IBRI 1:14 - OTSAO BAIBEL (BSI)

¹⁴ Jangchangba kaxtaimixbu a chem? Hwom a Zang thothakya chasabu opange Zang khosün atak angkyabu hato tsanle apaopuix, ibu changpu.

IBRI 1:14 ပူးပေါင်းရင်းမြစ်များ

MÜNCHUAK-TSAI 34:7

Jowanpa chathua zale tüikyabu chix kaxtaimixbue nyele thomle, thomzün maklax angkya chak tokya hwom sünle thomle.

MATHI 18:10

“Ija naosombu tuita ngaxchu thajao wünhai le chichang angkya bama hünzom likhün lax. Kue hünzom ang thüipu, Zangkangting to hwom kaxtai mixbu ku Apa hama jento ngole.

DANEL 6:22

Ku to chitsüt angkya hanpakma mailangbu tun hux ang Zang-e chix kaxtaimix tsanle ajole. Chixe ija a, ku ma oma chemchu chitüikya mix tamchu nang zongto oma chemchu chimokkya mixle tsing laxle ile mokpu.”

WANGSHEMBU MWOT 27:23

Chemthüikoxle ku owa kuxhex ilaxle kue owa tongshwom le ngopuix, ija Zang kaxtaimixbu müja ku hato nguile,

WANGSHEMBU MWOT 5:19

Ikoxle ija ja Jowanpa kaxtaimixe kun ka daple kox üntoxle wangshem nyi alai laxle hokhi ang thüi:

WANGSHEMBU MWOT 12:7

Allele ikhama Jowanpa kaxtaimix tuita laile ajong, üntoxle kun khato nyan. Kaxtaimixe suakto ma sile Pitar azwot le chix füi akax: “Momlax! Ajonglax!” Ifüima Pitar chak angkya janbüibu dütle hüi.

KAXHO MÜIKYA LUK 1:19

Kaxtaimixe lan: “Ku a Gabriel changpu; ija kaxho apuale nang füi akax ang tsankya Zang pomtho ma ku ajongpu.

MATHI 1:20

Ikoxle, hulax, chix ile khosam ma ngoponge, Jowanpa kaxtaimix tuitae wünmang chito chix füi ile akax: “Dawid sasün Jusep, nange Meri ma kakonu ang lax ang taxza; chemthüikoxle she ma nao a Otsao Chasa makhange nguidongkya changle.

DANEL 3:28

Wanghompa-e thüi: “Shadrak, Meshak hia Abednego hwom Zang achuak kox! Chix thothale tamchu chix to mongongle ngokya mixsün ibu khosün ang Chixe chix kaxtaimix tsanle ajo. Changle hwome ku kax ma chilax ilaxle mama baozangbu tongshwom le münchangpu le hwome ma tsün maüi thua ngaxchu chizale hwom Zang to tata shomüile angam.

KAXHO MÜIKYA LUK 16:22

“Ifüima jusax mix zi, üntoxle kaxtaimixbue chix Abraham zuima thung ang zangkangting fongkhat nui to pao. Hakpa sünchu wüi zi ilaxle akhün.

WANGSHEMBU MWOT 12:23

Ifüi tomle kaxtaimixe Herod to hongle anguak, chemthüikoxle chixe Zang chathua zakya chitüi. Chix a chonge sax ilaxle zi.

KAXHO MÜIKYA LUK 2:9

Jowanpa kaxtaimix hwom hato ngai, üntoxle Zang fuazang kya e hwom to nyan. Hwom huanuma za,

KAXHO MÜIKYA LUK 2:13

Allele ija kaxtaimix füi tomle kaxtaimixbu othom lai, ilaxle Zang achuakle tsai ngao:

MÜNCHUAK-TSAI 104:4

Nange zangwin a nang kaxhomixbu ang twon ilaxle zangchangjep a nang dabu ang twon.

MATHI 2:13

Hwom pao füima Jowanpa Kaxtaimix tuitae Jusep füi wünmang chito akax: “Zolax, naosa hia honu nyi koplaxle Ijip chaxwan to paole azanglax. Kue nang füi tamchatle ma akax tanto ikhato ngolax; chemthüikoxle Herod-e naosa lang ang lom angkya changle.”

TITA 3:7

Ikoxletix wüi keme chix chingcha makhange Zang füi muamüi angkya ataküi tamchu keme monghomle ngokya oshuk chitüikya khüzün tsün kop angkya hato kem hüi ang thoüi.

MIKNGÜN-OHÜN 5:6

Ifüima ozün ma tüikya müi ali hia tüichong mixmüibue akhop laxle chongwang tüntong osung wama Chun Hosa ajongkya kue ngün. Chun Hosa a langdaokya ningle ngün. Ija ma ozong anüt üntoxle omik anüt le tüikya. Ibu a chaxwannu pangkha towüi pao ang tomkya Zang Chasa anüt changle.

1 PITAR 1:12

Zangkangting tokya ajokya Otsao Chasa tsakzong makhange kaxho mix opange hünzom hama ibu Kaxho Müikya apukkya hünzome atat laxpuix, ibu a kaxtaimixbue ngaxchu tsingle laxse tsukya oli changle. Ija kaxho pongma ajebu ang Zange ibu a hwom lap hanpak münchang ikoxle hünzom lap hanpak changle le angaile kox.

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

JUD LAIZA 1:14

Adam makhange tangthole hüikya sixli sutai anüt lükya a Inok changle. Chixe ija aje: “Zang chilax homtoxle ngokyabue mokkya mwot oma tamchu Zang zongto hwom tsaima-kaxshixkyabu pangwüi hato kaxfünkya hia thajao wünhai apüi ang,

1 PITAR 1:4

ikhoma Zange chix khünaknu ang kox angle thomkya ahak-aluakya mohiman kop angkya to keme hule tanpu. Shanle chipao angkya chichangba chima angkya chichangba za le chipao angkya, ibu chixe hünzom hanpak ang zangkangting to thomle.

IBRI 6:17

Opange chix kaxtsao kop angkya changlaxpuix, ibu ang Zange chix mongtex otuechu lüichüi angkya münchangle tsing ang koxse tsule; ikhoma chixe kaxtsao to tsaosaxkyae bopu.

2 THESALONIKA 1:7

üntoxle sikngün apongkya ma hünzom ang hwom füi tomle nazak faüi. Zangkangting tokya Jowanpa Jisu Khrista tsakzong füikya chix kaxtaimixbu füi,

FILIPI 2:25

Epafrodita owae kuchima süt laxle mwot mok üntoxle azanle hüilaxpuix, tamchu hünzome ku to fongkya tukma kaxho mix ang achangle hüidaokya mix, kue chix hünzom hato akat angkya tuita khütkhaxkya mwot changle le texle.

2 KORIN 9:12

Hünzome mokkya mwottho Ija makhange khünaknu chitüi chinang pongthapkya tata chichangle khünaknue Zang ang münchong fale zangjop angkya alai hule.

ROM NOK HATO ZAKYA POL LAIZA 15:27

Ile mok angkya bama hwom lailaie wünle tsuakkya changle. Ikoxle otsing tomtata ma, chitüi chinang to fong angkya hwom ma thashe tüikya; Jehudi khünakbue mixnokbu füi chasa ma hwom ang tüikya mohiman ahanle lax, ilaxle mixnokbuechu Jehudi khünakbu to mwotkat mohiman makhange fong angkya olom jao changle.

ROM NOK HATO ZAKYA POL LAIZA 15:16

Ija a Jisu Khrista da tuita ningle mixnokbu khato mok angkya hanpakma changle. Otsao Chasa makhange, mixnokbu a Zange pongle koptsuak angkya kuxma tö tuita ang naxchang, Zang tokhange hüikya Kaxho Müikya apuk-apua angkya kue nguapa tuita ningle mokpu.

ROM NOK HATO ZAKYA POL LAIZA 13:6

Nange süibu koxkyachu ikhoma le changle, chemthüikoxle hwome hwom mwottho to mongkoxle mokkya a pünpa-chongwangbu Zang hanpakma mokkya changpu.

WANGSHEMBU MWOT 13:2

Hwome Jowanpa thothale üntoxle chisax chilingle Zang shwom üntoxle jople ngoponge, Otsao Chasae hwom füi akax: “Oja mwot hanpakmale kue hokhi nyak daopuix, ija mwot mok ang Barnaba hia Sol nyi süikox.”

WANGSHEMBU MWOT 11:22

Antiok to ile changkya kax Jerusalem müimüithom na to wang, idaile hwome ikhato Barnaba tsanle akat.

KAXHO MÜIKYA LUK 1:23

Otue Zangshwom-Hom ma chixe mokse mwot tsuakle hüipuix, Zakaria hom to chat.

MATHI 24:31

Nyazong chongkya mütüi; chixe chix kaxtaimixbu chaxwannu ozong ali to apaoüi, ilaxle hwome, chixe kamle kopdaokyabu, ozong tuita makhange ata zong to lünle afoxüi.

MATHI 13:41

Khünak Hosae chix kaxtaimixbu tsanle apaoüi; chix Wangting bama chikho asua ang koxkyabu hia mix ang ochax lyen ang tomkyabu pangwüi afoxüi;

DANEL 7:10

ilaxle ija makhange wün shua jenle tüikya. Ikhoma chix thotha angkya khünakbu a hajat-hajat tüikya ilaxle chix tunthoma khünaknu a o-e chithole ajongle tüikya. Kaxfün angkya khwa ka mwotwang, ilaxle laipexbu dap.

JOB LAIPEX 1:6

Chemtue ozün ma tüikya ding tokyabu Jowanpa tunthoma asox angkya nyix nguile hüipuix, hwom khama Bao womle tüikya.

1 PITAR 3:7

Ija lailaile hünzom kakopabuechu ma kakonubu füi, mafüi hwom wüi zong chitüikya le tsingkya füi ngo angkya oli changle. Hwom chathua zakox, chemthüikoxle hwomechu wüi hünzom füi tomwüi Zang angkya khüzün hingho mantswon angkya changle. Hünzom zangjop to poxpyen angkya chemchu chitüi angkya kuxma ija moklax.

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

IBRI 10:11

Jehudi nok nguapa noke wüi thothakya ma mwot nyixfo to mok üntoxle tö oli tuitata wüi obi thomthom ma hexle kox; ikoxlechu otuechu ibu tö koxkyabue ochaxbu pao ang chitho.

IBRI 8:6

Zang hia khünaknu bama sümüikya Tsaotsüt chixe zingle dankya ningle, athax a, hwom füichu wüi ataxkya zom mwot mok angkya Jisu ang kox; chemthüikoxle ija sümüikya kaxtsao oli ma athong-ana laxle tüikoxle.

IBRI 6:12

hünzom zaxkak mongdom le namchangbae le kwome müntex, ikoxle mongong hia adukya füi tüikyabu ningle namtüibae le texpu, ikoxle tix Zange tsaole thomkyabu kop ang tomüi.

IBRI 5:9

Otue chix nguiwangkya ang achang puix, chix kax ma alaxlax nok hanpakma chix a tuita oshuk chitüikya khosün otong ang achang,

FILIPI 2:17

Ku khüzün aji a kue Zang ang tö koxle ngokya hünzom mongong to li angchu laxtüilax. Ile namchang thünchu ku zongma mongmüimüi wüi changpu ilaxle hünzom pangnusa füi ku mongmüi atom-ahanüi.

EFISIA 3:6

Huxsa zangwün a ija changle: Kaxho Müikya makhange mixnokbuechu Jehudi nok füi Zang mohiman mantswon ma tuita; tuita tompo ma wom ilaxle Khrista ma Zang kaxtsaobu tomwüi tom-hanüi.

GALATIA 3:29

Nang Khrista kux jangchang thüiningle, nang Abraham sixli changle ilaxle Zange kaxtsao daokyabu nange ataküi.

GALATIA 3:9

Abrahame mongong ilaxle mohiman atak; idaile ongkyabu pangnu towüi chix lailaile mohiman.

GALATIA 3:7

Idaile Abraham sixli tsingtsing a mongong füikyabu changle le hünzome awanle lax angkya oli changpu.

ROM NOK HATO ZAKYA POL LAIZA 8:17

Kem chixsu chixsabu daile, chix khünaknu hanpakma chixe thomkya mohiman keme kopüi, ilaxlechu Khrista füi tomle Zange chix hanpakma thomkyachu wüi keme kopüi; chemthüikoxle keme chix sikngün ahanle janglaxba, chix fuazangchu wüi ahanle laxüi.

WANGSHEMBU MWOT 16:26

Allele bütix tixnu sile kun homting chifün tokhange sile alox. Allele kahakbu dap, kople thomkya khünakbu chak angkya janbüibu düt.

1 WANGHOMBU 22:19

Mikaiah-e thuithuile akaxle thüi: “Athax Jowanpae chemle akaxpuix ija to apalax. Kue Jowanpa zangkangting to chix tüntong ma thungle ngokya ngünle. Chix kaxtaimixbu komle chix akhople ajongle tüile.

PONGWANG LAIPEX 32:24

ikoxle chix a hwom füishuk to chix tata ngo. Ifüima zangngaiüi khakhama mixsün tuita nguilaxle chix füi alople ashing.

MATHI 4:11

Ija ma baoe chix danle tox ikoxlechu kaxtaimixbu nguilaxle chix to fong.

MARK 10:17

Üntoxle Jisu pao ang achexle lom ma tüipongma, khünak tuita chix hato zikle hüilaxle akhux üntoxle chix ma atüi: “Müikya Nwotmix, oshuk chitüikya tsün khüzün atak ang kue chem mokse dai?”

ROM NOK HATO ZAKYA POL LAIZA 11:14

Ku mwot ma ku mong ngamkya to ku füi mamixbu ang osing dong ang koxüi, ilaxle ile ku khoma hexle Zange züizüi kho thüingaxchu sün angkya hanpakma.

1 KORIN 1:21

Chemthüikoxle Zange chix je-hwon makhange khünaknue chix mahwon maje füi awanle chitsuak angkya lima achangdaoa. Itülüi, kwome apuk-apuakya kaxho, oja ang khünake tsaingat kaxngui le nyakpuix, ija kaxho to mongong tüikya khünakbu khosün angkya Zang mongto texdaoa.

IBRI 2:3

Ikoxlechu ipong chongkya khosün bama mong chikoxba kem azangtsuak angchami? Ija khosün pongwang ma Zang chixjaoe apuk, üntoxle chix kax to apakyabu kem ang ija otsing changpu le ahole.

IBRI 9:28

Ija lailaile khünaknu ochaxbu laxlax tox angkya hanpakma Khrista chuwüi tam tokya ma kox. Anyi lükya ma chix ngaiüi, ikoxlechu ochax füikya mwot bama münchang, ikoxle opange chix tanle ngolaxpuix, hwom khosün angkya hanpakma changüi. A