IBRI 1:9 - OTSAO BAIBEL (BSI)

⁹ Chem supuix ija to nange mongkün; chem chisupuix ija thua nang anu. Idaile Zang, nang Zange, nang zünle koppu; nang füikyabu ang koxkya süthak, nang ang mongsom hia chazakya fadaoa.”

IBRI 1:9 ပူးပေါင်းရင်းမြစ်များ

MÜNCHUAK-TSAI 45:7

achangchang to nange mongkün ikoxle chichangchang thua nang anu. Ikhokhoma Zang, nang Jowan-e, nang kamle kop ilaxle mama-mama wanghombu thakto süchongchongkya mongmüi nang ang thokle kox.

MÜNCHUAK-TSAI 23:5

Ku zanpabu pangnusae ngün ang kopkya onui ma nange ku hanpakma fongsüt achwon; e-sele tüikya wünpa tuita ningle nange ku ponglekop, üntoxle ku pe a baoxle lyem ngole.

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

GALATIA 5:22

Ikoxle Chasa oziak a ibu changpu: Mongkün; mongmüi; mongsom; adukya; chingchajaja; müikya; mongong; jonai; ilaxle ma alüile akumathumkya;

ROM NOK HATO ZAKYA POL LAIZA 15:13

Hünzome chix to mongong tüikya tokhange, Zang, chix monghom otonge, mongmüi hia mongsom füi hünzom awangle naxfa.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

KAXHO MÜIKYA LUK 4:18

“Jowanpa Chasa ku ma tüile; mütmix shunmix hato, Kaxho Müikya apüi ang chixe ku kam. Kople thomkya hato, dan angkya kax apuk angkya; Mikduakbu hato, ngün angkya kax apuk angkya; mix fang to ngokyabu ang, khangkho angai kox angkya;

AMOS 5:15

Chem ochax hex ija thua anulax, chem supuix ija to mongkünlax, ilaxle khwa ma sukya kaxfün koxle chang angkya to hulax. Ile jangthüiningle owatsing, athax atale toxkya khünakbu to Jowanpae chingchakya tüiüi.

1 JUHAN 1:3

Hopa hia Hosa Jisu Khrista nyi füikya kwom motom ma hünzomchu naxwom le kwome ngünkya hia atatkya hünzom angchu tsing ang tompu.

1 PITAR 1:3

Zang tamchu kem Jowanpa Jisu Khrista Hopa ang keme münchong fahax! Chemthüikoxle Jisu Khrista chatle azangle zo ang koxlaxle chix chingcha chongkya makhange chixe kem ang tsün hozün fale. Ija makhange kem a khüzün monghome awangle,

ISAIA 61:8

Jowanpae thüi: “Kue sukya kaxfün to mongkünle ilaxle mix to afang thomkya hia mütkopkya thua anule. Kue ku khünaknu to mong athokya chitüile hingho koxüi Ilaxle oshuk chitüikya Tsaotsüt hwom füi thomüi.

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

IBRI 7:26

Ikhoma Jisu a kem laxli pangwüi anguile fa angkya Nguakho changle. Chix a otsao; chix ma thaikya chichangba ochax chemchu müntüi, chix a ochaxbu füi atsaile süi thomkya tamchu zangkho thak to nwonle thomkya changle.

FILIPI 2:9

Ikhoma Zange chix pangnu thakma nwon, üntoxle pangnu thak tokya, mün chix ang kox.

EFISIA 1:3

Kem Jowanpa Jisu Khrista Hopa Zang ang keme münchong fahax! Chemthüikoxle Khrista füikya kem notom ma, zangkang tingsho mohiman kem ang koxle chixe kem to mohimandaoa.

1 KORIN 1:9

Zang owae hünzom, chix Hosa Jisu Khrista füi notom ang nyakpuix, chix to mongong angkya changle.

JUHAN 20:17

Jisu-e she ang thüi: “Ku to taxtwon; chemthüikoxle athax kople ku Apa hato machat! Ikoxle kutüi kunao hwom hato paolaxle ku a, owa hwom zongtochu Hopa tamchu Zang changpuix, ija Apa hato chatüi ta le thüikox.”

JUHAN 1:41

Pongwang ma chixe hotüi Simon atak ilaxle chix ang thüi: “Kwome Messaiah (Khrista) atakdaoa.”

MÜNCHUAK-TSAI 119:128

Ikhoma kue nange adangle fakyabu pangwüi kax ma laxpu; Kue thaikya lom pangwüi thua anule.

MÜNCHUAK-TSAI 119:104

Kue nang Wanlombu makhange hwon-je kople, ikhoma kue chimüikya zanglom-saikha pangwüi thua anule.

MÜNCHUAK-TSAI 89:20

Chix to münga füi lilaxle ku dapa Dawid kue wanghom ang zingdaoa.

MÜNCHUAK-TSAI 33:5

Oja otsao tamchu sukya changpuix, ija to Jowanpae mongkünle; tamchu chithwonkya chix mongküne chaxwannu awangle.

MIKNGÜN-OHÜN 2:15

Ilailaile athaxchu hünzom khama Nikola hwom hwon-nwot füito azuikya khünakbu tüihule.

2 KORIN 11:31

Jowanpa Jisu Zang ilaxlechu othuithuima chix mün mohiman naxchang! Chixe ku münthaile awan ngole.

ROM NOK HATO ZAKYA POL LAIZA 12:9

Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

WANGSHEMBU MWOT 10:38

Hünzome, Nazareth nok Jisu bama, ilaxle Zange chix ang Otsao Chasa tamchu tsakzong koxkya bamachu awanle ngopu. Chix pangnu khato aham, üntoxle Zang chix füi tüikoxle khünaknu zongma müikya mwot chixe mok üntoxle haxshix zonge kople thomkyabu pangwüi chixe amüi.

WANGSHEMBU MWOT 4:27

Ilailaile Hünsa Jisu, owa nange Messaiah ang achang, chix zan to ka ang Herod hia Pontias Pilat nyi mixnokbu hia Israel khünakbu füi tomlaxle ija tingnu ma asox.

JUHAN 3:34

Owa Zange tsanle apaopuix, chixe Zang kaxbu akaxle, chemthüikoxle Zange chix ma ma Chasa okho anguile fale.

ZEKARIA 8:17

Tata zongto oma ang achang angkya mwot taxmok. Tsaotsütle othai mikngün kaxkhi taxfa. Atsekya, chisukya hia tata zan to kale changkya thua ku anule.”

MÜNCHUAK-TSAI 89:26

Chixe ku ang thüiüi, ‘Nang a ku apa tamchu ku Zang changle; nang a ku kho-awapa tamchu khosünpa changle.’

MÜNCHUAK-TSAI 40:8

Ku Zang, kue nang mongtex mok ang chemtukux mongkünpuix! Nang hwon-nwot kue ku mongkha ma thomle.”

MÜNCHUAK-TSAI 37:28

chemthüikoxle chem supuix ija to Jowanpa mongkünle ilaxle chix to mongong thomkya khünakbu chixe danle müntox. Jento chixe hwom khosele, ikoxlechu chichang-chizangkya su-sabu a jwonle apaoüi.

MÜNCHUAK-TSAI 11:5

Chixe chimüikya hia müikya khünak pangnu to tomwüi wanle anole; wanlom fang ma chingo tsuakkyabu to chixe mong makhange jao anule.

MÜNCHUAK-TSAI 2:6

Chixe thüi: “Zaion, ku otsao haxnu ma, kue ku wanghom thwomdaoa.”

MÜNCHUAK-TSAI 2:2

Hwom wanghombue alünle ajong, pünpa-chongwangbue Jowanpa zan to ka, chixe zünle thomkya wanghom zongto opüipüi mok.

IBRI 2:11

Chix khünaknu hwom ochaxbu tokya atsao, üntoxle chixchu tamchu opang atsao-atha daolaxpuix ibu pangnu ang Hopa tuita wüi chang. Ikhoma hwom ang chix tüinaohom le nyak ang Jisu chiazak.

MÜNCHUAK-TSAI 45:6

Zang-e nang ang fakya wangting oshuk chitüile ngoüi. Nange nang khünaknu thakma sule apün;

JUHAN 10:17

“Apae ku to mongkünle, chemthüikoxle tam chatle atak angkya hanpakma kue ku tsün kox ang tsupu.

WANGSHEMBU MWOT 4:26

Chaxwannu wanghombu, hwom lailai azan ang achwon; apün-adakyabu pangnusa, Jowanpa Zang hia Messaiah, zan to ka ang asox.’

IBRI 2:9

Ikoxlechu Jisu, owa noxtakya hanpak bama, Zange kaxtaimixbu süfang le zingkya keme ngünpuix, ija a Zang chingcha makhange chix nok hanpakma zi angkya hanpakmale changle. Chixe zikya sikngün apongle hüidaokya khoma athax a keme chix fuazang hia achuak achenkya khohom sün laxle ngün ang kople.