HOSIA 6:3 - OTSAO BAIBEL (BSI)

³ Kemepi Jowanpa tikle lax ang azong hax. Tütakoxchu zangngaile hüikya ningle, ojao chithaile chaxwan tok to tsosa zangwat dütkya ningle, chix a kem hato hüiüi jaojao.”

HOSIA 6:3 ပူးပေါင်းရင်းမြစ်များ

HOSIA 14:5

Israel khünaknu zongto ku a haxzan zongto zangwat ningle changüi. Hwom a maipuabu füi tomle puaüi; Hwom a tsingju-kamong le changüi Lebanon angkya pünnubu lailaile.

JEREMIA 24:7

Kue hwom ang ku a Jowanpa changpule awanse tsukya mongtsukya azaile koxüi. Ifüima hwom a ku khünaknu ang changüi, ilaxle ku a hwom Zang ang changüi, chemthüikoxle hwom a ku hato mongpak-fünthole chat angkya changle.

MÜNCHUAK-TSAI 72:6

Wanghompa a haxtok ma zangwat ningle naxchang, chaxwan tok to dütkya nyenti ningle a.

MIKNGÜN-OHÜN 22:16

“Jisu, kue hünzom ang ibu tsingang tom angkya hanpakma kaxtaimix apaodaoa. Ku a Dawid sixli tokhange hüikya changle; ku a tüle nyankya swomsa lyettsi changle.”

MATHI 13:11

Jisu-e hwom ang thüi: “Zangkangting huxsa zangwün tsing angkya hünzom ang koxdaoa ikoxlechu khünaknu ang ija chifa.

ZEKARIA 10:1

Jowanpa ma tsosa zangwat julax. Zangwat angkya zangfwom hia nyenti ajo laxle noknusa hanpakma chaxwan thün hingshüile achangkya a Jowanpa tix changle.

2 PITAR 1:19

Ikhoma ajebue apukkya kaxho to otsing changpu le kwome sisile mongongpu. Anyixningkya zangngai ang machang tanto, üntoxle hünzom mong ma nyankya lyettsi malai tanto, zangnakle ngokya khato zangngai fakya wüntik tuita ningle, ija kax to hünzome mongkox koxle müi angkya changle.

KAXHO MÜIKYA LUK 1:78

Kem Zang a chingchajaja füikya changle. Dongkya senu ningle nyankya, khosünpa chixe kem hato ahüiüi

MALAKI 4:2

Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

MIKA 4:2

ilaxle hwom khünakbue thüiüi, “Oman, kempi Jowanpa haxkho to donghax, Israel nok Zang Zangshwom-Hom to. Keme chem naxmokse thütpuix ija chixe kem hama anwot-anole faüi; chixe zünle kopdaokya lomtang ma kem ahamüi. Chemthüikoxle Jowanpa hwon-nwot a Jerusalem tokhange hüile; Zaion makhange chixe chix khünaknu füi zangwünle.”

IBRI 3:14

Chemthüikoxle pongwang tokhange wüi tüikya tata tokya mongong oshuk kople, shingmongle jangtwon thüiningle kem pangwüi Khrista füi chifan-chijan zuikhui changle.

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

HOSIA 10:12

Kue thüi: ‘Hünzom hanpakma haxzün khutlax, ilaxle ku to jop-tole changkya mohiman ma kopkya puamün hünzome zütlax. Ija a, ku, hünzom Jowanpa hato mongchat angkya hanpak changle, ilaxle ku nguilaxle hünzom ang mohiman thokle koxüi.’

ISAIA 54:13

“Nang khünaknu to ku jaojaoe anwot-anole changüi ilaxle hwom ang ahak-alua angkya hia mongsom koxüi.

WANGSHEMBU MWOT 17:11

Thesalonika angkya khünaknu füi ikha tokya khünakbu wüi künsha-mongdale tüi. Hwome Kaxho Müikya to mongtsule apa, ilaxle Pol kax otsingtsing changcha le hwome nyixfole Otsao Lai lom.

HOSIA 2:20

Kue ku kaxtsao thomüi ilaxle nang a ku kux ang achangüi, ilaxle nange ku a Jowanpa changpule ngaiüi.

ISAIA 44:3

“Tilan zingokya haxtok ang kue ti koxüi ilaxle haxkozan to shuasa tibu jen ang tomüi. Kue ku chasa hünzom su-sa hwom ang thokle koxüi ilaxle ku mohiman hünzom sixlibu ang koxüi.

ISAIA 32:15

Ikoxle Zang-e tamchatle kem hato chix chasa ajoüi. Awütle thomkya haxtok haxzao füikya haxtok ang changüi, ilaxle haxtok ma tüle-tüle puamünüi.

MÜNCHUAK-TSAI 65:9

Nange zangwat ajokya makhange nange haxtok to mongkünkya aho; nange ija ahak-aluale tamchu haxzaoe awangle tüi ang tom. Nange shuasabu tümik fuakle tijenkyae awangle chang ang tom; nange chaxwannu ang saxziak awangle fa. Nange ija ile mok:

TSAITONG-KAXTONG 32:2

Ku hwon-nwotbu a zangwat ti ningle dütüi ilaxle chaxwan tok ma nyenti ningle achangüi. Pünsom ding to zang anyaikya ningle ku zangwünbu dütüi, hingzang tok to watshoja jukya ningle.

MIKA 5:2

Jowanpae thüi: “Efrathah angkya Bethlehem, nang a Judah tinglongbu khama ahixkya tuita, ikoxlechu nang makhange kue Israel nok lompa tuita angaiüi. Chix putong hwom pukax a kaitokya hato chatle chatüi.”

EZEKEL 36:25

Kue hünzom to titsao füi saküi ilaxle kue hünzom pangwüi, chapabu mwot hia mama-mama hünzom chitsaokya ang achangle thomkya mwot pangwüi tokya atsaole danüi.

ISAIA 5:6

Ija khama hingzang wüi naxnyemkox. Kue ozubu sexle münchang chichangba haxkhutle akhixle münchang; itülüi kue ija to kongbüi hia huxbue awangle chang ang tomüi. Kue ija ding to zangwat angkya zangfwom münabax.”

WANWÜNKAX 4:18

Otsao khünakbu ahamkya lomtang a, anyixning ang achangle süzaxzaxle dongkya zanghan dün ningle changpu.

JOB LAIPEX 29:23

Manzai mix zongto zangwatkya müikya lailaile, hwom pangnusa zongto ku zangwün müile.

MIKA 5:7

Israel khünak opang chizile azang laxpuix, ibu a jat-libu hanpakma Jowanpa tokhange ahüikya tamchatle azün ang tom angkya nyenti ang, pünnu kho to puakya maipuabu ningle changüi. Hwome khünak to chichangle Jowanpa to mongongkya tüiüi.

MÜNCHUAK-TSAI 19:4

Ikoxlechu hwom kaxho chaxwannu pangnu khato pule paopu, üntoxle chaxwan otua ozang alople atat ang koppu. Zanghan hanpakma zangdingkho to chix hom zaile koxpu;

JUHAN 7:17

Khünak owae Zang mongtex ma mok ang tsupuix, chixe ku hwon-nwot Zang makhange akax pia hia ku mongtex ma akaxpuix, awanüi.

2 SAMUEL 23:4

chix a zangmüi puakakya nop dongkya zanghan ningle changpu, zanghan ojae zangwat füima hingzangbu chuile lai ang tompuix.”

MÜNCHUAK-TSAI 19:6

Zangdingkho kaochi makhange tüchikao alople ija ahampu. Ija zangkham to tukle tui ang chithopu.

MÜNCHUAK-TSAI 63:8

Kue nang to khexpu, ilaxle nang chak füi ku kople thompu.

ISAIA 2:3

ilaxle ikhato khünakbue thüiüi, “Jowanpa haxhua to kem donghax, Israel nok Zang Zangshwom-Hom to a. Chixe chem naxmokle texpuix ija chixe kem hama apuale faüi; kem a chixe zünle kopkya lomtang ma ahamüi. Chemthüikoxle Jowanpa hwon-nwot a Jerusalem tokhange hüile; Zaion makhange chixe ma khünaknu füi zangwünle.”

HOSIA 14:6

Hwom a tsünzün ma tsongle ngoüi, ilaxle olip pünbu ningle osün müile ngoüi. Hwom a ongan müile changüi Lebanon angkya sedar pünbu ningle a.