IBRI 1:10 - OTSAO BAIBEL (BSI)

¹⁰ Chixe ilechu wüi akax, “Nang, Jowanpa, nange owang pongma chaxwannu zingle alai; nang chak tomta makhange nange zangdingbu zingpu.

IBRI 1:10 ပူးပေါင်းရင်းမြစ်များ

PONGWANG LAIPEX 1:1

Chemtue Zang-e ding-hi-hax zingle alaipuix,

JEREMIA 32:17

“Khüthak Jowan Zang, nange nang tsak-hi-zong chongkya makhange chaxwannu hia zangdingkho zingle alaipu; nang zongto huanuma tsakkya oli chemchu chitüi.

ISAIA 48:13

Chaxwannu chifün a ku chak makhange zingpu ilaxle zangding shale danpu. Chemtue kue ding hia nyaküihex, hwom ku hato akhangle hüile.

ISAIA 42:5

Zang-e zangdingkho zingle alai ilaxle ija sha; chixe chaxwantok hia ima ngole tüikya pangwüi aza-apuale kox; ikhama tüikya khünaknu pangwüi ang chixe khüzün hia zakdün kox. Ilaxle athax Jowanpa Khüthak Zang-e chix dapa ang thüi:

ZEKARIA 12:1

Ija a Israel nok hanpakma Jowanpa tokhange kaxho tuita; Jowanpa owae zangding pünle akhaokya, chaxwannu zingle alaipuix, ilaxle khünak hanpakma tsün koxpuix. Chixe thüile:

ISAIA 64:8

Ikoxlechu Jowanpa, nang a kwom hopa changpu. Kwom komhax thatha, ilaxle nang a tikjaomix changpu. Kwom a nang chakzing,

ISAIA 51:13

Hüzome hünzom zingpupa Jowanpa, owae zangding shale pünpuix ilaxle chaxwannu chifün zingle changlaxpuix, chix alakdaocha? Hünzom amüt ang achwonle ngokyabu opange hünzom to athak ang mongsile ngopuix, ibu hanpakma jento zadongle chemto ngopu? Hwom mongtsike hünzom to ojao münpo.

WANWÜNKAX 8:29

Chixe tilo-tinu angkya tibu ang kaxtom koxle chixe thütle koxkya to kaile ti chidong angkya akax pongma ku tüikya. Chixe chaxwannu chifün zaile chang pongma ku tüikya.

MIKNGÜN-OHÜN 3:14

“Laodekia ma tüikya müimüithom angkya kaxtaimix hato zalax: “Ija kaxho a Zange zingkya pangnu li owang wangnui, mongong ma onyem üntoxle otsingtsing kaxkhi oja Amen hex, chix tokhange changle.

MÜNCHUAK-TSAI 19:1

Zangdinge chemtukux tsaothale Zang fuazangkya angai puix! Chixe mokdaokya mwotbu tsaothale chemle ahopuix!

TSAITONG-KAXTONG 4:19

Hünzome ding to ngünkya: lyetnu, zanghan hia lyettsibu to shwom angkya thwontsing ma hato hüi ang taxtom. Jowanpa hünzom Zang-e ibu bama khünakbue shwom angkya hanpakma fawüi.

ISAIA 40:12

Chak ma puix laxle owawae molo tinu thüt ang tho ang cha chichangba fak tin laxle owawae zangding thüt ang tho ang cha? Wansa tuita ma owawae chaxwan tok angkya hax kople thom tho ang cha chichangba tuak ma haxnu hia haxhuabu thüt ang tho ang cha?

ISAIA 51:6

Zangdingkhobu to angakle hulax; chaxwannu to hunolax! Zangdingbu a wünkhut samkya ningle samle paoünüi; chaxwannu a nyitsyen buikya ningle sumle paoünüi, ilaxle khünaknu pangwüi hwom zikya ningle zile paoünüi. Ikoxlechu kue apüikya khosün a jento ngoüi; kue lütkya ija a oshuk-okim changüi.

IBRI 12:27

Kaxhua “Tamchatle”, le thüikyae, ija kax füi alox ang chitsuak angkya oli naxngo ang zingdaokya oli pangwüi sile aloxüi üntoxle apaoüi.