IBRI 10:25 - OTSAO BAIBEL (BSI)

²⁵ Züizüie mokle hüi ngokya ningle, keme tata füi apong asaole ngokya wanlom taxamüt hax. Itülüi, keme sisile mix keme tata ang zong adün hax, chemthüikoxle Jowanpa hanpak chwonle hüingole.

IBRI 10:25 ပူးပေါင်းရင်းမြစ်များ

WANGSHEMBU MWOT 2:42

Üntoxle hwom a wangshembue anwot-anokya hia notom wonmüikya ma, üntoxle tomle saxlaxkya hia zangjop ma womle hwom shingmongle ngo.

MATHI 18:20

Chemthüikoxle ojong khama mixhuak anyi azom changkoxchu ku mün ma mong notom ma afoxüi hex, hwom khama ku womle tüile.”

1 THESALONIKA 5:11

Idaile hünzome athax ponge mokle ngokya lailaile tata mong achen kox ilaxle tata to fongkox.

IBRI 3:13

Itülüi hünzom opupuchu ochaxe dyenkya mongkhüi ang chichang angkya bama, Otsao Lai-e “Anyix” thüikya kaxhuak kem zong to twonle ngokya kople hünzom tata füi nyixfokya to afong-atsoxle tüi angkya changle.

IBRI 10:24

Mongkün aho ang tata to fong angkya üntoxle mwot müikya mok ang tata tuitex le tüihax.

1 KORIN 5:4

Otue hünzom asoxüihex, ku chasa ma ikhama womle tüile; Jowanpa Jisu Khrista tsakzong kem khama hakle tüikya makhange,

1 THESALONIKA 4:18

Idaile ibu kax füi tata mong achenle ngolax.

WANGSHEMBU MWOT 2:1

Pentekos nyix nguikya zuma Jisu to mongongkyabu pangnusa wüi jongta khama afoxle nui.

WANGSHEMBU MWOT 20:7

Hat azok ma kwom tomle fongsax ang asox. Chix ofüi nyix wüi pao angkya daile Pol-e khünaknu hama ozulole tsüdang kople apua-anole ngo.

1 KORIN 14:3

Ikoxle Zang kax a apuk-apuakya mixe, hwom to fong ang, tamchu hwom zong adün ang, khünaknu füi akaxpu.

ROM NOK HATO ZAKYA POL LAIZA 12:8

Mix ang zong adün angkya jangchangchu, keme ile mok angkya wüi changle; ma tuina mix füi ahan achüikya mixchu okhex-oküi chitüi le mok angkya changle; owa ma apün-awang angkya zong tüilaxpuix, mwot azongle mok angkya changle; owae mix to chingcha aho laxüihex, chixe ija mongmüi pwonla le mok angkya changle.

FILIPI 4:5

Pangnu hato jonaikya zanglom saikha tutex ahokox. Jowanpa a chwonle nguile ngole.

2 PITAR 3:9

Owawae ajangkya ningle Jowanpa a chix kaxtsao mok ang domdai pule münchang. Itülüi, chix a nang füi adule ngopu, chemthüikoxle chixe owachu amütse le müntsu, ikoxle pangnusa wüi ma ochax tokya khosün hato chatle namhüibae le texpu.

JAKOP 5:8

Hünzome chuwüi adu angkya changle, Jowanpa hüitu chwonüna, hünzom monghom shingmong ang laxkox.

1 KORIN 14:23

Mongong füikya khünak pangnu asox üntoxle noke chitsingkya kax ma zangwün, ipongma songsari khünak chichangba mongong ma zong matüikya owawa nguile hüi, chixe hünzom ang ongatbu changle le münthüi lea?

JUD LAIZA 1:19

Khünaknu opange tufan-luazüi ang tompuix, opang mong hwom jaopoe akumathum laxle thompuix, opang ma chasa chitüipuix, ibu a hwom changle.

2 PITAR 3:14

Idaile ku mongkün tüinaohom, hünzome ija nyix tanle nui pongma Zang miksho ma thaikya chemchu chitüi le tamchu chix füi mongsom ma ngo ang zongbakle azonglax.

1 PITAR 4:7

Pangnu li oshuk hato nguile hüile. Hünzome zangjop ang tho angkya kuxma, malualua to akumathum le tüilax.

2 PITAR 3:11

Ibu pangnu li ilailaile amüt angkya changkoxle, hünzom chemningkya khünakbu ang changse dai? Hünzom tsün a otsao tamchu Zang hanpak ang atsaole thomkya tsün ang ngo angkya oli changle;

1 KORIN 11:20

Hünzome tu asoxkya zuma saxkya a Jowanpa fongsüt münchang.

1 KORIN 3:13

Khrista zanghan dongkya Nyix mixhuak nok mwot wüi ngün ang ataküi, chemthüikoxle ija nyix wün makhange noknusa mwot wüi angaile ahoüi; ile wün füi wanüi ilaxle ija chimüikya hia müikya oli otsingtsing ahoüi.

WANGSHEMBU MWOT 16:16

Nyixta kwom zangjop nui to pao pongma dahaicha ang ngokya shekosa tuita apong. She ma haxshix chasa wanglaxle, athax füichi ma chemle changüihex, ija akax ang tsuakkya zong koxle thom. Ile füichi osho apuale fakyae achakle hopupa hwom ang ngun huanuma alaple kox.

MATHI 10:15

Otsingtsingma kue hünzom ang thüipu, Zange kaxfün nyix ija tingkhua angkya khünaknu füi Sodom hia Gomorah nok hato wüi chingcha chongle ahoüi.

JUHAN 12:48

Owae ku pongle chikop laxpuix, tamchu ku kax ma chilaxle tüilaxpuix, chix hanpakma kaxfün angkya tuita tüile; kue akax daokya kax, oshuk nyix, chix hanpakma kaxfünpa ang achang angkya changle.

IBRI 10:37

Chemthüikoxle Otsao Lai-e akaxkya ningle, “Janba ma wüi, üntoxle hüiüi tüikya mix nguiüi; chix tule le münngo.

IBRI 13:22

Ku zuikhuihom, chingchalaxle ija zongdün kaxho to adule apahüi; chemthüikoxle hünzom hato ija ku laiza aluile lokyanu münchang.