HOSIA 8:4 - OTSAO BAIBEL (BSI)

⁴ “Ku khünaknue wanghombu kamle, ikoxle ija hwome hwom mongtextex ma mokle. Hwome lompabu zünle, ikoxlechu ku ma chitik toxle mokle. Hwome hwom ma tüikya khop-jan hia hun, ibu füi chapabu zingle: ija a hwom mik max angkya hanpakma changpu.

HOSIA 8:4 ပူးပေါင်းရင်းမြစ်များ

HOSIA 13:2

Hwome khop-jan füi, shwom angkya hanpakma, khünak mong ma ajang laxle, khünak chak füi chapabu zingle, chizakle hwome ochax lyen ngole. Ifüima hwome akaxle: “Ibu ang tö apüile laxkox!” Maihupong ningle zinglaxle tüikya chapa ibu to noknusae tun chemle apongüidai!

HOSIA 2:8

She-e she ang saxziak, grepti-ju, olip münga, ilaxle she-e Bal baozang to shwom ang twonkya khop-jan hia hun, ibu pangwüi kue koxpule otuechu chiawan.

1 WANGHOMBU 16:31

Jeroboam ningle achaxkya chix zongto ojao chingui; chix a ito kaile paolaxle Jezebel chix kako ang lax. Jezebel a Sidon nok wanghompa Ethbal sacha achangkya. She füi kako tan ilaxle Ahap-e Bal chuwüi shwom.

GALATIA 4:9

Kue thüipu, athax a hünzome Zang tsingle hüi tamchu Zange hünzom tsingle lax, jangchangba ibu zong chitüikya hia chilaxli chasabu hato chatse le chemle tsu? Chatlechu wüi hünzome büthüikya to hwom da ang achangle ngose tsupu?

JUHAN 10:14

Chun-nyetmix Amüikya a Ku changpu; chemle Apae ku awan tamchu kue chix awanpuix,

1 WANGHOMBU 12:28

Chixe Ibibile ajangle tsuakkya füima, chixe hun makhange maihupongsa anyi zing ilaxle chix khünaknu ang thüi: “Hünzom a zangshwom ang Jerusalem to müimamale tsailo to ka ngole. Israel khünaknu, Ijip nok tokya hünzom alaile apüikya baozangbu ikhama tüile, hulax!”

KAXHO MÜIKYA LUK 13:27

Ikoxle chatlechu chixe thüiüi, ‘Hünzom ojong tokya nguipuix kue münawan. Hünzom chichang-chizangkyabu, Ku ha angkya paoün!’

KAXHO MÜIKYA LUK 13:25

Hom hopupa zoüi ilaxle ka haküi; ifüima homthoma ajong laxle kahak to hongle, ‘Kwom ang ka daple koxhüi, O, Opunu’ le nyak kya zuma chixe hünzom kax to lanüi: ‘Hünzom ojong tokya hüipuix kue münawan!’

MATHI 25:12

Ikoxle tuipae lanle thüi: ‘Otsingtsingma kue hünzom opang changkya hex müntsing.’”

EZEKEL 18:31

Hünzome mokle ngokya ochax pangwüi danle toxdao, ilaxle hünzom ma künzün-mongzün donglax. Hünzom Israel nok zise büthüikoxle tsupu?

1 WANGHOMBU 13:34

Ija ochaxe chix hato tamchu chix wangting hato olithule otam amüt angkya thama ahüi.

JEREMIA 16:20

Khünaknue ma baozangbu alüile zingle lax ang tsuak ang chami? Müntsuak! Hwome zingle jangchang thünchu ibu a baozangbu tsingtsing münchangüi.”

DANEL 3:1

Wanghompa Nebukadnezar-e hun makhange chapa chongkya tuita zingle alai. Ija chapa fit ma pulibün tsuale, ilaxle okhao ma fit aku khaole tüikya. Chixe ija chapa, Babilon haxsüt angkya Dura haxsha ma küile ajong.

HOSIA 8:3

chem müipuix ija hwome awütdaoa. Ija khokho ma hwom zanpabue hwom to achua angkya changle.

HOSIA 13:1

Thochi ma, chemtue Efraim e zangwünle changpuix, ipongma mama Israel homjenbu a tüle za; hwome Efraim to angakle hu. Ikoxlechu khünaknue Bal to shwomlaxle ochax lyen, ilaxle ija khoma hwom a ziüi.

HOSIA 13:11

Kue hünzom ang wanghombu ku mongtsik füi koxpu, ilaxle ku küntsik-mongma füi kue hwom tswonle paopu.