HOSIA 5:5 - OTSAO BAIBEL (BSI)

⁵ Israel khünaknue hwom kax-kax ma chilaxlaxba le tüikya tutexe hwom zongto apüile akhong ngole. Hwom ochax hwom asu ang tamchu ati ang tomle, ilaxle Judah angkya khünakbu chuwüi hwom füi tomtomle atile.

HOSIA 5:5 ပူးပေါင်းရင်းမြစ်များ

HOSIA 7:10

Hwom kaxkax ma wüi lax angkya le angamkya Israel nok mongngame hwom zongto apüile sop. Ipongpong le changle hüidaokoxle chu, Jowanpa hwom Zang, ku hato hwom chichat.

AMOS 5:2

Naochasa Israel a nguakdaoa, Hwom a tamchizoüi! She a chaxwan tok ma awütkya ang achangle thom, Ilaxle owaechu she azwot ang chiasun.

KAXHO MÜIKYA LUK 19:22

Chixe ija da ang thüi: ‘Nang a chilaxli da changle! Athaxkya nangkax kue nang thajao ang wüi twonüi. Ku kux chichangkya kue lax üntoxle kue chisaikya khato kue züt ilaxle ku zongzankya mix changpule nange awan ngünlaxle.

MATHI 23:31

Idaile hünzom a ajepabu langkya susabu changpule hünzome wüi awanle.

HOSIA 14:1

Hünzom Israel khünaknu, Jowanpa hünzom Zang hato chat-hüi. Hünzome ochaxe hünzom asua ang tamchu ati ang tomle.

HOSIA 8:14

“Israel khünakbue chongwang homlobu zingle, ikoxle hwome hwom zingpupa alakle asamdaoa. Judah angkya khünaknue ziakop laxle tingtan-nokzingle. Ikoxlechu kue hwom chongwang homlobu hia hwom tingnubu zokle ashun ang wün ahüiüi.”

HOSIA 5:14

Kue Israel hia Judah to mailangpa lailaile shingle hüiüi. Kujaoe hwom ashikle akhixlaxle dantoxüi. Chemtue kue hwome linle paoüihex, owaechu hwom khosünle kop ang chithoüi.

HOSIA 4:5

Zangnak zangngai hünzome mix fün amale ngo, ilaxle ajebu chu hünzom füi onüi müipule chichang. Kue hünzom honu, Israel max ang tomüi.

JEREMIA 14:7

Ku khünakbue ku sele akhong: “Kwom ochaxbue kwom ma tsaihux-kaxhux fe angkya tüingokoxchu, kwom to asunhüi, Jowanpa, ami nange tsaodaokya ningle a. Kwome nang hato tok obithomthom ma hexle ahole changdaoa; kwome nang zongto ochax mwot mokle changdaoa.

ISAIA 59:12

“Jowanpa, nang zongto kwom thaikya a huanu. Kwom ochaxbue kwom ma kaxhux fele. Kwome ibu pangwüi tiklax ngopu.

ISAIA 44:9

Chapa zingle alaikyabu pangwüi chilaxlibu changpu, ilaxle otha lixle hwome hangkya baozangbu a chilaxli changpu. Ibu baozangbu to shwomkyabu a miksut mixbu tamchu ongatbu changpu — ilaxle hwom a chingcha chitüile awütüi.

ISAIA 3:9

Hwome Zang ang oma thüikya hwom hato wüi alüile chatüi. Sodom nok lailaile hwome ngaithole ochax lyenle. Hwom a maxdaoa, ilaxle ija hwome hwom hato alüile apüilaxpu.

WANWÜNKAX 30:13

Züizüi khünake hwome tüle müile: oh chemkuxma müitsuak puix, le thütle ngokyabu tüile!

WANWÜNKAX 24:16

Thaikya chitüikya khünakbu obithom ma nguakpuix, ibithom ma hwom chatle zole; ikoxlechu chichang-chizangkya khünakbu thama chak to maxle.

WANWÜNKAX 14:32

Chichangchizangkya khünakbue ma thomle düt angkya a hwom ochax mwot khoma atakpu, ikoxle müikya khünakbu ziakople ngo ang kopkya a hwom to ngao angkya chitüile ngotsuakkya khoma changpu.

WANWÜNKAX 11:21

Ochax khünakbu to sikngün kox angkya nange tsingle ngopu, ikoxlechu otsao khünakbu a paole azang tsuaküi.

WANWÜNKAX 11:5

Küntsao-mongthakya khünak müikya khünak chabüt-lasünkya chitüile ngo ang tomle, ikoxle chichang-chizangkyae alüile ma max angkya atakle.

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

ISAIA 3:8

Changle, Jerusalem a maxdaoa! Judah a nguakle ngole! Hwome akaxkax tamchu amokmok pangwüi Jowanpa zongto omama wüi; hwome ngaithole Zang adale.

HOSIA 14:2

Jowanpa hato chat-hüi, ilaxle ija zangjop a chix hato apüile koxkya tö ang achang kox: “Kwom ochaxbu thailak tüihüi ilaxle kwom zangjop pongle kop-hüi, ilaxle kwome tsaosax daokya ningle kwome nang achuaküi.