IBRI 1:2 - OTSAO BAIBEL (BSI)

² ikoxle Ija hanpak oshuk ma chixe kem füi Hosa makhange zangwünkya changle, owa makhange Zange ding hia hax zingpuix, üntoxle oshukma pangnu li mantswon ang Zange owa kamle koplaxpuix, ija mixsün a chix changle.

IBRI 1:2 ပူးပေါင်းရင်းမြစ်များ

1 KORIN 8:6

kem hanpakma Zang, chix a Hopa, owae zünmok zingle alaipuix, ilaxle owa hanpakma kem ozün ma ngolaxpuix, chix tuita wüi; üntoxle zünmok zingkya mix owa makhange kem ozün ma ngopuix, ija Jisu Khrista Jowanpa chix tata wüi.

JUHAN 1:3

Chix makhange Zange pangnu li zingle alai; zingkya khama oli tuitachu chix chichang homtoxle zingkya chitüi.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

1 PITAR 1:20

Chix a, chaxwannu zingüi thoto wüi Zange kamle kopdaokya mix tuita üntoxle hanpak oshuk nguile hüi pongma hünzom hanpak ang chix ngai.

MATHI 28:18

Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

JUHAN 13:3

Hopae chix chak to pangnu tsakzong koxdaoa le Jisu-e awan; chix Zang tokhange nguikya changpu ilaxle chix Zang hato chat angkya changle le chixe awan.

MATHI 17:5

Chix akaxle ngopongma nyankya zangfwom tuita hwom khangkho to hüi; ija zangfwom makhange hwome kaxzing ile atat: “Ija a kue mongkünkya Ku Sasün changpu; chix füi ku mongzom müipu! Chix kax ma laxlax!”

IBRI 11:3

Zangfangjanu a Zang kax makhange zingle alaikya changpu le keme mongong füi tix tsing ang thole, ikhoma chem ngün ang thole tüilaxpuix ija a ngün ang chithokya makhange zingle alaikya changle.

ROM NOK HATO ZAKYA POL LAIZA 8:17

Kem chixsu chixsabu daile, chix khünaknu hanpakma chixe thomkya mohiman keme kopüi, ilaxlechu Khrista füi tomle Zange chix hanpakma thomkyachu wüi keme kopüi; chemthüikoxle keme chix sikngün ahanle janglaxba, chix fuazangchu wüi ahanle laxüi.

JUHAN 3:16

Zange chaxwannu to tüle mongkün laxle chix to ongkya mix chimax le oshuk chitüikya khüzün tsün atak angkya hanpakma chix ang Hosa tuita wüi tüikya chaxwannu ang kox;

MATHI 26:63

Ikoxlechu Jisu dangle ngo. Anaolechu Nguakhoe chix ang thüi: “Ozün ma tüikya Zang mün ma kue tsao sax le thüipu: Nang a Messaiah, Zang Hosa jangchangba kwom hama apua hüi.”

MATHI 21:38

Ikoxle mwotmok mixbue sasün ngünkya zuma thüi: ‘Ija a hopunu sasün tsingtsing changle; oman, kemepi chix langhax ilaxle chix tuina komle keme laxhax.’

IBRI 5:8

Chix Zang Hosa changün koxlechu chix sikngün makhange kax ma laxle tüi angkya awanle lax.

EFISIA 1:10

Ija mwottho, oja otu-owan nguile hüikya füi tomle Zange tsuak angkya hex, ija a Khrista okhang ang lax üntoxle Zang chakzing, ding hia hax ma otukux tüilaxpuix, ibu pangnu tuita ma asüi angkya changle.

ISAIA 44:24

“Ku a Jowanpa, hünzom khosünpa changle; hünzom zingle alaikya mix a ku changpu. Ku a Jowanpa, pangnuli zingle alaikya mix a. Zangdingkho ku tatae pünpu; kue chaxwannu zingpongma, owaechu ku to chiasun.

IBRI 7:3

Melkizedek ang hopa chichangba honu chichangba chix putong owawa mo wünle bangkya kha müntüi; chix puxkya tamchu zikya mo wünkya khachu müntüi; chix a tuita Zang Hosa lailaile; chix oshuk chitüi le nguakho ang ngo.

IBRI 2:3

Ikoxlechu ipong chongkya khosün bama mong chikoxba kem azangtsuak angchami? Ija khosün pongwang ma Zang chixjaoe apuk, üntoxle chix kax to apakyabu kem ang ija otsing changpu le ahole.

IBRI 1:5

Chem ang, Zange otuechu chix kaxtaimixbu ang, “Nang a Ku Sasün changle; Anyix Ku Hünpa ang achangpu” chichangba “Ku chix Hopa changüi, üntoxle chix a Kusa changle” le chithüi.

EFISIA 3:9

ilaxle Zange chix huxsa mwottho chemle changle mokle ahoüihex, khünaknu pangnu hama ija aho ang tom. Zang, owa pangnu zingkya hopupa hex, chixe ma huxsa mwottho thochi tsüntsün ma pyenle thom;

ISAIA 2:2

Athax füichi ma Zangshwom-Hom ajongle tüikya haxhua haxhua pangnusa füi süchuakle tüiüi, haxhuabu pangnusa to ijae tuküi. Abünle zakya füi jat-libu ija haxhua hato nguiüi,

TSAITONG-KAXTONG 18:15

Itülüi chixe, ku lailaikya aje tuita, hünzom khakha ma wüi khünak tuita ajongüi; hünzome chix kax ma laxle tüi angkya oli changpu.

TSAITONG-KAXTONG 4:30

Chemtue hünzome sikngün apong ilaxle ibu pangnu changle hüipuix, ifüimatix hünzom Jowanpa hato chatüi ilaxle chix kax ma laxle tüiüi.

GALATIA 4:4

Ikoxlechu tu-hi-wan thütkhak le nguile hüikya zuma mixcha tuita makhange Jehudi wanlom fangma puxle Zange Hosa ajo.

WANGSHEMBU MWOT 10:36

Khünak noknusa hopunu Jowanpa, Jisu Khrista makhange tumüi bama Kaxho Müikya apukle chixe Israel khünaknu hato fakya kaxho hünzome awanle ngopu.

JUHAN 15:15

Athaxpi kue hünzom ang dale münnyak; chemthüikoxle da tuitae ma hopupae mokkya mwot münawan; ikoxchu kue hünzom ang zuikhui le nyak daoa; chemthüikoxle kue Apa tokhange chempang atatle laxpuix ibu pangwüi kue hünzom hama wünpu.

MIKA 4:1

Athax füichi ma Zangshwom-Hom ajongle tüikya haxnu a pangnu füi sütsuakya ang changüi, haxhuabu pangnu to kaikya homthün a. Jat-libu tüle-tüle ija hato abünle nguiüi,

JUD LAIZA 1:18

Athax hanpak oshuk ma hünzom thajao wünhai angkya tamchu texle chiatakkya hwom mongtex füito azuikya khünakbu lai angkya kax hwome hünzom hama akaxdaoa.

ROM NOK HATO ZAKYA POL LAIZA 1:4

chix otsao chifün ma, zidaokya chatle azangle zo ang tomkya makhange chix a Zang Hosa changpu le fua-hi-zangle aho.

WANGSHEMBU MWOT 2:17

“Zange thüile: ‘Hanpak ashukle hüikya zuma khünaknu ang kue Chasa thokle koxüi. Hünzom susabue Haxzang Kaxho khünaknu hato apuküi; hünzom naosünbue mikngün ohün ngünüi, hünzom azupabue wünmang amangüi,

JUHAN 17:2

Nange chix ang afafa pangnusa ang, oshuk chitüikya tsün khüzün koxtsuak angkya hanpakma, nange chix ang khünaknüsa thakma tsakzong koxpu.

JUHAN 16:15

Apa kux chempang tüipuix, ibu pangnu ku kux; ija khoma chixe, kue akoxkox laxlaxle tox angkya changle. Üntoxle kue thüipu, chixe ibu hünzom ang awan ang tomüi.

MARK 12:6

Ilaxle chix ang athaxchu tuita atale tüikya, ija a chix mongkün sasün changkya. Oshuk ma chixe chix sasün hwom hato tsanle akat. Hosa thua hwom zaüi changtüi angpu le chixe thüt.

MARK 1:1

Kaxho Müikya ija a Zang Hosa Jisu Khrista bama changpu.

DANEL 10:14

Athax füichi ma hünzom khünakbu to chempangle chang angkya hex ija nang hama apuale fa angkya hanpakmale ku nguikya changpu. Ija a athax füichi hanpak mikngün-ohün changpu.”

EZEKEL 38:16

Chaxwan alyem le zangchei zangwat hüikya ningle nange ku khünaknu Israel nok to singüi. Chemtue ija hanpak nguipuix, ipongma kue nang a, chaxwannu nok hato ku owahex ija aho angkya hanpakma ku haxtok to sing ang apaoüi, ilaxle ku otsao ngaile aho angkya hanpakma nang makhange kue mwot moküi.

ISAIA 45:18

Jowanpae zangdingkhobu zing — Zang a chix tix changpu! Chaxwannu a chixe zing ilaxle alai — chixe ija othuithui hanpak ang zing. Chixe ija khünak chingole awüt tox ang zingkya chichang, ikoxle khünaknu ngo angkya kha ang zing. “Ku a Jowanpa changpule chixe thüipu, ilaxle zang mama owa müntüi.

TSAITONG-KAXTONG 31:29

Ku zile paokya füima khünaknu a tüle chichang-chizangle tüi angkya tamchu kue anwot-anole koxkyabu hwome chilaxle awütüi. Athax füichima hwome thama füi apongle laxüi, chemthüikoxle chixe taxmokle abaxkya mwot mokle changkya tokhange ipongma hwome Jowanpa ang mong atsikle changdaoüi.”

2 PITAR 3:3

Hanpak oshuk ma mikza lokya lom ma ma tsün ngole hüikyabu ngaiüi, pongwang ma hünzome ija awanle koplax.

IBRI 1:8

Ikoxle Hosa bama Zange thüi: “O Zang, nang wangting ashukle chitoxüi! Nange, nang khünaknu thakma sule apünüi.

HOSIA 3:5

Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

PONGWANG LAIPEX 49:1

Jakop-e sasün hwom selaxle thüi: “Ku hama asoxhüi; athax füichi ma hünzom to chempangle changüihex ija kue wünfang:

IBRI 9:26

chichang thüiba chaxwannu zingpong tokhange wüi obi thomthom ma hexle chixe sikngün apongse. Itülüi, athax tsün hia hanpak oshuk hato nguile hüiponge, chix alüile tö koxkya tokhange ochax awüt ang, tamfangma tamchu nok hanpakma chix ngaile ahodaoa.

JUHAN 3:25

Juhan wangshem züizüi hia Jehudi khünakbu bama, sole atsaole khongaikya zom bama ala ang süt.

DANEL 2:28

Ikoxlechu zangkangting to Zang tuita tüile. Chixe ija huxsa zangwünbu ngaile aho ang tsuakle. Wanghompa, ija a chixe nang hato athax füichi ma chemle chang angkya hex ija ngaile ahole ngokya changpu. Athax kue ija nang wünmang apuale fafang, nange jiple ngopongma ngünkya nang wünmang a.

JEREMIA 48:47

Ikoxlechu athax füichima Moab nok a Jowanpae tamchatle ahak-alua ang tomüi. Ibu chempang Jowanpae akaxle changdaopuix, ibu pangwüi Moab noke apongle hüi angkya changpu.

ISAIA 45:12

Chaxwannu zingle alaikya a ku changpu ilaxle khünaknu ikhama ngo angwot ang zingkya changpu. Ku tsak-zong makhange kue zangding shapu; Kue lyetnu, zanghan, hia lyettsibu pangwüi ziakople thompu.

HUAKE LAIPEX 24:14

Balam-e Balak ang thüi: “Athax ku a ma khünakbu hato chatüi, ikoxlechu ku chatüima, athax füichima Israel khünakbue hünzom to chemle moküihex, ija bama kaxkhün koxle toxfang.”

MATHI 3:17

Ifüima zangding tokya kaxzing tuitae ile akax: “Ija a kue mongkünkya Ku Sasün changle; chix füi ku mongzom müipu.”

MATHI 13:39

Ilaxle ijabu saile toxkya a bao changpu; tsax atukya a chaxwannu ashukkya changpu; ilaxle tsax züt mixbu a kaxtaimixbu changpu.

MARK 12:7

Ikoxle ibu manzai mixbue tata füi zangwünle thüi: ‘Ija a hopunu sasün tsingtsing changle; oman keme pi chix langhax, ilaxle ija mantswon kem kux ang achanghax!’

JUHAN 1:10

Ifüima ija kax chaxwannu ma ngo. Chaxwannu Zange chix makhange zingle alai; ikoxlechu chaxwannue chix chitsing.

JUHAN 5:26

Hopa chemle khüzün otong hex ija lailaile Hosachu wüi khüzün otong ang achangdaoa.

JUHAN 5:27

Chixe Hosa ang kaxfün angkya zong fadaoa, chemthüikoxle chix a Khünak Hosa changle.

JUHAN 9:29

Zange Mosa füi zangwünkya changpu le kwome awanle; ikoxle ija khünak bama, chix ojong tokya nguipuix, ija ngaxchu kwome müntsing!”

1 KORIN 2:7

Ikoxlechu kue apukkya a khünak hato chiaho le pyen thomkya ikoxlechu ijae kem fuazang angkya hexo le chaxwannu mazing tanto wüi Zange tsuakle thomdaokya Zang je-hwon bama changpu.

IBRI 3:6

Ikoxle Hosa ningle Khrista a Zang hom ma Opupa changle. Keme monghomkya ma kem mongchyen tamchu mongong jangthom thüiba kem a chix zong to hom tuita changpu.

IBRI 4:14

Athaxpi kem ang zangkangting akai daokya Nguakho tuita, Jisu Khrista, Zang Hosa tüikya daile, keme ngaile tsaokya mongong ma shingmongle ngohax.

IBRI 7:28

Mosa Wanlom tokhange Nguakhobu ang nguiwangle chitüikya khünakbu zün; ikoxlechu Zang tsaosüt Tsaotsüt füi zing; ijae wanlom füima hüilaxle Hosa kamle kop. Chixe chix othuithuima nguiwangkya ang achang.

JUHAN 13:32

Chix makhange Zang fuazang angaile jangchangba, Zangechu chix ma wüi Khünak Hosachu fuazang ang tomüi. Ija ile chixe athax wüi mok angkya changle.