HOSIA 8:1 - OTSAO BAIBEL (BSI)

¹ Jowanpae thüi: “Tinglyet kox! Ola jukya ningle zan-nokbu ku haxtok to jule ngole! Ku khünakbue hwom füi tsaokya ku tsaotsüt amadaoa ilaxle ku hwon-nwot zongto zan ang changdaoa.

HOSIA 8:1 ပူးပေါင်းရင်းမြစ်များ

HOSIA 6:7

“Ikoxlechu hwom Adam ma, ija haxtok to nguikya füi tomle hwome ku füi zingle thomkya tsaotsüt ama.

TSAITONG-KAXTONG 28:49

Jowanpae hünzom füi azan ang haxtua-zangnam tokya jat-li tuita apüiüi, ija a hünzome hwom kax-ngao ojao chitsingkya jat-li tuita. Hwome hünzom to olae o to shingpupule shingüi.

HOSIA 5:8

Gibeah ma zankhong nyazong mütkox! Ramah ma khong tinglyetkox! Bethawen ma zankat sungdünle changkox: Benjamin khünakbu, zan to ka ang a!

JEREMIA 4:13

Hulax, zanpa a zangfwombu lailaile hüile ngole. Hwom man-kanlinbu a shangflo ningle, ilaxle hwom manbu a ola füi ngaxchu süzikle. Kem a samdaoa! Kem a maxdaoa!

HABAKUK 1:8

“Hwom manbu a mailangbu füi ngaxchu sümomle, howok anole ngokya shwon füi ngaxchu za-adünle. Hwom mankho ma azankya süpahi othom tsailo nok tokhange mankho ma nguile; hwom manbue haxkha nakle akhixle. Zangshop laxle olae o to shingkya ningle hwom zikle nguile.

1 KORIN 15:52

lebama wüi kem pangnu lüiüi. Chemthüikoxle nyazong mütle angaokya zuma, chatle tam chizi angkya hanpakma, zidaokyabu chatle azangle zo ang koxüi, ilaxle kem pangnu wüi lüiüi.

MATHI 24:28

Müimang atüitüi khato okun kang afoxpu.

ZEKARIA 11:1

Hünzom kabu dapkox, Lebanon, hünzom sedar pünbu wün füi shunle naxchang ang!

ZEKARIA 9:14

Chix khünaknu tunthoma Jowanpa ngaiüi; zangchangjep lailaile chixe chix sanbu haple apaoüi. Jowanpa Khüthak Zang-e nyazong mütle azingüi; shuathongchi makhange chix zangchei-zangwat ma zan to kaüi.

ZEFANIA 1:16

süpahibue ziakople thomkya tingnubu hia dingkho to zaile tüikya zanhunuibu to sing akhongkya chax-hi-zan zinge awangle azingkya nyix ang changüi.

AMOS 9:1

Kue tö-tsap zui ma Jowanpa ajongle ngokya ngün. Chixe kaxtom kox: “Zangshwom-Hom homkho ma zongbakle hongle homting to lün le alox ang laxkox. Ibu akhixle changkox ilaxle ibu a khünaknu ding to düt ang laxkox. Khünak mamabu a kue zanhok ma amütüi. Owachu paole azang ang müntom.

AMOS 8:3

Ija nyix wanghom hom ma ngaokya tsai a mangsop tsai ang changüi. Pangnu khato wüi khünak mangbu tüiüi. Ibu a dangjajakya.” Khato tswonle awütüi.

AMOS 3:6

Khünaknu chaza ang chitomle tingnu ma zan-khong nyazong mütle chang ang chami? Jowanpae ahüile lüwüi chichang, tingnu tuitae kaknu-laknu thama apongle chang ang chami?

JOEL 2:1

Nyazong mütkox; khünak mong asa ang Zang otsao haxnu, Zaion haxkho to. Abünlax, Judah angkya khünaknu! Jowanpa Hanpak-zanghan chwonle nguingole.

HOSIA 9:15

Jowanpae thüi: “Hwom ochax mwot pangwüi Gilgal ma owang wangle. Kue hwom to miktsak owang wangkya ikhama changpu. Ilaxle hwome mokdaokya ochax mwot khoma, ija haxtok angkya kue hwom jwonle apaoüi. Kue athax otuechu hwom to mongkünle münchang; hwom lompabu pangwüi ku zongto zan ang achangdaoa.

HOSIA 4:6

Hwome ku ang ku le chinyakkya khoma ku khünaknu a maxdaoa. Hünzom nguapabuechu ku mün laxsele chitsu ilaxle ku hwon-nwot jaono awütle chang, ikhoma kue chu hünzom chilaxle awütdaoa tamchu hünzom su-sabu a ku nguapabu changpule kue e-ma münlax.

EZEKEL 16:59

Jowanpa Khüthak Zang-e thüile: “Nange chem kopse hex ile kue nang to hwonüi, chemthüikoxle nang kaxtsaobu ahai ilaxle tsaotsüt ama.

EZEKEL 7:14

Nyazongbu müt, ilaxle pangnusa achwonle changüi. Ikoxle owachu zan to chikaüi, chemthüikoxle Zang mongtsik noknusa hato tomwüi nguile tüikoxle.

JEREMIA 51:27

“Sing angkya mowan laxkox! Chaxwannu noke atatle nyazong mütkox! Chaxwannu nok Babilon füi azan ang achwonlax! Ararat, Minni, hia Ashkenaz wangtingbu füi sing angkya kax laxkox. Ija zansing lom azüi angkya lompa kamkox. Naxnu-naxlangbu ningle manbu apüikox.

JEREMIA 48:40

Ozang pünlaxle olae shingkya ningle onok tuitae Moab to shing angkya Jowanpae tsaodaoa,

JEREMIA 31:32

Ija tsaotsüt a, kue hwom pupa hwom chak makhange linle Ijip tokya alai pongma thomkya ozang tsaotsüt ningle münchangüi. Hwom zongto ku tuita kakopa ningle changbachu, hwome ija tsaotsüt chithom.

JEREMIA 6:1

Benjamin khünakbu, ma khangkhom ang paolax! Jerusalem angkya paole azanglax! Tekoa ma nyazong mütle angaokox ilaxle Beth Hakarem ma münwan ahole wüntakkox. Thama hia olithu angkya shuakux chitokhange nguingole.

JEREMIA 4:5

Haxtok awangle nyazong mütkox! Tsingshole akhong-akhakox! Judah hia Jerusalem angkya khünaknu füi akaxkox ziakop laxle thomkya tingnu to pao angkya bama.

ISAIA 58:1

Jowanpae thüi: “Tsuakkya pongle hünzom akhong kox! Ku khünaknu Israel nok hama hwom ochaxbu apuale laxkox!

ISAIA 24:5

Zang wanlombu hia jento ngo angkya hanpakmale zingkya chix kaxtsao amakya tokhange khünaknue chaxwannu oma ang achangle awüt.

ISAIA 18:3

Apakoplax, zangfang ma ngokya pangnusa! Haxnukho to münwan ahole nyiluak tuita ajongle apikkya to hungalax! Nyazong mütkya zing to natha ngolax!

2 WANGHOMBU 18:27

Chixe lan: “Hünzom tamchu wanghompa tata hama ibu akax angkya hanpakmale chongwangpae ku ikhato akatpuixle hünzome thütdaicha? Ile münchang, ikoxle kue zünkho to ngokya khünaknu füichu akax ngopu, hünzom lailaile hwome chuwüi hwom fao sax ilaxle hwom hip lingle chang angkya changle.”

JOEL 2:15

Zaion Haxnu ma nyazong mütkox; chisax-chilingle zangjop angkya kaxtom koxle khünaknu tusüi ang tomkox!

JEREMIA 34:18

Judah hia Jerusalem angkya alixachongbu, wanghom homlo angkya okax-okhobu, zompu-zangpabu, ilaxle lompa hwom pangnu, ibu füi tomle, maihupong anyi langlaxle anyi ang achangle asexle thomkya anyi oba makhange le le ku füi tsaosax. Ikoxle hwome ija tsaosüt ama ilaxle ija wanlom chithom. Ikhoma hwome maihupong to chemle hwonpuix ija lailaile kue hwom to hwon angkya changle.

JEREMIA 49:22

Hozang pünlaxle ola jukya ningle zan-noke Bozrah to singüi. Ija nyix Edom nok süpahibu a sheko tuita nao ngün pongma abankya ningle abüt-abanüi.”

EZEKEL 17:3

Jowanpa Khüthak Zang, kue hwom füi akax ngokya ija kax awanle lax ang tomkox: Lawang chongkya tuita okui müi wüi müile tamchu ozang tüpong khaole pünle tüikya. Ija Lebanon Haxnukho to pi ilaxle sedar pünnu kho apak.

EZEKEL 11:4

Athax a, ziün angkya khünak, ibu dantox dao.”