IBRI 10:23 - OTSAO BAIBEL (BSI)

²³ Chikchexle chichang homtoxle keme tsaole ngaidaokya to monghom füi shingmongle künhax, chemthüikoxle owae tsaodao laxpuix chix a mongao chitüi angkya mix changle.

IBRI 10:23 ပူးပေါင်းရင်းမြစ်များ

1 THESALONIKA 5:24

Zang owae nang laxpuix, chixe ija moküi jao, chemthüikoxle mongong ma chix jeile nui angkya münchang.

1 KORIN 1:9

Zang owae hünzom, chix Hosa Jisu Khrista füi notom ang nyakpuix, chix to mongong angkya changle.

2 THESALONIKA 3:3

Ikoxlechu Jowanpa a chialekya Zang changle, ilaxle chixe hünzom ang tsakzong koxüi tamchu chisumüikya chak tokya hünzom khosünüi.

IBRI 6:18

Zange alüi-achüi ang hia atse ang chithokya ija nyi tüile. Ikhoma, kem opang chix ma azangle tüilaxpuix, keme kem pomtho ma danthomkya monghom to shingmongle kün angkya huanuma zong adünle.

TITA 1:2

Hanpak zanghan thoto wüi, thai angkya jao chichangkya Zange kem ang ija tsün khüzün fa angkya tsaole,

IBRI 3:6

Ikoxle Hosa ningle Khrista a Zang hom ma Opupa changle. Keme monghomkya ma kem mongchyen tamchu mongong jangthom thüiba kem a chix zong to hom tuita changpu.

1 KORIN 10:13

Nok hato chihüikya thwontsing nang tata hato ahuakle tüma hüi. Zang to mongao angkya müntüi, ilaxle nang ma tüikya zong tok to tsakkya thwontsing chixe otuechu hüi ang münfa, ikoxle nang to thwonle anokya zuma, chixe nang ang adu tsuak angkya zong faüi, ilaxle paole azang angkya olom daple koxüi.

MIKNGÜN-OHÜN 3:11

Ku lwomle ngui ngole. Nang ma chem tüipuix ija sünle thomlax, ikoxle nang chak angkya tholünkya nang hingho owaechu pale münpao.

JAKOP 1:6

Ikoxle chixe jukya zuma mongao hia anakya chemchu chitüi le ju angkya changle; chemthüikoxle mongao tüikya mix a zangwin to jeple ahamkya tinu tichap ningle changpu.

IBRI 11:11

Chix azusong khato üntoxle Sarah chuwüi naosom ngui-wang angkya ozya kaile azu füima, mongonge Abraham hopa tuita ang achang ang tom. Chemthüikoxle chix tsaosüt otya ma thom angkya changle le chixe Zang to mongong.

IBRI 4:14

Athaxpi kem ang zangkangting akai daokya Nguakho tuita, Jisu Khrista, Zang Hosa tüikya daile, keme ngaile tsaokya mongong ma shingmongle ngohax.

IBRI 3:14

Chemthüikoxle pongwang tokhange wüi tüikya tata tokya mongong oshuk kople, shingmongle jangtwon thüiningle kem pangwüi Khrista füi chifan-chijan zuikhui changle.

MÜNCHUAK-TSAI 26:1

Jowanpa, ija bama kue chemchu müntik koxa, le ngaifa, chemthüikoxle kue chem supuix ija mokwüi ilaxle komkaile mongong thompu.

MANGSOP 3:23

Swomsa ma puakale tüikya ningle, atsingshokya zanghannu dün ningle.

2 KORIN 9:13

Hünzome mokkya mwottho ijae hünzom ma khristan chingcha mong zaikya ahole, ilaxle hünzome ngaikya hia Khrista Kaxho Müikya kax ma laxkya olom khoma tomwüi khristanbue Zang mün achuaküi. Hwom füi ilaxlechu mama tomwüi mongong mixbu füi hünzome ma ma tüikya mongtsu laxle tom-hanle laxkya chingcha khoma hwome Zang achuaküi.

IBRI 3:1

Kutüi kunao khristanbu, opangchu wüi Zange nyakkya changlaxpuix! Kem manzai ang laxkya mongong bama Nguakho ang Zange owa tomle ajopuix, ija Jisu bama ajanglax.