HOSIA 9:7 - OTSAO BAIBEL (BSI)

⁷ Sikngün apong angkya hanpak nguidaoa, khünaknue hwome chem mokdaopuix ija otha kop angkya hanpak a. Chemtue ija changüihex, Israel-e ija awanüi! Hünzom thüile: “Ija ajepa a ongat. Ija mix mong azwotkya mix a ongat.” Hünzom ochax chongle tüikya khoma hünzom khünaknue ku to huanuma miktsakle.

HOSIA 9:7 ပူးပေါင်းရင်းမြစ်များ

MIKA 7:4

Hwom khama ataxle sukya mix to lünle hingzang tukux thatha ngaxchu münchang. Chixe hwom nyetmix, ajebu makhange kaxkhün koxle hüikya ningle, Zang-e chix khünaknu to sikngün ang tom angkya hanpak nguile hüile. Athax hwom a khosam ma tüile.

2 WANGHOMBU 9:11

Jehu a chix zuikhui nguakax-wangkhobu hato chat. Hwome chix ma atüi: “Pangnu müile wüile changlax ma? Ija naosün angapae nang füi chemthüisele thüipu?” Jehu-e lan: “Chixe lomkya hünzome awanle ngopu.”

MARK 3:21

Kakobue ija atatkya zuma, hwom chix to sa ang ngui; chemthüikoxle khünaknue chix ang “Chix pi ongat ang achangüna”, le akax.

EZEKEL 13:3

Ija a Jowanpa Khüthak Zang-e akaxkya kax changpu: “Ongat ajepabu maxpu! Hwome alüile hwom mongkha tokya zang wünle ilaxle ma mikngünbu zingle alaile.

MANGSOP 2:14

Nang ajebue nang hama kaxthai zangwün boma mama kaxho angkya chitüi; Hwom hwon-nwote nang ochaxbu kotok to chialaile nang dyenle thom. Hwome nang ang künlop-monglüi angkya mwot müntüile ajang ang tom.

JEREMIA 10:15

Ibu a laxli chitüikya ilaxle ajaole chang angkya oli; chemtue hwom wai ang Jowanpa nguiüihex ibu a amale awüt angkya changle.

ISAIA 10:3

Zang-e hünzom to zothuple changkya zuma hünzome chem moklaxüi? Chixe tsailo nok tokhange hünzom hato thama apüi ang tomkya zuma hünzome chem moklaxüi? Hünzom to asun angkya lomle hünzom ojong to paolaxüi? Hünzom tuinabu hünzome ojongto khomle thomlaxüi?

2 KORIN 5:13

Khünakbue wünkya ningle, kwom ongat jangchang thünchu ija a Zang kuxma; kwom khangka hingle jangtüi, ija hünzom kuxma changle.

KAXHO MÜIKYA LUK 21:22

Chemthüikoxle zale thomkyabu pangnu kotok to ngai angkya hanpakma ibu a zothupkya din changüi.

MIKA 2:11

“Kaxthai hia dyen-ngankyae awangle, ‘Nang hanpakma ju-sax jenle-jenle naxtüi’ le ajele aham ngokya ajepa ija khünakbue laxse tsule.

EZEKEL 13:10

“Pangwüi haxmüi-zangma tüile le akaxkya hwom zangwün makhange hwome ku khünaknu ochei lom to zunle. Pangwüi haxmüi-zangmale müntüi! Ku khünakbue oshing chimong homtoxle katuk ajongkya to ajebue otok ma pale atsyetle.

JEREMIA 29:26

“Jowanpae nang a Jehoiada man ma nguapa ang zingpu, ilaxle athax nang a okax-okhobu khama Zangshwom-Hom ma alixachong tuita. Owawa ngatnguile aje tuita ningle ahokya mix koplaxle dingkux ma jankan lang ilaxle janbüi füi khale kop angkya a nang mwot changpu.

MIKNGÜN-OHÜN 16:19

Achongkya tingnu azom ang achangle ahak, ilaxle pangnu chaxwan tokya tingnubu amüt. Zange Babilon tuita chongkya tingnu texle atak, ilaxle chix wansa angkya ju oja tüle chix mongtsikkya ju changpuix, ija ling ang tom.

ZEFANIA 3:4

Ajebu a hünlit ojao chilaxkyabu tamchu ong angkya kha chitüikyabu; nguapabue ikha angkya otsao chitsaokya ang achang, ilaxle ma fün amüi angkya hanpakma hwome Zang wanlom ajoajüi.

AMOS 8:2

Jowanpae ku ma atüi: “Amos, nange chem ngünpu?” Kue lan: “Pünziak awangle tüikya tsong tuita ngünle.” Jowanpae ku ang thüi: “Ku khünaknu Israel nok hato oshuk hüidaoa.

HOSIA 9:8

Chix khünaknu Israel ang kaxkhün kox angkya hanpakma Zang-e ku ajepa tuita ningle ahüipu. Ikoxlechu ku apaopao khato, hünzome ku osa amanpupule aman ang azong. Jowanpa Zangshwom-Hom ma ngaxchu khünaknu a ajepa zongto zanpabu ang chang.

EZEKEL 38:23

Ijaningle ku a achongkya tamchu otsao changpule zangfangja hato kue ngaile ahoüi. Hwome ku a Jowanpa changpule awan ang kopüi.”

EZEKEL 25:17

Kue hwom to oziamale jao zothupüi ilaxle okho anguile jannong alüiüi.”

JEREMIA 46:21

She-e shakle apüikya süpahibu ngaxchu chingcha ashukle maihusa tuita ningle. Hwom a zan tunthoma chiajong ilaxle chiazan; hwom pangwüi tok ahole zikle pao. Hwom max angkya nyix-hi-hanpak nguidaoa, hwom amüt angkya tunu-wansa a.

JEREMIA 16:18

Hwom ang kue hwom ochax hia chichangchizangle tüikya tsang othom anyie nüile thom ang tomüi, chemthüikoxle khüzün chemchu chitüikya mang thatha chapabu makhange ku haxtok akhu ang tomdaoa, ilaxle ija haxtok ma hwom othai baozangbue awang ang tomdaoa.”

JEREMIA 11:23

Anathoth angkya khünaknu hato thama ahüi angkya kue lyet-hantyale changdaoa, ilaxle ija hanpak nguile hüikya zuma, hwom tuita chu azang ang münkop.”

JEREMIA 8:11

Hwome ku khünaknu angkya makthünbu a muakya büizüikya ang laxle. Müimüi-zangngaile chitüikya khato ‘Pangwüi müimüi-zangngaile tüile’, le hwome thüitüi.

JEREMIA 6:14

Hwome ku khünaknu janthün a muale büizüikya man ningle ahole. Chemli chu müile chitüikya tuke, hwome pangwüi müile tüile le thüile.

ISAIA 44:25

Füichi hanpak ajekyabu kue ongat ang achangpu ilaxle lyettex-hantyale akaxkyabu tsingpabu mongsam ang tompu. Jepabu kax kue oba-okha ang achangpu ilaxle hwom hwon-je a ongat changpule ahopu.

ISAIA 34:8

Ija a Jowanpae Zaion khosünle kopüi ilaxle she zanpabu to jannong alüile chang angkya hanpak changle.

ISAIA 26:11

Nang zanpabue nange hwom to sikangün angkya le müntik. Jowanpa, hwom ang zak akopkox ilaxle sikngün ang tomkox; nange hwom hanpak ang achwonle thomkya zothup ma hwom sikngün ang tomkox. Hwom hama nange nang khünaknu to chemtukux mongünpuix ahokox.

JEREMIA 23:13

Samaria angkya ajebu ochax kue ngündaoa: hwome Bal mün ma akaxdaoa ilaxle ku khünaknu ochei lom to dyenle paodaoa.

JEREMIA 25:14

Babilon noke chem mokdaopuix ija pangwüi kue hwom hato achatle koxüi, ilaxle mama jat-libu tamchu chongkya-chongkya wanghombue hwom a da ang laxüi.’”

EZEKEL 9:10

Ikoxlechu kue hwom to chingchakya müntüiüi; hwome mix to chemle hwondaopuix ija ningle kue hwom to hwonüi.”

HOSIA 8:13

Hwome ku ang töbu koxle ilaxle ikha angkya omüi saxle. Ikoxle, Jowanpa, ku ang hwom füi mong münmüi. Athaxpi kue hwom ochax texle ataküi ilaxle ija khoma hwom ang sikngün faüi; kue hwom Ijip nok to chat ang tomüi!

HOSIA 14:1

Hünzom Israel khünaknu, Jowanpa hünzom Zang hato chat-hüi. Hünzome ochaxe hünzom asua ang tamchu ati ang tomle.

HOSIA 5:9

Sikngün kop angkya hanpak hüile ngole, ilaxle Israel a maxüi. Israel khünaknu, ija a changtomtaüi!