IBRI 10:6 - OTSAO BAIBEL (BSI)

⁶ Müi otompo lan le zokle ashunkya, chichangba ochaxbu pao ang tö koxkya, ibu füi nang mong chimüi.

IBRI 10:6 ပူးပေါင်းရင်းမြစ်များ

MATHI 3:17

Ifüima zangding tokya kaxzing tuitae ile akax: “Ija a kue mongkünkya Ku Sasün changle; chix füi ku mongzom müipu.”

MALAKI 1:10

Jowanpa Khüthak Zang-e thüile: “Hünzome ku tö-tsap ma chilaxli wün atsople changkya füi, ija abax angkya hanpakma owawae Zangshwom-Hom kahakle namchangbae le kue thütle. Ku hünzom füi mong münmüi; nange ku hato apüikya tö kue pongle münkop.

FILIPI 4:18

Ipongkhae ku ma kue alomlom komle tüile: ingaxchu onüi tüile! Epafrodita nguikya zuma hünzome ku ang koxkya hinghobu kopkya tokhange ku okhonguile tüile. Ibu a Zang zongma müikya ongan müile ngankya tö tuita ang achangle.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

MÜNCHUAK-TSAI 147:11

ikoxle chix achuakle changkyabu füi chix ang mongmüile, ojao chithwonkya chix mongkün to mongong thomkyabu füi a.

IBRI 10:4

Chemthüikoxle maihupong hia zwon ajibu füi ochaxbu pao ang müntho.

1 SAMUEL 15:22

Samuel-e lan: “Jowanpa zongto opupu sümüi: Kax ma laxkya sümüiüi hia tö koxkya wüi sümüiüi? Chun sümüimüi füi tö koxle changkya füi chix kax ma laxle changkya wüi sümüikya changpu.

MÜNCHUAK-TSAI 40:6

Nange tö hia dan koxkyabu laxse chitsu; nange müi otom ma lanle tö-tsap dingma zokle ashunkya jukya chichang chichangba ochax koplax pao angkya tö koxkya lomkya chichang. Itülüi, nang zing atat angkya hanpakma nange ku ang na koxpu,