HOSIA 9:6 - OTSAO BAIBEL (BSI)

⁶ Chemtue thama hüipuix ilaxle khünaknu afale paopuix, Ijip noke hwom ta ma asoxüi: ija a Memfi ma mang akhün angkya hanpakma changüi! Hwom tuina khopjanbu hia noxta hwom hom-hax zailaxle tüikya haxtokbu ma hingzang hia hux nyemle tüiüi.

HOSIA 9:6 ပူးပေါင်းရင်းမြစ်များ

HOSIA 10:8

Awen angkya haxhua ma zaile tüikya baozang to shwomkya otsao nui, ojongkha ma Israel khünakbue chapabu to shwompuix, ija a amaüi. Hwom tö-tsap ding ma hingzang hia kongbüi-zu nyemüi. Khünaknue haxnubu nyaklaxle: “Kwom khomhüi!” tamchu haxhuabu nyaklaxle “Kwom to chwop-hüi!”, le thüiüi.

ISAIA 5:6

Ija khama hingzang wüi naxnyemkox. Kue ozubu sexle münchang chichangba haxkhutle akhixle münchang; itülüi kue ija to kongbüi hia huxbue awangle chang ang tomüi. Kue ija ding to zangwat angkya zangfwom münabax.”

HOSIA 9:3

Israel khünaknu a Jowanpa haxtok ma münngoüi, ikoxle Ijip nok to chatle chat angkya hüiüi ilaxle taxsax lükya süt Asiria nok to sax angkya hüiüi.

HOSIA 8:13

Hwome ku ang töbu koxle ilaxle ikha angkya omüi saxle. Ikoxle, Jowanpa, ku ang hwom füi mong münmüi. Athaxpi kue hwom ochax texle ataküi ilaxle ija khoma hwom ang sikngün faüi; kue hwom Ijip nok to chat ang tomüi!

HOSIA 7:16

Hwome tsak-zong chemchu chitüikya baozang hato paoüima ku hato tok ahokya chizak. Hwom a mongong thom ang chimüile chitangkya san ningle changle. Chemthüikoxle hwom lompabue mongngam füi zangwün, hwom a alün-aloxkya ma ziüi, ilaxle Ijip noke hwom cha nyiüi.”

ISAIA 7:23

“Chemtue ija hanpak nguile hüiüihex, müikya grep haxtokbu, hajat makhange ozu tüikyabu ilaxle khop ngunkhix hajat pong tha tüikyabu pangwüi, kongbüi-zu hia hux püne limle changdaoüi.

HOSIA 11:11

Hwom a Ijip tokya nguiüi, osa pik ma pile, ilaxle Asiria tokya, osubu lailaile. Kue hwom, hwom hom to tamchatle apüiüi. Ija a, Jowanpa, kue akaxdaoa.”

HOSIA 7:13

“Hwom a maxdaoa! Hwome ku toxdaoa ilaxle ku zongto zan ang changdaoa. Hwom a amütüi. Kue hwom azünse le texhupu, ikoxlechu ku to hwome shwomkya thaile ngo.

ISAIA 34:13

Chongwang homlo hia long katuk füi swonle tüikya tingnu pangkha to hux hia kongbüibu nyemle changüi, ilaxle ikhato hijan hia shwonbu ngoüi.

ISAIA 32:13

ilaxle hux pün hia kongbüi zubu ku khünaknu haxtok ma nyemle ngole. Hünzom mongmüi atungle ngokya hom-hax pangwüi tamchu khüzüne awangle tüikya tingnu tuita hanpakma.

ISAIA 27:12

Ija nyix, Eufrat makhange Ijip nok longzipong alople, Jowanpae tuita füima tuitale chix khünaknu süile asoxüi; ija a owawae otsa hia wonglai saxtsang süikya ningle changüi.

ISAIA 19:13

Zoün hia Memfi angkya lompabu a ongatbu changle. Hwome jat-li lom azuisepa ikoxle hwome ija othai lom to mix azuile.

ISAIA 11:11

Chemtue ija nyix nguile hüiüihex, Jowanpa-e chix tsak-zong tamchatle twonüi ilaxle chix khünaknu opang Asiria nok hia Ijip nok, Pathros, Etheopia Elam, Babilon, tamchu Hamath ibu haxtok to tüikyabu, ilaxle tinu kax achole tüikya hia shuazo to ngole tüikyabu, ibu pangwüi ma chaxwan lomle chat ang tomüi.

WANWÜNKAX 24:31

Ibu a kongbüi-zu hia hingzange alum laxle tüile. Ibu akhople zaile tüikya long katuk komkaile nguakdaoa.

MÜNCHUAK-TSAI 107:34

Chixe haxzao füikya haxtok chilaxli hun haxtok ang achang; ija a ija haxtok ma ngokyabu chichangchizangle tüikya khoma changle.

2 WANGHOMBU 13:7

Mankho ma azankya süpahibu 50, man-kanlin 10, ilaxle cha ma azankya süpahi 10, 000--ibobo ma Jehu ang chang-pax füikya süpahi ota chitox, chemthüikoxle Siria nok wanghome pangwüi amüt ilaxle haxbu ang achangle nakle akhix.

1 SAMUEL 13:6

Ifüima hwome Israel nok to za-adünle single hüi, ikhoma Israel nokbu khosam ashukle ban ma thom. Israel nok züizüi longlua hia tswomkha chichangba longnuk hia thapshua tamchu tüküi, ibu ningkya khato azwonle ngo;

JEREMIA 2:16

Changle, Memfi hia Tahpanhes khünakbue chix khangza thuple akangdaoa.

JEREMIA 42:22

Idaile hünzome ija mong ma koplax: hünzom a hünzom kalaxle ngokya haxtok to ochax-ozan chichangba woknuak-tilan chichangba okak-olak, ibu chak ma ziüi.”

JEREMIA 44:1

Ijip nok ma, Migdol tingnu, Tahpanhes tingnu hia Memfi tingnu, ibu ma ngole tüikya tamchu hwom haxtok shuathong chito ngole tüikya Israel khünaknu hato kaxho fa angkya Jowanpae ku füi akax.

JEREMIA 46:14

“Ijip nok tinglongbu to ija apukle changkox, Migdol ma, Memfi ma, ilaxle Tahpanhes ma apuk-kox: ‘Hünzom ma kho awa ang achwonle ngolax; hünzom ma atüitüi komle zan ma amütüi changa!

JEREMIA 46:19

Zanda ang koplaxle pao angkya achwonle ngolax, hünzom Ijip nokbu a! Memfi a tuita sak-hax ang achangüi, owachu chingole pünle amakya nui a.

EZEKEL 30:13

Jowanpa Khüthak Zang-e thüile: “Memfi angkya chapabu hia baozangbu kue amütüi. Ijip nok ma apün-awang angkya mix owachu müntüiüi, ilaxle kue khünaknu pangwüi chabüt-lasünle chang ang tomüi.

EZEKEL 30:16

Kue Ijip nok to wün langüi, ilaxle Pelusiam a khosam ashukle ngoüi. Thebe tingnu katukbu atsunüi, ilaxle tingnu ma tinu-mualyem le chang ang tomüi.

HOSIA 2:6

She tsyenle thom angkya hanpakma kue hux pün füi tsawat azün ilaxle katuk swon angkya changle.

HOSIA 7:11

Ongat jua-osa ningle Israel khünak chazangle aham; pongwang ma hwom khünakbue Ijip nok fonghüile se, ifüima hwom Asiria nok hato zik!

ZEFANIA 1:11

Thalex-juatai khünakbu komkaile zile paokya khoma akhongkya hia sop-juakya zing, hünzom tingnu ma shuathong chikao ma ngokya thome chemtue atatle laxüihex;

LIWI 26:33

Kue hünzom khato zan lai ang tomüi ilaxle hünzom a mixnok chaxwan tünok-tünok to sam ang tomüi. Hünzom haxtok a hopu chitüikya hax ang dantoxüi ilaxle hünzom tingnubu a bakle amaüi.

JEREMIA 44:12

Ota toxkya tamchu Ijip nok to kale ngo angkya mongzang wünlaxle ngokya Judah khünaknu, kue hünzom pangwüi amüt tsuakchale huüi. Hwom pangwüi, chongkya chu hixkya chu, ochax-zan ma chichangba woknuak ma Ijip nok to ziüi. Mikngün ma hwom a za-adünle changüi; khünaknue hwom chanyile changüi ilaxle hwom mün a othuak-ozom lom to lünüi.

JEREMIA 44:13

Chemle kue Jerusalem to sikangünpuix, ija lailaile Ijip to ngokya khünakbu to kue ochax-ozan, woknuak-tilan, ilaxle okak-olak, ibu füi sikangünüi.