HOSIA 8:8 - OTSAO BAIBEL (BSI)

⁸ Israel chuwüi mixjat-mixli lailaile changdaoa ilaxle ija a ashixdaokya tikkux tuita ningle laxli chitüile changdaoa.

HOSIA 8:8 ပူးပေါင်းရင်းမြစ်များ

JEREMIA 22:28

Kue thüipu: “Wanghompa Jehoiakin a tuita ashix daokya tamchu owaechu chilaxle awüt daokya tikkux tuita ningle changdao pia? Ija khokho ma chix tamchu chixsu chixsa hwom pangwüi hwome awanle chingokya haxtok to zanda ang pao pia?”

JEREMIA 51:34

Babilon nok wanghompa-e Jerusalem hütle lang ilaxle ija saxle awüt. Tikkux tuita ahuakya ningle chixe tingnu ahuale dan; baoma tuita ningle chixe ija jokle ling. Chix mong atsutsu chixe laxle pao ilaxle mamabu a tswonle awüt.

ROM NOK HATO ZAKYA POL LAIZA 9:22

Zange mokkyachu ija lailaile changpu. Chixe chix mongtsik aho ilaxle ma tsakzong awan ang koxse thüt. Amüt ang achwonle thomkya chix mongtsik pebu füi adu angkya chix monglo.

EZEKEL 36:3

“Aje-kox, ilaxle ku, Jowanpa Khüthak Zang-e akaxkya kax ija tsingang tomkox: Chemtue tomzi nokbue Israel haxnubu hwople koplaxle amale changpuix, noknusae Israel nok wanjaile chang.

MANGSOP 2:16

Nang zanpa pangwüie nang wanjaile ilaxle nang to nushix dongle hule. Hwome tun apexle ajao: “Keme ija ama tsuakdaoa! Anyix ija a keme tanle hungokya hanpak changle!”

MANGSOP 2:5

Zanpa tuita ningle, Jowanpa-e Israel nok amütdaoa; Chixe she zanhunui hia chongwang homlobu ama toxdaoa. Chixe Judah angkya khünaknu hato chiashuk toxkya mongma ahüidaoa.

MANGSOP 2:2

Judah angkya tingkhua pangnu Jowanpa-e chingchingchichale amütdaoa Ilaxle haxtok khosele ngokya zanhunui pünle adütdaoa. Chixe wangting hia ija apünle ngokyabu hato thünkhux-thajao apüidaoa.

JEREMIA 50:17

Jowanpae thüi: “Israel khünaknu a, mailangbue achuale asamkya chunbu ningle changpu. Pongwang ma hwom to Asiria chongwangpae singpu, ilaxle Babilon nok wanghompa Nebukadnezar-e hwom za jao shaole akhixpu.

JEREMIA 48:38

Moab nok pangnu homkho to tamchu tingkhua fa to mangsopkya boma chemchu müntüi, chemthüikoxle Moab a kue, owaechu laxse chitsukya tikkux ashixkya ningle ashix daokoxa.

ISAIA 30:14

Hünzom a hax tikkux ningle komkaile ashixle, ija füi wünhandix okham tuita tswonle lax ang chitüile akhix paoüi, chichangba ti tik angkya ti khole alai ang okhao tuita chitoxle akhixüi.”

2 WANGHOMBU 18:11

Asiria nok chongwangpae Israel khünakbu Asiria nok to zanda ang koplaxle pao, ilaxle hwom züizüi Halah tingnu ma ngo ang tom, züizüi a Gozan haxsüt ma tüikya Habor Shuanu zui ma anok ang tom, ilaxle mamabu a Medi nok angkya tingnubu ma ngo ang tom.

TSAITONG-KAXTONG 28:64

“Haxtua-zangnam kaochi makhange kaochi kople, chaxwannu okhui apongle, Jowanpae hünzom pangnu jat-libu khato chiakle asamüi.

TSAITONG-KAXTONG 28:25

“Jowanpae zanbu ang hünzom to lüt ang tomüi. Hünzome hwom to lomkua tuita makhange singüi, ikoxle hwom thoto hünzom pangnu chito afale paoüi, ilaxle hünzom to ile changkyabu ngünlaxle chaxwannu khünaknu nok wüi abütüi.

LIWI 26:33

Kue hünzom khato zan lai ang tomüi ilaxle hünzom a mixnok chaxwan tünok-tünok to sam ang tomüi. Hünzom haxtok a hopu chitüikya hax ang dantoxüi ilaxle hünzom tingnubu a bakle amaüi.

JEREMIA 25:34

Soplax, hünzom lompabu, hünzom ku chunnyetmixbu, akhongle soplax! Mangsoplax ilaxle hax to atüilax. Hünzom hato dinghüt-khosom angkya hanpak nguile hüile, ilaxle hünzom a chunla müi tsoppupule tsopüi.

MANGSOP 5:2

Kwom tuinabu a mixnokpa chak to tüile; kwom haxtok ma ngole tüikya mixnokpa chak to a.

MANGSOP 4:2

Zaion angkya naozün thom kem zongto hun büta thalix changkya dai, ikoxle athax ibu a zangjang haxtikbu tha ang changdaoa.