HOSIA 7:13 - OTSAO BAIBEL (BSI)

¹³ “Hwom a maxdaoa! Hwome ku toxdaoa ilaxle ku zongto zan ang changdaoa. Hwom a amütüi. Kue hwom azünse le texhupu, ikoxlechu ku to hwome shwomkya thaile ngo.

HOSIA 7:13 ပူးပေါင်းရင်းမြစ်များ

HOSIA 9:12

Hwome naosom tux-tsomle changbachu, ibu kue paoüi, tuita chu ozün ma müntoxüi. Chemtue kue ibu khünakbu chilaxle dantoxüihex, tüle khompua-atsikkya mwot hwom ma laiüi.”

HOSIA 11:12

Jowanpae thüile: “Israel khünaknue dyenlale atsekya füi ku akhople ngole, ilaxle Judah angkya khünaknue athaxkople, mongong ma chialekya hia otsao Zang füi alün-aloxle ngole.

MIKNGÜN-OHÜN 8:13

Ifüima kue hu, ikoxle dingkho to pile ngokya ola tuita akhongle ile akaxkya kue atat: “Mama kaxtaimix azome nyazongbu mütkya zuma, chaxwannu ma opang tüilaxpuix, hwom hanpakma, Maxsax! Maxsax!”

1 JUHAN 1:10

Mae ochax malyen le keme jangthüiba, keme Zange kaxthai zangwünkya ang achangpu, ilaxle chix kax kem ma müntüi.

MATHI 23:37

“O Jerusalem! O Jerusalem! Hünzome ajebu lang tamchu Zang kaxho mixbu daole lang! Onue osabu to ozang fang to ole thomkya ningle, kue nang to ku chake künle thomse le tüle texpu; ikoxchu nange ku ang ile mok ang chitom!

MIKA 6:4

Kue hünzom Ijip nok tokya alaile apüipu; kue hünzom da ang ngokya azünpu; hünzom lomzun ang kue Mosa, Arun hia Mariam hwom akatpu.

JONA 1:10

Jona-e chizakle chix a Jowanpa thoto paole ngokya mix changpule wün. Ija kax atatlaxle ikha angkya khünaknu nok za, ilaxle hwome chix ang thüi: “Ipongpongkya khomtsikya mwot ija nange chimok fang jao mokpu!”

JONA 1:3

Ikoxle Jona a Jowanpa thoto azwon ang opüi chito mix paole azang ang azong. Chix a Joppa to ngui, ikhato chixe Spain nok to ka angkya khua tuita atak. Chixe otha kox ilaxle ikha angkya khünakbu füi tomle Spain to ka ang achex. Ikhato chix a Jowanpa tuntho angkya paole azangle ngotsuaküile thüt.

HOSIA 11:2

Ikoxle kue chemtukuxle chix se-lompuix, itukuxle chixe ku hato tok aho.

HOSIA 9:17

Zag, kue owa thothale tüipuix, chixe ma khünaknu chilaxle awütüi, chemthüikoxle hwome ku kax to münapa. Hwom a mixjat-mixlibu khato samle aham ngokyabu ang achangüi.

HOSIA 7:3

Jowanpae thüile: “Khünaknue hwom huxtsing-loptsang mwotlom tokhange wanghom hia chix nguakax wangkhobu dyenle chang.

HOSIA 7:1

“Chemtue kue tamchatle ku khünaknu Israel kak-lak amüikoxse tamchu ahak-aluale tüi ang tomse tsupuix, kue ngün ang kopkya a hwom chichangchizangle tüikya hia hwome mokkya ochax mwot boma chemchu müntüi. Hwome tata dyenle; hwome homdap-pungdong le ahuxle; hwome tingjang lomnu ma khünaknu angkya papalo le lax.

EZEKEL 34:6

Ikhoma ku chunbu a haxnukhobu to samle aham. Hwom a chaxwan thünthün awangle chiakle pao, ikoxle hwom lomle atakkya mix owachu chitüi.

EZEKEL 18:25

“Ikoxle nang thüipu, ‘Zang-e chem mokpuix ija a sukya münchang.’ Ku kax to apalax, hünzom Israel nok. Kue mokkya olom münsule hünzome thütpuix nyi? Chisukya a hünzome ajangkya olom mix changpu.

EZEKEL 18:2

ilaxle thüi: “Israel haxtok ma khünaknue noxle-noxle wünkya wanwünkax ija a chem? ‘Nu-pa hwome grepbu sikya sax, Ikoxle su-sa hwom wa mix tsom.’

EZEKEL 16:23

Jowanpa Khüthak Zang-e thüile: “Nang maxdaoa! Maxdaoa! Ochax ibu pangwüi nange mokpu, ilaxle

MANGSOP 5:16

Kwom mongngamle ngokya oli chemchu danle chitox. Kwome ochax lyen, ilaxle athax kwom a maxdaoa.

JEREMIA 42:20

hünzome chimokfang othai mwot mokle ngole. Hünzome ku ma kem Jowanpa to hünzom hanpakma zangjop angkya akaxpu, ilaxle chix kaxtom pangwüi kax ma laxle tüi angkya hünzome tsaosaxpu.

JEREMIA 14:10

Jowanpae ibu khünakbu bama akax: “Ku ha angkya zikle paokya to hwome luale, ilaxle hwome alüile ma akum-athumle münchangüi. Ikhoma ku ang hwom füi mong münmüi. Hwome mokdaokya thaikya mwotbu kue akhax thomüi ilaxle hwom ochaxbu khoma hwom to sikangünüi.”

ISAIA 63:8

Jowanpae thüi: “Hwom a ku khünakbu changpu; hwome ku mündyenüi.” Ikhoma chixe hwom

ISAIA 59:13

Kwome nang zongto alünle changdaoa, nang chilaxle awütdaoa, ilaxle nang man müntopu le angam daoa. Kwome mix to afangle thom ilaxle nang hato tok aho. Kwom tutex a othai changpu; kwom zangwünbu a thaipu.

ISAIA 43:1

Israel, Jowanpa owae hünzom zingle alaipuix chixe thüile: “Ojao taxza — kue hünzom sünle kopüi. Kue hünzom a mün makhange nyakle koppu — hünzom a ku kux.

ISAIA 41:14

Jowanpae thüile: “Israel, hidaole wüi tamchu sho-naikyabu changle, ikoxlechu taxza; kue hünzom to fongüi. Ku, Israel nok otsao Zang, ku tix changle hünzom khosünkya a.

ISAIA 31:1

Ijip nok to fonghüile kakyabu a maxdaoa! Hwome Ijip nok ma tüikya süpahi tsak-zong — man, man-kanlin, hia cha makhange azankya süpahi, iningkyabu to ongle. Ikoxle hwome Israel nok otsao Zang, Jowanpa to a mün-ong chichangba chix ma asun angkya bama tikshole münchang.

MÜNCHUAK-TSAI 106:10

Hwom to miktsakkyabu chak tokya chixe hwom khosün; hwom zanpabu chak tokya chixe azün.

JOB LAIPEX 22:17

Khünak ibu a Zang chilaxle awütkyabu changle; chixe hwom to chemchu münlünthole mongchongkyabu changle.

NEHEMIA 1:10

“Jowanpa, ibu a nang dabu changle, nang khünaknu a. Nang tsak-zong chongkya füi nange hwom khosünle koppu.

TSAITONG-KAXTONG 15:15

Hünzom chuwüi Ijip nok to da ang ngodaokya Jowanpa hünzom Zang-e danpu, ikhoma anyix kue hünzom ang ija kaxtom fapu.

JEREMIA 7:15

Kue hünzom füikya mamix, Israel khünaknu chemle jwonle apaopuix ilailaile ku miksho angkya hünzom jwonle apaoüi. Ija kax ku, Jowanpae akaxdaoa.”

JEREMIA 51:9

Ikhato ngokya mixnokbue thüi: ‘Kwome Babilon nok to fong ang azongpu, ikoxle tule le bangpu. Athax ija dantox hax ilaxle ma hom to chat-hax. Chixtsak chixzong ma Jowanpae Babilon nok to sikangünle ilaxle ija olithule amütdaoa.’”

MIKA 6:12

hünzom hakpabue zasabu müimamale aduk-athang ang tomle, ilaxle hünzom pangwüi tseloplop wüi changle.

ISAIA 30:1

Jowanpae akaxdaoa: “Opange Judah nok apünle ngopuix hwom a ku füi alünle ajongkya khoma maxdaoa. Kue chizingkya mwotlom hwome tole, ilaxle ku mongtex füi apüile muamüi zangwün tsuaklaxle, ochax tuita dingma tuitale athünle.

ISAIA 30:2

Ku ma chitik homtoxle hwom a Ijip nok hato tsaitik-kaxshole chang ang pao. Hwome Ijip noke hwom khose naxchangsele thüt, ikhoma hwome Ijip wanghompa to mogong.

HOSIA 5:7

Hwome Jowanpa to mongong chithom; hwom su-sabu a chix kux münchang. Ikhoma athax a hwom tamchu hwom haxtok a chwonle amütdaoüi.