HOSIA 6:4 - OTSAO BAIBEL (BSI)

⁴ Ikoxlechu Jowanpae thüi: “Israel hia Judah, kue hünzom füi chem moküi? Hünzome ku to mongkünkya swomsa fwomtyen lebama paole samkya ningle; ija a swomsae wüi zuale paokya nyenti ningle.

HOSIA 6:4 ပူးပေါင်းရင်းမြစ်များ

HOSIA 13:3

Ikhoma ibu khünaknu a anopningkya zangfwom ningle lebama wüi maxle samüi, swomsa ma wüi zuale samkya nyenti ningle a. Hwom a tsaxnak nui tokya tsaxsa zangwin to jeple paokyabu ningle changüi, fongbak angkya wünkhut samle paokya ninglea.

HOSIA 11:8

“Israel, kue nang chemle danle awütüi? Kue nang chemle dantoxüi? Kue Admah amütkya ningle hünzom amütüi hi chichangba kue nang to Zeboiim to hwonkya ningle hwonüi hi? Ku mongkhae ku ang ija mok ang müntom! Hünzom tokya ku mongkün a huanu changpu.

MATHI 13:21

Chemthüikoxle ija kaxho khoma aduk-athangkya apongkya zuma hwome ija kaxho ochwon ma danle tox.

JEREMIA 34:15

Münyix shongnyix tix hünzom ang künlop-monglüi ilaxle ku zongto müikya mwot mokpu. Hünzom pangwüie ma Ibri khünak da ang thomkyabu danle apao angkya ku füi zangwün tsuakpu, ilaxle hünzome ku mikngün ma, ku to shwomle ngokya Zangshwom-Hom ma tsaotsütle changpu.

JEREMIA 9:7

Ile changkya khoma Jowanpa Khüthak Zang-e thüile, “Kue ku khünaknu jan atsao pupule atsaoüi ilaxle hwom to thwonle anoüi. Ku khünakbue ochax mwot mokdaoa— kue hwom to chemle mok angkya tamtüi?

JEREMIA 5:23

Ikoxle hünzom khünaknu! Hünzom a mongkhüi tamchu zan-mong füikyabu; hünzom a ku dantoxlaxle mama chito jüile pao.

JEREMIA 5:9

Kue ibu khoma hwom to sikangünle tamchu onok to iningle olüix khomle münchangüi hia?

JEREMIA 5:7

Jowanpae atüi: “Kue ku khünaknu thaikya ochaxbu chemkhoma alak angkya? Hwome ku chilaxle dantoxpu ilaxle changjao chichangkya baozangbu to hwome shwompu. Kue hwom ang wok afwotle machang machangle ku khünaknu tuxpu, ikoxlechu hwome chinunchakkaile changpu ilaxle hwom hanpakbu a tsangtsa hangkyabu füi alyetpu.

JEREMIA 3:19

Jowanpae thüi: “Israel, kue nang kusa ang pongle kopse tsupu ilaxle nang a mongtex ma nguikya haxtok koxse tsupu, chaxwan tok ma osün sümüikya haxtok a. Hünzome ku ang apale namnyakbae texpu ilaxle ku hato tamchatle tok chiahole changbae le thütpu.

JEREMIA 3:10

Ibu pangnu ile chang füima, Judah, mongong chitüikya Israel nanaonu, ku hato chat-tong-ole dyenla; she ma mongpak-fünthokya ojao chitüi. Jowanpa, kue ija akaxdaoa.”

HOSIA 7:1

“Chemtue kue tamchatle ku khünaknu Israel kak-lak amüikoxse tamchu ahak-aluale tüi ang tomse tsupuix, kue ngün ang kopkya a hwom chichangchizangle tüikya hia hwome mokkya ochax mwot boma chemchu müntüi. Hwome tata dyenle; hwome homdap-pungdong le ahuxle; hwome tingjang lomnu ma khünaknu angkya papalo le lax.

KAXFÜNPA-HWOM 3:12

Israel khünaknue tamchatle chuwüi Jowanpa tunthoma ochax lyen. Ikhoma Jowanpae Israel nok füi Moab nok wanghom Eglon wüi sütsak-süzongkya ang achang.