HOSIA 5:9 - OTSAO BAIBEL (BSI)

⁹ Sikngün kop angkya hanpak hüile ngole, ilaxle Israel a maxüi. Israel khünaknu, ija a changtomtaüi!

HOSIA 5:9 ပူးပေါင်းရင်းမြစ်များ

ZEKARIA 1:6

Ku dapa aje hwom makhange kue hünzom pupa hwom ang kaxtom hia kaxkhünbu koxle hüipu, ikoxlechu hwome ibu kax to chiapa ikhoma hwome ija olüix apongle sikngün kop angkya lai. Ifüimatix, Jowanpa, kue chemle texlaxpuix ija ningle hwom to sikngün ang tomkya changa, le tsing laxle mongchat.’”

ISAIA 46:10

Chempang changle ngaipuix ibu bama kue pongwang tokhange wüi ajepu; chempangle chang angkya hex kaitanto wüi kue akax. Kue ajangkya mwot chichang homtoxle müile le kue thüipu, kue moküile mong ma texpupu kue moküi.

JUHAN 16:4

Ikoxlechu ibu mwot bama otue hwom ang hanpak nguile hüiüi hex, kue hünzom hama akax ngokya ibu hanpakma akax ngokya changpu le awanle kop angkya kuxma kue ibu pangwüi hünzom hama apuadaoa. “Kue pongwang tokhange wüi ibu bama hünzom hama chiwünkya a, ku hünzom füi tomle ngokya khoma chiakaxpu.

AMOS 7:17

Ikhoma Amaziah, Jowanpae nang füi akaxle: ‘Nang kakonu a tingnu ma tsangtsa hangkya mixcha tuita ang achangüi, ilaxle nang naosombu a zanhok ma langüi. Nang haxtok a ahak-ahanle changüi ilaxle mix ang koxle apaoüi. Ilaxle nang jao a shuakuxchi nok ma ziüi. Israel khünaknu a hwom chaxwan angkya mixnok chaxwan to zanda ang kople paoüi jaojao.’”

AMOS 7:9

Isak susa hwome shwomle ngokya nui a pünle amaüi. Israel nok otsao nui a amale dantoxüi. Kue Jeroboam wangting a ashuk angkya hato ahüiüi.”

AMOS 3:7

Khüthak Jowanpae ajebu, chix dabu hato ngaile chiaho kop homtoxle tütali chu münmok.

HOSIA 8:8

Israel chuwüi mixjat-mixli lailaile changdaoa ilaxle ija a ashixdaokya tikkux tuita ningle laxli chitüile changdaoa.

HOSIA 5:14

Kue Israel hia Judah to mailangpa lailaile shingle hüiüi. Kujaoe hwom ashikle akhixlaxle dantoxüi. Chemtue kue hwome linle paoüihex, owaechu hwom khosünle kop ang chithoüi.

HOSIA 5:12

Kue Israel nok hato omüt apüiüi ilaxle Judah hato thama apüiüi.

ISAIA 48:5

Ikhoma kue hünzom füichi hanpak kaitanto wüi ajele thomdaoa, tütali machangba wüi ile changüihex-ole ngaile, hünzome ibu hünzom chapabu hia muabu mwot changpule chithüt angkya hanpakma abaxtsuak daopu.

ISAIA 48:3

Jowanpae Israel nok ang thüi: “Chemle chang angkya hex ija kue kai wüi aje thomdaoa; ilaxle ija kue allele chang ang tom.

ISAIA 37:3

Ija a chixe Isaia füi akax ang tomkya hwom kaxho: “Anyix a sikngün ngokya nyix changle; kwom to sikangünle ilaxle ahaile. Kwom a sheko mixnu tuita, she ma zong a ojao chitüi ikoxlechu nao pux ang azongle ngokya ningle changpu.

JOB LAIPEX 12:14

Chemtue Zang-e pünle amaüihex, owaechu chatle zing ang müntho; Zang-e kun ma shokya khünak owaechu dan ang tho!

ISAIA 7:16

Ija hanpak nguile hüiüi thoto wüi, opange hünzom aza-anale changpuix, ija haxtok anyi a laxli chitüikya haxtok ang achangle awüt angkya changle.

HOSIA 7:12

Ikoxle hwom ile aham ngopongma nya thalaxle osa amanpupule kue hwom amanüi. Hwome mokdaokya ochax khoma kue hwom to sikangünüi.

HOSIA 9:7

Sikngün apong angkya hanpak nguidaoa, khünaknue hwome chem mokdaopuix ija otha kop angkya hanpak a. Chemtue ija changüihex, Israel-e ija awanüi! Hünzom thüile: “Ija ajepa a ongat. Ija mix mong azwotkya mix a ongat.” Hünzom ochax chongle tüikya khoma hünzom khünaknue ku to huanuma miktsakle.

MIKA 6:13

Idaile hünzom pün angkya hia amüt angkya kue owang wangdaoa.