HOSIA 5:4 - OTSAO BAIBEL (BSI)

⁴ Khünaknue mokdaokya ochaxe hwom Zang hato chat ang chitomle kople thomle. Chapa shwomkyae shingmongle hwom to kople thomle, ilaxle hwome Jowanpa ang tüipule münthüi.

HOSIA 5:4 ပူးပေါင်းရင်းမြစ်များ

HOSIA 4:12

Hwome pünfunsa tuita ma mikngün ohün lomle ngole! Kiathox tuitae wüi hwom hama hwome chem tsingse tsupuix ija awankoxle! Hwome ku dantoxdaoa. Mixcha tuita tsangtsa hangkya mixcha ang achangle paokya ningle, hwome ma alüile mix baozangbu chak to koxdaoa.

JUHAN 16:3

Hwome ku wüi changkoxlax chichangba Apa wüi changkoxlax chiawankya khoma hünzom to ile hwonüi.

JUHAN 8:55

Ikoxle hünzome chix otuechu chiawan, kue a chix awan ngopu; kue chix münawan le jangthüi: ku chuwüi hünzom ningle thaikya ang achangpu; ikoxlechu kue chix awanpu ilaxle chix kax ma laxle tüipu.

HOSIA 4:6

Hwome ku ang ku le chinyakkya khoma ku khünaknu a maxdaoa. Hünzom nguapabuechu ku mün laxsele chitsu ilaxle ku hwon-nwot jaono awütle chang, ikhoma kue chu hünzom chilaxle awütdaoa tamchu hünzom su-sabu a ku nguapabu changpule kue e-ma münlax.

HOSIA 4:1

Ija haxtok ma ngokya khünakbu hanpakma tsaitox-kaxfekya zangwün apüi angkya Jowanpa ma kax tüile. Israel, chixe chem akaxpuix ija to apalax: “Haxtok ma mongong hia mongkün müntüi, ilaxle khünaknu ku ang Zang changpule mün-e.

JEREMIA 50:38

Ija haxtok hato otui-onuak apüikox ilaxle ija angkya shuajenbu azopkox. Babilon a za-adünkya chapabu haxtok changle ijabu füi khünaknu ongatbu ang achangle.

JEREMIA 24:7

Kue hwom ang ku a Jowanpa changpule awanse tsukya mongtsukya azaile koxüi. Ifüima hwom a ku khünaknu ang changüi, ilaxle ku a hwom Zang ang changüi, chemthüikoxle hwom a ku hato mongpak-fünthole chat angkya changle.

JEREMIA 9:24

Owawae tsaichong-kaxbongle tüise jangtsu, ibu hwome ku tsing-wankya bama tsaichong-kaxbongle chang ang tsuak, chemthüikoxle ku mongkün ma ojem münfün, ilaxle kue chem supuix tamchu chem changpuix ijatix mokpu. Ku mong amüi angkya mwotli a ibutix changpu. Ija a, Jowanpa, kue akaxdaoa.”

MÜNCHUAK-TSAI 78:8

Hwom a hwom pupa hwom lailaile, alünle ajongle hia kax ma chilaxkya khünakbu ang chichangüi, chemthüikoxle Zang tokya hwom mongong ma chemtuechu shingmongle chichang ilaxle hwom a chialekya mongong füi chingotsuak.

MÜNCHUAK-TSAI 9:10

Jowanpa, opange nang awanle tüipuix, hwome nang to mongong tüiüi; nang hato nguikya khünak owachu nange chilaxle taxüi.

1 SAMUEL 2:12

Eli sasün hwom a laxli chitüikya khünakbu changkya. Hwome Jowanpa chito mong ojao chikox

HOSIA 4:14

Ikoxlechu ija khomale kue hwom to sikngün ang müntom, chemthüikoxle hünzom tomtata ngaxchu baozang shwomnui to ngokya tsangtsa hangkya mixcha hwom hato paokoxpu, ilaxle ibu füi tomlaxle hünzome bao shwomle töbu koxkoxpu. Wanwün kax ma tüikya ningle, ‘Tutex chizaikya khünakbu maxüi.’

HOSIA 7:11

Ongat jua-osa ningle Israel khünak chazangle aham; pongwang ma hwom khünakbue Ijip nok fonghüile se, ifüima hwom Asiria nok hato zik!

HOSIA 13:13

Israel nok ang ozün ma ngo angkya olom tüile, ikoxle lax angkya a ongat jaojao changpu: ija a, athax zangngai ngünle laiüi khakha naosae honu wokkha angkya münlaipu le angamkya ningle changpu.

HOSIA 4:11

Jowanpae thüi: “Ju, odom hia ozia pangnyie ku khünaknu ang hwom tutex asam ang tom ngole!

HOSIA 8:11

“Ochax apao angkya hanpakma Israel noke tö-tsap chemtukuxle zingpuix, itukuxle hwome ochax lyen angkya onui ataküi!