HOSIA 4:8 - OTSAO BAIBEL (BSI)

⁸ Ku khünaknu ochax tokhange hünzom ahak-aluale tsong, ikhoma hwome ochax sisile naxlyen le hünzome thüt.

HOSIA 4:8 ပူးပေါင်းရင်းမြစ်များ

ISAIA 56:11

Hwom a tamchu wok afwotle sax ang chikopkya nüfux füikya hi tuita ningle. Lompa ibu ma tsing-wankya chemchu müntüi. Hwome pange wüi ma mongtsutsu ma mokle ilaxle ma fünmüimüi lomle.

TITA 1:11

Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

1 SAMUEL 2:29

Jangchangba büthüikoxle hünzome ku khünaknue kue lomkya töbu ku hato apüile koxkya to nüfux dongpu? Eli, nange büthüikoxle ku füi ngaxchu hünsa hwom wüi achuak-achenle, ku khünaknue ku hato apüikya töbu kha angkya amüimüikha zünle koplax ilaxle ibu saxlinglaxle amo-amaile ngo ang tompu?

LIWI 6:26

Nguapa owae ija müi tö koxüihex, chixe ija otsao nui, Jowanpa ngwotnui Nyihom nya-o ma saxüi.

ROM NOK HATO ZAKYA POL LAIZA 16:18

Iningle mokkyabue kem Jowanpa Jisu Khrista mwottho thakya münchang, ikoxle hwom wok hanpakma mokwüi. Hwome kaxmüi makhange tamchu tsaisong kaxnong makhange künlan-monglan ma ngokya khünakbu dyenle.

MALAKI 1:10

Jowanpa Khüthak Zang-e thüile: “Hünzome ku tö-tsap ma chilaxli wün atsople changkya füi, ija abax angkya hanpakma owawae Zangshwom-Hom kahakle namchangbae le kue thütle. Ku hünzom füi mong münmüi; nange ku hato apüikya tö kue pongle münkop.

MÜNCHUAK-TSAI 24:4

Opang mwot hia tutex ma tsaothale tüipuix, owae chapabu to chishwom puix chichangba othai to tsaosaxle chichangpuix, ibutix nguidong tsuaküi.

EZEKEL 14:7

“Chemtue Israel khünak tuita chichangba Israel nok khato ngole tüikya mixnok sün tuita owawa ku hato tok aho laxle chapabu to shwom-tole, ilaxle aje tuita hato tsaitik-kaxsho ang nguile changpuix, ipongma Jowanpa, kue hünzom kax to lanüi!

EZEKEL 14:3

Chixe thüi: “Ziün angkya khünak, khünak ibue hwom künmong chapabu ang koxdaoa ilaxle ibu chapabue hwom ochax to alyet ang tomle ngole. Kue hwom kax to lanüile hwome thütlaxpia?

MÜNCHUAK-TSAI 25:1

Nang ang, O Jowanpa, kue ku zangjop koxpu;

2 PITAR 2:3

Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

HOSIA 10:13

Ikoxlemix hünzome ochax mix ali-akan ilaxle ija puamün züt. Hünzome hünzom kaxthai zangwün makhange alaikya pünziak saxdaoa. “Hünzome hünzom man-kanlinbu to tamchu huanuma tüikya hünzom süpahibu to mongongkya khoma,

HOSIA 12:8

Hwome thüile: ‘Kwom a tüinangle tüile. Kwome ma osho-jowan zingdaoa. Chichangkya lom tokhange ahak-aluakya changpule kwom to owae tsaitox-kaxfele chang ang müntsuak.’

HOSIA 14:1

Hünzom Israel khünaknu, Jowanpa hünzom Zang hato chat-hüi. Hünzome ochaxe hünzom asua ang tamchu ati ang tomle.

LIWI 6:22

Athax füichima ojento Arun su-sa hwom khama owae Nguakho Mwot mokle changüihex, chixe ija tö kox angkya changle. Ija a Jowanpa ang tö koxkya tuita ang komkaile zokle ashunüi.

2 WANGHOMBU 12:16

Tsangmüt hia ochax tö hanpak ang koxkya ngun ija suak ma chisho, ija a zompu-zangpa hwom kux ang koxle apao.