HOSIA 5:1 - OTSAO BAIBEL (BSI)

¹ “Ija to apa koplax, hünzom nguapabu! Mongkoxle apalax, Israel khünaknu! Apalax, wanghom füikya haxnu-homsabu! Hünzome sukya olom ma kaxfün fase changhupu: ikhoma kaxfün a hünzom khangkho ma dütüi! Hünzom a Mizpah ma nutkya tai ang achang, Tabor haxnu ma pünkya sha ang achang,

HOSIA 5:1 ပူးပေါင်းရင်းမြစ်များ

HOSIA 9:8

Chix khünaknu Israel ang kaxkhün kox angkya hanpakma Zang-e ku ajepa tuita ningle ahüipu. Ikoxlechu ku apaopao khato, hünzome ku osa amanpupule aman ang azong. Jowanpa Zangshwom-Hom ma ngaxchu khünaknu a ajepa zongto zanpabu ang chang.

MIKA 7:2

Ija haxtok ma, Zang kax ma laxle tüikya sukya khünak tuita danle müntox. Pangnusasa wüi mik amüt angkya hanpakma ziasyen thatan ngole. Noknoke wüi ma-mix zan to kale ngole.

MIKA 3:9

Ku kax apalax, hünzom Israel nok lompabu, hünzom sukya thua anukyabu tamchu sukya chisukya ang achangkyabu.

HOSIA 6:9

Nguapabu a owawa lom tanle azwon ngokya ahuxmixbu othom ningle. Otsao nui Sekem to nguikya lomnu ma ngaxchu hwome mix lang. Ilaxle hwome ibu ochax mwotbu chaktung-chaktungle mok!

KAXFÜNPA-HWOM 4:6

Nyixta she-e Neptali ma tüikya Kadesh ting makhange Abinoam sasün Barak se ang apaole chix ang thüi: “Jowanpa Israel nok Zang-e nang ang ija kaxtom fale, ‘Neptali hia Zebulun angkya 10, 000 khünak laxlax toxlax ilaxle hwom Tabor Haxnu to apüikox.

MALAKI 2:1

Jowanpa Khüthak Zang-e zompu-zangpabu ang thüi: “Ija kaxtom a hünzom hanpak changpu:

AMOS 7:9

Isak susa hwome shwomle ngokya nui a pünle amaüi. Israel nok otsao nui a amale dantoxüi. Kue Jeroboam wangting a ashuk angkya hato ahüiüi.”

HOSIA 10:15

Bethel angkya khünaknu, hünzom to chang angkya a ija changle. Ija a hünzome mokdaokya khom-atsikkya ochaxbu khoma changüi. Zanhok owang wangkya füi tomle Israel wanghompa ziüi.”

HOSIA 4:1

Ija haxtok ma ngokya khünakbu hanpakma tsaitox-kaxfekya zangwün apüi angkya Jowanpa ma kax tüile. Israel, chixe chem akaxpuix ija to apalax: “Haxtok ma mongong hia mongkün müntüi, ilaxle khünaknu ku ang Zang changpule mün-e.

MALAKI 1:6

Jowanpa Khüthak Zang-e zompu-zangpabu ang thüi: “Naosombue manu-mapa hwom achuak-achenle, ilaxle dabue ma hopupa hwom achuak-achenle. Ku a hünzom hopa changle--ikoxle hünzome ku achuak-achenle büthüikoxle chitüi? Ku a hünzom hopupa changle--ikoxle hünzome chathua büthüikoxle chiza? Hünzome ku wünhaile ilaxle hünzome atüitüi, ‘Kwome nang-wün chemle haidaopu?’

MIKA 3:1

Apalax, hünzom Israel nok lompabu! Hünzome sukya kaxfün bama mongkoxse changhupu,

HOSIA 13:8

Hosabu asam daokya chepnu tuitae shingpupule kue hünzom to shingüi, ilaxle kue hünzom fexle chaoüi. Mailangpae saxkya ningle kue hünzom onui ma wüi saxle awütüi. Kue faomüibue ashikle akhix kya ningle kue hünzom ashikle akhixüi.

JEREMIA 46:18

Ku, Jowanpa Khüthak Zang a wanghompa changle. Ku a khüzün Zang changle. Tabor Haxnu haxhuabu to kaile tsuale tüikya ningle ilaxle Karmel Haxnu tinu to kaile tsuale tüikya ningle, nang to single hüikya mix ma janzüi ile tüiüi.

JEREMIA 13:18

Jowanpae ku füi akax: “Hwom ngwotnui angkya thai angkya wanghompa hia hotatüi wangchanu hama akaxkox, chemthüikoxle osün müikya khohom hia khüsünbu a hwom khangkho angkya dütdaoa.

JOEL 1:2

Mongkoxle apahüi, hünzom püzu tüichongbu; Judah angkya noknusae apahüi. Otuechu iningkya tüchangdai ma hünzom tsün ma chichangba hünzom pupa hwom tsün to a?

KAXFÜNPA-HWOM 4:12

Chemtue Sisera-e Barak a Tabor Haxnu to dongdaoale awanle lax,

1 SAMUEL 7:5

Ifüima Samuel-e Israel khünaknu Mizpah ma asox angkya kaxho apukle thüi: “Kue ikhato hünzom hanpakma zangjople changüi.”

1 SAMUEL 7:6

Ikhoma hwom pangwüi Mizpah ma asox. Hwom hidaole tikholaxle Jowanpa to tökya tuita ang thokle koxle awüt ilaxle nyixtungtale chisax-chilingle atsaole zangjop. Hwome thüi: “Kwome Jowanpa zongto ochax lyenle changdaoa.” (Mizpah ma Samuel-e Israel nok füi zangwün tsaifün-kaxwünle tsuak.)

1 SAMUEL 7:16

Zangfo to chix Bethel. Gilgal hia Mizpah, ibu tingnu anguile aham, ilaxle ibu nok to chixe khünak bama tsaifün-kaxwün angkya zangwünbu tsuakle tox.

JEREMIA 11:7

Chemtue kue hwom pupa hwom Ijip nok tokya apüile ngokyahex, kue hwom ang ku kax ma laxle tüi angkya wüile kaxkhün koxpu, ilaxle athax kople kue khünaknu ang chizakle kaxkhün koxle hüipu.

AMOS 3:1

Israel khünaknu, ija kaxho, oja Jowanpae hünzom hanpak ang akaxle tüipuix, ija to apakoplax, Ijip nok tokya chixe apüikya khünaknu pangnusae wüi a: