IBRI 11:10 - OTSAO BAIBEL (BSI)

¹⁰ Chemthüikoxle Abrahame oting ma sütle jento ngo angkya, Zange zingle alaikya tingnu tanle ngokya changle.

IBRI 11:10 ပူးပေါင်းရင်းမြစ်များ

IBRI 13:14

Chemthüikoxle ija chaxwannu ma kem jento ngo angkya kem ang tingsho müntüi; keme hüiüi tüikya tingsho to hule ngopu.

FILIPI 3:20

Bachutix, kwom a zangkangting nokpu, ilaxle zangkangting tokya Jowanpa Jisu Khrista, kem khosünpa ngui angkya bama mongsungkya füi tanle ngowüi.

IBRI 12:22

Itülüi, hünzom Zaion haxnu üntoxle ozün ma tüikya Zang tingsho, hajat-hajat kaxtaimixbu füi tüikya zangkangting Jerusalem to ngui.

2 KORIN 5:1

Chemthüikoxle, kem ngokya nyihom: chaxwannu angkya kem pum-tsa pünle amakya zuma, chixjaoe zingkya hom, oja oshuk chitüi le ngo angkya hex, zangkangting to Zange ija hom ma kem ngo ang koxüile keme awanle.

IBRI 3:4

Changle, hom pangnunu wüi owawae zingkox tix laipu üntoxle pangnu li zingle alaikya a Zang, chix changle.

JUHAN 14:2

Apa hom to ngwotnui tüihu le; ku hünzom hanpakma ngwotnui achwon ang pao angkya changle. Ibu ile chichang thüikoxba kue hünzom hama ija chiakax ngose.

MIKNGÜN-OHÜN 21:2

Üntoxle hotuipa füi apong ang aza-apuale tüikya hotuinu tuita ningle, atha-anyem tamchu aza-apua laxle, Zang tokhange zangkangting Otsao Tingnu tuita, hozün Jerusalem juüi kue ngün.

IBRI 12:28

Idaile Zang ang münchong fahax, chemthüikoxle sile alox ang chithokya Wangting keme pongle koppu. Chixe pongle kopkya lima tamchu chix chathua zakya füi keme Zang shwomhax;

ISAIA 14:32

Filistia nok tokhange nguikya kaxhomixbu kax to keme chemle lanüi? Zaion a Jowanpae sikngün apongle ngokya chix khünakbue ima nazak kop angkya hanpakmale zingpu, le keme lanüi.

IBRI 11:16

Itülüi, hwome sungle ngokya a sümüikya, zangkang tingsho changle. Ikhoma hwome chix ang hwom Zang le nyak koxle Zang ang chem thünzak müntüi, chemthüikoxle tingsho a chixe hwom kux ang achwonkya changle.