaxle ija haxtok ma ngo ang tom nange hwom pupa hwom ang tsaole thomkya haxtok ma a.

1 PUKAX-PANGAO 27:23

Zanglao 20 manguikya khünakbu wanghompa Dawid-e akiakle chichang, chemthüikoxle Jowanpae Israel khünaknu a ding angkya lyettsi büta tsa angkya tsaosaxkya tüikoxle.

1 WANGHOMBU 4:20

Judah hia Israel khünakbu a tinu kax to tüikya fixtsang büta akiak ang chithole tüikya; hwom pangwüi sax-lingle tamchu mongmüi-pwonlale ngo.

2 SAMUEL 17:11

Kue zünkax-saikax a ija changle, nang Israel khünaknu, nang chaxwan pangkha tokya wüi, tinu kax angkya fix büta, jongtuta khama asoxle changlax ilaxle ibu zankat a nang jaojaoe thothutle changlax.

1 SAMUEL 12:5

Samuel-e lan: “Anyix hünzome ku ma thaikya onox chemchu müntüile thüikya zangwün bama, chixe kamle thomkya wanghompa hia Jowanpa nyi a ngünmix changle.” Hwome lan: “Changle, Jowanpa a kem bama ngünmix changle.”

KAXFÜNPA-HWOM 7:12

Midi nok, Amalek nok, hia sak-hax nokbu naxnu-naxlang lailaile haxsha ma awangle tüikya. Hwom ma ut a tinu kax angkya sakjun büta tüikya.

JIHUSUA 11:4

Hwom pangwüi ma süpahibu koplaxle nguile tinu kax angkya fix büta le khünaknu athüt. Hwom ma man hia man-kanlin huanuma tüikya.

TSAITONG-KAXTONG 28:62

Hünzom khünak huak ding angkya lyettsi büta tsale tüihukoxchu, hünzom ozün ma hidaole wüi toxüi; chemthüikoxle hünzome Jowanpa hünzom Zang kax ma chilax.

TSAITONG-KAXTONG 1:10

Jowanpa hünzom Zang-e hünzom ding angkya lyettsi büta tsa ang tompu.

ROM NOK HATO ZAKYA POL LAIZA 9:27

Ilaxle Israel khünaknu hanpakma khuapu: “Israel khünaknu fa angkya saktsang büta tüibachu, hwom kha angkya hidaole wüi azangüi;

HABAKUK 1:9

“Hwom süpahibue changnong-pünthomle tingtakle dong, ilaxle hwome single hüikya thoto pangnusa wüi zale abüt-aban. Hwome zanda ang kopkyabu a tsaxziak büta.