IBRI 10:30 - OTSAO BAIBEL (BSI)

³⁰ Chemthüikoxle: “Kue olüix khomüi, kue jan alüiüi, tamchu Jowanpa-e chix khünaknu kaxfünüi”, le thüikya keme awanpu.

IBRI 10:30 ပူးပေါင်းရင်းမြစ်များ

ROM NOK HATO ZAKYA POL LAIZA 12:19

Kutüi kunaohom, otuechu olüix taxkhom, itülüi ija Zang mongtsike wüi naxmok kox. Chemthüikoxle Otsao laie akaxle: “Olüix kue khomüi, otha kue thomüi le Jowanpa-e akaxle.”

NAHUM 1:2

Jowanpae Khüthak Zang-e chix zan to kale changkya chemchu adu ang müntho; chix füi apüile tüikya mix to chixe sikngün ang tomle. Ibu to chixe mongtsik füi olüix khomle.

MÜNCHUAK-TSAI 50:4

Mikngün kaxkhi ang chixe ding-hi-hax sele chixe chix khünaknu kaxfünkya to hua ang a.

2 KORIN 5:10

Kem pangnu wüi, kem kaxfünpa Khrista thüntho ma ajong angkya changle. Chixe hingho wüi changlax chichangba sikngün wüi changlax, ija chaxwannu tsün ma ngotanto mae mokdaokya thatha nok ang wüi faüi.

MÜNCHUAK-TSAI 135:14

Jowanpae chix khünaknu kho-awaüi; chixe chix dabu to chingchakya tüiüi.

MÜNCHUAK-TSAI 96:13

apün-awang angkya hanpakma Jowanpa chaxwannu to nguipongma. Masüi-mixlüi chitüile sukya kaxfün füi chixe chaxwannu angkya khünaknu thakma apünüi.

ROM NOK HATO ZAKYA POL LAIZA 13:4

Chemthüikoxle nang füi naxmüi le mok angkya hanpakma chix Zang thothapa changle. Ikoxle nange chichang-chizangle jangmok, chix thua zalax, chemthüikoxle sikngün fa angkya zong chix ma tüikya otsing changle. Chix a Zang da ilaxle chichang-chizangle saxmokkyabu to Zang mongtsik kaxtom moküi.

ISAIA 61:2

Chixe ku khuapu ang tsanle apao Chaxwan-zanghan tu nguikya bama Jowanpae chix khünaknu khosünüi Ilaxle hwom zanpabu to lütüi. Künmax-mongshanle ngokyabu pangnu mong asom ang chixe ku ahüipu,

MÜNCHUAK-TSAI 98:9

chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi.

EZEKEL 18:30

“Athax Jowanpa Khüthak Zang kue hünzom Israel nok füi akax ngopu, kue hünzom pangwüi mae chemle mokle hüidaopuix ija ningle kaxfün faüi. Hünzome mokle ngokya ochax lom pangwüi tokya hünzom mong chatlax, ilaxle hünzome hünzom ochax to ma amüt ang taxtom.

EZEKEL 34:17

“Idaile ku chunzyembu, athax ku, Jowanpa Khüthak Zang-e hünzom ang thüipu, kue hünzom chimüikya hia müikya süile danüi, chun hia zwon süile danüi.

ISAIA 63:4

Kue ku khünaknu khosün angkya le tyale thomkya hanpak a nguile hüidaoa; ija a hwom zanpabu to sikangün angkya hanpak changle.

ISAIA 59:17

Sukya kaxfün a chixe khyep-di ningle awunüi ilaxle khosün angkya tsak-zong a khohom ningle sünüi. Jali sukya olom ma apüi angkya ilaxle othai lom to khünaknu ang sikangün angkya mongtsukya janzüi a chixe nyiwun tuita ningle laxüi.

MÜNCHUAK-TSAI 94:1

Jowanpa, nang a sikngün fakya Zang changle; nang mongtsik aholax!

LIWI 19:18

Owawa to olüix khomkya taxtüi chichangba chix to anule taxngo, ikoxle ma tomzi to ma bütukuxle mongkünkox. Ku a Jowanpa hünzom Zang changpu.

1 SAMUEL 25:26

Nang zanpabu to jannong chialüile nang khosünle thomkya a Jowanpa changle. Ilaxle kue tsaosaxle thüipu, nang to chakmok janlang ang tungle ngokya nang zanpabu to Jowanpae Nabal lailaile sikngün apong ang tomüi.

1 SAMUEL 26:10

Kue ozün ma tüikya Jowanpa mün ma thüipu, zikmüi-kualo ma wüi changlax chichangba zanhok ma wüi changlax, Sol a Jowanpa chak fang ma tix lam angkya changle.