HOSIA 7:10 - OTSAO BAIBEL (BSI)

¹⁰ Hwom kaxkax ma wüi lax angkya le angamkya Israel nok mongngame hwom zongto apüile sop. Ipongpong le changle hüidaokoxle chu, Jowanpa hwom Zang, ku hato hwom chichat.

HOSIA 7:10 ပူးပေါင်းရင်းမြစ်များ

HOSIA 5:5

Israel khünaknue hwom kax-kax ma chilaxlaxba le tüikya tutexe hwom zongto apüile akhong ngole. Hwom ochax hwom asu ang tamchu ati ang tomle, ilaxle Judah angkya khünakbu chuwüi hwom füi tomtomle atile.

ISAIA 9:13

Israel khünaknu ang künlop-monglüi matüi; Jowanpa Khüthak Zang-e hwom to ipongpongle sikngün fakoxchu, hwom a chix hato machat.

ZEKARIA 1:4

Hünzome a hünpu-hünpa hwom lailaile taxchang. Ku ajebue kaitanto wüi hwom hato ku kaxho apüile, hwom ang chichangchizangle tamchu ochax tsün chingo angkya akaxpu. Ikoxle hwome ku kax chiapa tamchu ija ku kax ma chilax.

HOSIA 7:7

“Hwom mongtsik jankham ma hwome hwom lompabu langle awüt. Hwom wanghombu a ta füima tale langle awüt, ikoxlechu opupuechu asunhüile ku to chijop.”

HOSIA 6:1

Khünaknue thüi: “Athaxpi Jowanpa hato chat-hax! Chixe kem to mak-koxdaoa, ikoxlechu chixe tütakoxlechu kem kak amüile fa angkya changle; chixe kem to mak-khapu, chixe wüi kem mak to lople fa angkya changpu!

JEREMIA 3:3

Ikhokhoma zang chiwatle zak, ilaxle tümikbu ma ti fuakle chilai. Nang a tsangtsa hangkya mixcha lailaile jao ngünpu; nang ma thünzak ojao chitüi.

WANWÜNKAX 27:22

Mongkho chinguikyabu to nange zithole fitkoxchu, hwom angkya künngat-mongngui nange fitle apao ang müntho.

MÜNCHUAK-TSAI 53:2

Zangkangting tokhange Zang-e khünaknu to asongle hule, je füikya mix owawa ngax ngün angchale, chix to shwomkya mix tuita ngaxchu tütüichasile.

MÜNCHUAK-TSAI 14:2

Jowanpae khünak kem to zangkangting tokhange hule, jetüi-hwonlangkya mix owawa tütüi cha, chix to shwomkya owangax tüichale.

MÜNCHUAK-TSAI 10:4

Chichangchizangkya khünake Jowanpa bama tuitex chemchu müntüi; hwom mongngam makhange hwome thütle Zang a chem mwot mütüi.

ZEFANIA 1:6

Opange ku hato tok ahopuix ilaxle ku füito azuile chichangpuix, opang ku hato chihüipuix tamchu ku ang lom azuihüi le chithüipuix, ibu pangwüi kue amaüi.”

ISAIA 9:12

Siria a handünchi ma Filistia a hannopchi male Israel nok jok angkya hanpakma hwom wikhabu akadaoa. Ibibile changkox ngaxchu Jowanpa mongtsik mabak; athaxchu sikangün angkya hanpakma chix chak a ajong lüwüi tüile.

HOSIA 13:14

Amalum pan chak tokya kue ibu khünaknu kho münsün chichangba zikmüt-mangkho chak tokya hwom münazün. Apüihüi hünzom kaklakbue, zikmüt-mangkho a! Apüihüi hünzom thamae, amalumting a! Athax kue ibu khünaknu to chingchajajale münchang.