HOSIA 7:2 - OTSAO BAIBEL (BSI)

² Ibu ochax kue mong ma kople thom angkya le hwon khangka ma ojao chiale; ikoxle hwom ochaxe hwom to akanle kop, ilaxle ibu chingünle kue tsiaktox ang chitsuak.”

HOSIA 7:2 ပူးပေါင်းရင်းမြစ်များ

KAXHO MÜIKYA LUK 12:2

Ikoxchutix otok to chilaitsuak angkya lima chemchu akhuple münthomüi; üntoxle awan ang chitsuak kya lima chemchu pyenle münthomüi;

MÜNCHUAK-TSAI 90:8

Kwom huxsa ochaxbu nang ngün ang tsuakkya li ma, nange kwom ochaxbu nang pomtho ma dan.

AMOS 8:7

Jowanpa, Israel nok Zang-e tsaodaoa: “Kue hwom ochax mwot ibu otuechu alakle awüt ang müntho.

JEREMIA 14:10

Jowanpae ibu khünakbu bama akax: “Ku ha angkya zikle paokya to hwome luale, ilaxle hwome alüile ma akum-athumle münchangüi. Ikhoma ku ang hwom füi mong münmüi. Hwome mokdaokya thaikya mwotbu kue akhax thomüi ilaxle hwom ochaxbu khoma hwom to sikangünüi.”

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

IBRI 4:13

Zang pomtho ma pyenle thomtho angkya chemchu müntüi; zingkya oli pangwüi chix miksho ma alaile hia ngaitho le tüile. Üntoxle kem pange wüi ma bama akiak-azyakkya chix ang kox angkya changpu.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

HOSIA 9:9

Hwome mokkya ochax ma hwom a laxli chitüile chichang-chizangle Gibeah ma mokdaokya ningle chang. Zang-e hwom ochaxbu texle ataküi ilaxle ija khoma hwom to sikangünüi.

JEREMIA 32:19

Nange je füi mwottho zing ilaxle chongkya-chongkya mwotbu mokpu; khünaknue mokkya oli pangwüi nang ngünpu, ilaxle nange hwom ang hwom mwot füifüile hingho fapu.

JEREMIA 16:17

Hwome mokle ngokya pangwüi kue ngünle ngopu. Ku miktho angkya hwom owaechu pyenle münthom; hwom ochaxbu a ku thoto pyen ang müntho.

JEREMIA 4:18

Nang ngokya zanglao hia nange mokle hüikya mwotbu makhange Judah nange ija nange alüile nang hato apüilaxpu. Nang ochaxbu makhange ija thangnak apong ang tomlaxpu; ijae nang mongtsang apatle tsundaoa.

ISAIA 5:12

Hünzom pwonle le changpongma, hünzom waxmai, khopsya hia thuaput, ibu füi ju kop. Ikoxlechu Jowanpae chempang moktüipuix hünzome müntik,

MÜNCHUAK-TSAI 25:7

Naosün pongkya ku ochax hia ku thaidaokyabu thailak tüihüi. Chizakkya nang mongkün hia nang müikya füi, ku texle atak hüi, Jowanpa!

MÜNCHUAK-TSAI 9:16

Chix otsao kaxfün makhange Jowanpa chix sukya ngaile ahodaoa, üntoxle chichang-chizangkyabu a hwom mwot mawüi alüile mandaoa. Selah

HOSIA 8:13

Hwome ku ang töbu koxle ilaxle ikha angkya omüi saxle. Ikoxle, Jowanpa, ku ang hwom füi mong münmüi. Athaxpi kue hwom ochax texle ataküi ilaxle ija khoma hwom ang sikngün faüi; kue hwom Ijip nok to chat ang tomüi!

ISAIA 1:3

Maihubue hwom hopunubu awanle, ilaxle mantsakbue hwom hopunubue fumtsüt ang ojongto paopuix ija awanle. Ija a ku khünaknu Israel noke ku tsingkya thak changle. Ibue ojaojao müntsing.”

MÜNCHUAK-TSAI 50:22

“Ija kax apa koplax, hünzom ku ahaile changkyabu, chichangba kue hünzom oli thuüi, ilaxle hünzom khose angkya owachu chitüiüi.

JOB LAIPEX 34:21

Khünak chikap pangwüi to chixe khile hule.

TSAITONG-KAXTONG 32:29

Hwom to büthüikoxle lütpuixle hwome chingüntsuak; chempangle changpuix hwome ojao chitsing.

HUAKE LAIPEX 32:23

Ikoxle hünzome ija hünzom kaxtsao chithom thüiningle, kue hünzom ang kaxkhün fapu, hünzome Jowanpa zongto ochax lyenle changüi, hulax. Ija bama hünzom thaile taxkopünlax; hünzom ochax khoma hünzome sikngün apong angkya laiüia.

ISAIA 44:19

Chapa zingmixbu ang künju-mongjang zukya chemchu müntüi chichangba “Züizüi pün kue zokle ashunle. Kue wünhan dingma an hidaole atsanpu ilaxle kue müi ako üntoxle ija saxpu. Ilaxle mama ota tüikya pünbu kue chapabu ang zingpu. Ikhama ku püntho tuita tunthoma akhuxle ngopu!”, le thüi angkya je müntüi.

ISAIA 26:16

Nange nang khünaknu to sikangün, Jowanpa, ilaxle fuxtsüi chifün tokhange hwome nang to jop.

JEREMIA 17:1

Jowanpae akax: “Judah angkya khünaknu, hünzom ochax a jan zatkia füi zadaoa; ilaxle ija a hünzom künkha-mongkha ma thalix long jun füi takle zadaoa ilaxle nang tö-tsapbu angkya müizongbu ma ija saosa füi takle zadaoa.

JEREMIA 44:21

“Hünzome tamchu hünpu hünpa hwome, hünzom wanghom hwom hia lompabue tamchu khünaknue Judah tinglongbu hia Jerusalem tingjang lomnu to töbu koxkya: ibu a Jowanpae awanle münngo tamchu alakle awütdaoale hünzome thütdaicha?

HOSIA 4:9

Khünaknu füi tomwüile hünzomechu sikngün apongkya tüiüi! Kue hünzom to sikngün ang tomüi ilaxle hünzome achax daokya tsangthomle chang ang tomüi.

HOSIA 9:15

Jowanpae thüi: “Hwom ochax mwot pangwüi Gilgal ma owang wangle. Kue hwom to miktsak owang wangkya ikhama changpu. Ilaxle hwome mokdaokya ochax mwot khoma, ija haxtok angkya kue hwom jwonle apaoüi. Kue athax otuechu hwom to mongkünle münchang; hwom lompabu pangwüi ku zongto zan ang achangdaoa.

HOSIA 12:2

Jowanpae Judah angkya khünaknu zongtochu tsaitox-kaxfe angkya tüile; hwom khünaknue mokkya mwot khoma chixe Israel tochu sikangün angkya changle. Hwome chem mokdaopuix ija olüix hwom to khom angkya changle.

JONA 1:2

Chixe thüi: “Ija chongkya tingnu Ninewi to paokox ilaxle ija füi akaxkox; ikha angkya khünakbu chemtukuxle chichang-chizangkyabu hex kue tikle ngole.”

MÜNCHUAK-TSAI 10:11

Chichangchizangkya khünakbue hwom mongto zangwünle thüi: “Zang-e chemmünthüi! Chixe chix mik achik thomdaoa, chixe ku tamngünüi münchang!”

EZEKEL 21:29

Hünzome ngünkya mikngün-ohünbu a othai changpu, ilaxle hünzome ajele thomkyabu a othai. Hünzom a chichang-chizangkya tamchu ochax khünakbu, ilaxle hünzom hanpak nguile hüile, hünzome oshuk sikngün apong angkya hanpak a. Changlo a hünzom dingkux ma ate angkya changle.

HOSIA 6:2

Nyixnyi-zom bama wüi chixe kem künlop-monglüi ang tomüi, ilaxle kem chix füi ngoüi.