HOSIA 7:1 - OTSAO BAIBEL (BSI)

¹ “Chemtue kue tamchatle ku khünaknu Israel kak-lak amüikoxse tamchu ahak-aluale tüi ang tomse tsupuix, kue ngün ang kopkya a hwom chichangchizangle tüikya hia hwome mokkya ochax mwot boma chemchu müntüi. Hwome tata dyenle; hwome homdap-pungdong le ahuxle; hwome tingjang lomnu ma khünaknu angkya papalo le lax.

HOSIA 7:1 ပူးပေါင်းရင်းမြစ်များ

HOSIA 7:13

“Hwom a maxdaoa! Hwome ku toxdaoa ilaxle ku zongto zan ang changdaoa. Hwom a amütüi. Kue hwom azünse le texhupu, ikoxlechu ku to hwome shwomkya thaile ngo.

HOSIA 6:4

Ikoxlechu Jowanpae thüi: “Israel hia Judah, kue hünzom füi chem moküi? Hünzome ku to mongkünkya swomsa fwomtyen lebama paole samkya ningle; ija a swomsae wüi zuale paokya nyenti ningle.

KAXHO MÜIKYA LUK 19:42

“Nange anyixkha mongsom tüi angkya bama laxli awanle koppuix thüikoxba! Ikoxle athax nange ija ngün ang chitho!

HOSIA 4:2

Hwome tsaosaxle chang ilaxle ibu a chithom; hwom atse, mix mik amüt, ahux, ilaxle chinunchakkaile chang. Zikmüt mangkho onüi, tuita füima tuitale mikmüt mwot tsale hüi.

KAXHO MÜIKYA LUK 13:34

“Jerusalem! Jerusalem! Nange ajebu lang, nang hato Zange ahüikya kaxho mixbu longe thuple lang! Onue osabu to akhuple womkya ningle, kue nang khünaknu nok to tamle ku chake künse le texhupu; ikoxlechu hünzome ku ang ile kün ang chifa!

MATHI 23:37

“O Jerusalem! O Jerusalem! Hünzome ajebu lang tamchu Zang kaxho mixbu daole lang! Onue osabu to ozang fang to ole thomkya ningle, kue nang to ku chake künle thomse le tüle texpu; ikoxchu nange ku ang ile mok ang chitom!

MIKA 6:16

Hünzome wanghompa Omri hia sasün, wanghompa Ahap nyie mokkya ochax olom hünzome tokya khoma ija ile chang angkya changpu. Hünzome chizakle hwom mongtex olom tole hüikya khoma kue hünzom hato thama apüiüi, ilaxle pangnusae wüi hünzom a ajao-ahaile changüi. Pangnu khato wüi khünaknue.” Hünzom to ongam füi hwonüi.

AMOS 8:14

Opange Samaria angkya chapabu, Dan angkya baozang mün ma chichangba ‘Bersheba angkya baozang mün ma’ tsaosaxlaxle changpuix, hwom a nguakle paoüi ilaxle tamchatle chizole changüi.”

HOSIA 11:12

Jowanpae thüile: “Israel khünaknue dyenlale atsekya füi ku akhople ngole, ilaxle Judah angkya khünaknue athaxkople, mongong ma chialekya hia otsao Zang füi alün-aloxle ngole.

HOSIA 10:5

Samaria tingnu ma ngokya khünakbu a zaüi ilaxle hwom hun maihupong samkya bama ija mang sople changüi. Bethawen ma. Hwom ilaxle ija chapa thothale ngokya zompu-zangpabu ija mang sopüi. Osün müile aza-apua thomkya ija hun sikle awütkya zuma hwom pangwüi sopüi.

HOSIA 8:9

Fao mantsak ningle kax jaojao ma chilaxle, Israel khünaknu a malomlom to paodaoa. Hwom to asun angkya mix lomle Asiria nok to kale ilaxle hwom kho awa angkya hanpakma mixjat-mixlibu ang tha koxle.

HOSIA 8:5

Samaria tingnu angkya khünaknue shwomkya hun füi zingkya maihupong thua ku anule. Ku ang hwom füi mong huanuma tsikle. Hwome ija chapa obi nyix füima dantoxüi?

HOSIA 5:1

“Ija to apa koplax, hünzom nguapabu! Mongkoxle apalax, Israel khünaknu! Apalax, wanghom füikya haxnu-homsabu! Hünzome sukya olom ma kaxfün fase changhupu: ikhoma kaxfün a hünzom khangkho ma dütüi! Hünzom a Mizpah ma nutkya tai ang achang, Tabor haxnu ma pünkya sha ang achang,

HOSIA 4:17

Israel khünaknu a chapabu chajik-muashem fang ma tüile. Hwom ma lom to naxle-kox.

EZEKEL 23:4

Nüchongnu ang Oholah le amün (she a Samaria hanpak), ilaxle honao ang a Oholibah le amün (she a Jerusalem hanpak ang chang). Kue hokhi pangnyi aju-asomle ku kako ang lax ilaxle pangnyie wüi ku ang supux-sapaile kox.

EZEKEL 16:46

“Hünna a, she füikya ting-nokbu füi tomle, shuakuxchi ma tüikya Samaria changle. Hünnao a, she füi tomle tüikya tingkhuabu womle, shuathong angkya Sodom changle.

JEREMIA 51:9

Ikhato ngokya mixnokbue thüi: ‘Kwome Babilon nok to fong ang azongpu, ikoxle tule le bangpu. Athax ija dantox hax ilaxle ma hom to chat-hax. Chixtsak chixzong ma Jowanpae Babilon nok to sikangünle ilaxle ija olithule amütdaoa.’”

ISAIA 59:12

“Jowanpa, nang zongto kwom thaikya a huanu. Kwom ochaxbue kwom ma kaxhux fele. Kwome ibu pangwüi tiklax ngopu.

ISAIA 28:1

Israel wangting a maxdaoa! Hwom lompahom jutok mixbu khangkho ma maipua khohom hüile paokya ningle hwom fuazang a samdaoa. Angamkya hwom khangbu a ongan müikya münga füi palaxle tüile, ikoxle hwom ikhama jutokle shui, omang ma pangle.

EZEKEL 24:13

Jerusalem, nang mongzok mwot tokhange nang chitsaokya ang achangdaoa. Kue nang atsaole fang azong koxlechu, nang a chitsaokya ang wüi achangle ngo. Ku mongtsik janzüi zongbakle ma-apongba nang a tamchatle otsao ang münachang tsuak.

HOSIA 11:8

“Israel, kue nang chemle danle awütüi? Kue nang chemle dantoxüi? Kue Admah amütkya ningle hünzom amütüi hi chichangba kue nang to Zeboiim to hwonkya ningle hwonüi hi? Ku mongkhae ku ang ija mok ang müntom! Hünzom tokya ku mongkün a huanu changpu.

ISAIA 59:13

Kwome nang zongto alünle changdaoa, nang chilaxle awütdaoa, ilaxle nang man müntopu le angam daoa. Kwome mix to afangle thom ilaxle nang hato tok aho. Kwom tutex a othai changpu; kwom zangwünbu a thaipu.

ISAIA 59:14

Sukya kaxfün a jwonle apaodaoa, ilaxle oja changpuix ija a soxle hüi ang chitho. Noknu tuntho to otsingtsing asuale nguak, ilaxle otya ma ajingle ngokya ang ima ngwotnui chitüi.

HOSIA 12:1

Israel khünaknue swomsa makhange zangnak kople chempangsa mokpuix pangwüi chilaxlili tamchu thama adün angkya oli changle. Mongong alekya hia changnong-pünthom mwot hwom khama sisi tsale hüi. Hwome Asiria nok füi muamüi zangwün tsuak ilaxle Ijip nok füi thalexle.”

HOSIA 12:2

Jowanpae Judah angkya khünaknu zongtochu tsaitox-kaxfe angkya tüile; hwom khünaknue mokkya mwot khoma chixe Israel tochu sikangün angkya changle. Hwome chem mokdaopuix ija olüix hwom to khom angkya changle.

AMOS 3:9

Ijip hia Ashdod nok wanghom homlobu to ngokyabu hato tsingang tomkox: “Samaria haxnu akhople tomle asox kox ilaxle ikha angkyabue mokle tsuakkya chongkya tuma-wanshix hia zikmüt-mangkhobu to hulax.”

AMOS 3:10

Jowanpae thüi: “Ibu khünakbue mahom-mahax, mix lang mix mixhuak laxle hia pa-lole kopkya tuinabu füi awangle thomle. Hwome chemle su-angkya hex, ija ojao müntik.