IBRI 10:5 - OTSAO BAIBEL (BSI)

⁵ Ija khoma, Khrista chaxwannu to ngui pongma, chixe Zang ang thüi: “Tö hia dan koxkyabu to nange chilua, ikoxlechu nange ku hanpak ang, tompo tuita achwon daoa.

IBRI 10:5 ပူးပေါင်းရင်းမြစ်များ

ISAIA 1:11

Chixe thüi: “Hünzome ku ang koxle hüikya töbu kue lomle le hünzome ajangpuix nyi? Hünzome ku ang tö koxle zokle ashun ngokya chunbu hia müizaobu füi süluile ku ma tüipu. Ku a maihupong, chun hia zwon ibu aji füi aole shuüna.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

1 PITAR 2:24

Kem ochax ma zi üntoxle otsao hanpakma ozün ma ngo angkya kuxma, Khrista-e kem ochax chix tsangtsa ma pünsak hato hünle pao. Hünzom komle müi ang tomkya a chix ma mak-khakya tokhange changpu.

IBRI 1:6

Ikoxlechu chix somwang Nao chaxwannu to apao ang hanpak nguile hüikya zuma chixe thüi: “Zang kaxtaimixbu pangnue wüi, Chix shwom angkya changle.”

IBRI 10:7

Iponge kue thüi: Ku hanpakma wanlom ma, zale tüikya ningle; O Zang, nang mongtex ma, mok ang ku ikhama tüile”.

IBRI 2:14

Zangsu Zangsabu le chixe nyakkya a müi-hi-aji daile, Jisu chix jao hwom lailaile achang üntoxle khünak jaopo ahanle lax. Chix zikya makhange zik thakma apünkya baoli thu angkya hanpakmale chixe ija mok.

IBRI 10:10

Tamfang ma nok hanpak ang Khrista-e chix tsangtsa jaojao tö koxkya tokhange kem pangwüi otsao ang achang, chemthüikoxle chix hanpakma Zang mongtex chemhex ija chixe mok.

GALATIA 4:4

Ikoxlechu tu-hi-wan thütkhak le nguile hüikya zuma mixcha tuita makhange Jehudi wanlom fangma puxle Zange Hosa ajo.

2 JUHAN 1:7

Jisu Khrista khünak ang achangle nguikya to chiongkya, mixdyen angkyabu zangfang pangnu khato paodaoa. Iningkya khünak a mix-dyen-mix tamchu Khrista zanpa changpu.

IBRI 8:3

Chemle Nguakho tuita tö pangwüi kox ang hia müi langle Zang shwom ang kampuix, ija lailaile kem Nguakho angchu tö kox angkya oli tuita tütüi angkya changle.

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

KAXHO MÜIKYA LUK 1:35

Kaxtaimixe lan: “Otsao Chasa nang ma nguiüi, ilaxle Zang tsakzong e nang to oüi. Ikhoma ija otsao nao ang Zang Hosa le nyaküi.

JEREMIA 6:20

Hwome ku hato Sheba tokya ongan müikya so apüile zokkya to, chichangba tsailo nok tokya suingan amüikyali apüikya to kue hume angkya chemtüi? Hwome koxkya töbu kue pongle münkop ilaxle hwome koxkya zokle ashunkyabu füi ku ang mong müiüi münchang.

MATHI 11:3

“Juhan-e hüiüi hexo le thüikya nang hia, hia kwome mama mix tamtan angkya? Kwom hama apua hüi.”

JEREMIA 31:22

Hünzome chemtukux cha-ao-mongsaole ngoüi, mongong chitüikya khünakbu? Kue tütaIi azünle tamchu mali-mali to zingpu, shekonu tuitae lükapa tuita kho awakya tukux chixlili le a.”

PONGWANG LAIPEX 3:15

Kue nang hia shekocha hünkhi bama tamchu nangsix-nangli hia she sixli hwom bama zan zingpu. She susa hwome nang khang thuple akhixüi ilaxle nange she susa hwom chidua ma tuüi.” Hwom chidua ma tuüi.

KAXHO MÜIKYA LUK 7:19

“Juhan-e wünle ngokya hüiüi tüikya a nang hia, hia kwome chatle owawa to hule ngo angkya?”, le atüi ang Juhan-e hokhi Jowanpa hato tsanle apao.

ISAIA 40:16

Lebanon faonu ma tüikya müi pangwüi Zang ang tö kox angkya okho münngui ilaxle ikha ma tüikya pünbu a ima lax ang tak ang okho münngui

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

IBRI 10:8

Pongwang ma chixe akax: “Tö hia tö koxkyabu chichangba zomtong ma müibu zokle ashunkya üntoxle ochax pao angkya hanpakma tö koxkyabu nange chilom chichangba ibu füi nang mong chimüi.” Ibu pangwüi wanlom ma tüipupule tö koxkya changkoxlechu wüi chixe ija akax.