HOSIA 4:7 - OTSAO BAIBEL (BSI)

⁷ “Hünzom nguapa chemtukux huanuma tüipuix, itukuxle hünzome ku zongto ochax lyen, ikhoma kue hünzom achuak-achenkya a e-me chilaxle tüikya ang achangüi.

HOSIA 4:7 ပူးပေါင်းရင်းမြစ်များ

HOSIA 13:6

Ikoxle müikya haxtok to nguikya füi tomle, hünzom awangle tamchu okhonguile ngokyabu ang achang, ilaxle hünzom mongngam ma tsong ilaxle ku alakle asam.

FILIPI 3:19

Hwom a haolum to ashuküi; chemthüikoxle hwom zongto Zang a hwom tsangtsa küntsu monglua changle. Hwom azak haxkux ziama hwom ngamle, ilaxle hwome ija chaxwannu ma tüikya mwotkat tata bama ajangle.

1 SAMUEL 2:30

Ku, Jowanpa, Israel nok Zang-e ledaokya ma hünzom homkhae ngua mwot mokle ku thotha angkya hex-ole tsaokya changpu. Ikoxle athax kue thüipu, kue ija tsaotsüt münthom ngoüi! Itülüi, opange ku achuak-achenle changpuix, kue hwom achuaküi, ilaxle ku wünhaile changkyabu to kue e-ma chilaxle hupu.

MALAKI 2:9

Hünzom ku mongtex ma kax ma laxle chitüikya khoma tamchu pangnu to tomwüi chihukya khoma, kue, Israel khünakbu ang hünzom ada ang tomüi.”

HOSIA 10:1

Israel khünakbu a oziak füikya grep zu ningle tüikya. Hwom chemtukux ahak-aluale tüipuix, itukux lüile hwome tö-tsapbu zing. Hwom haxtok ma chemtukux puamün ang koppuix, itukuxle osün amüile hwome shwomle ngokya longlobu zing.

HOSIA 4:10

Hünzome tö koxkya kha angkya hünzom süntom saxüi, ikoxlechu wokno-tilanle wüi ngoüi. Oziak-opua fa angkya baozang to hünzome shwomüi ikoxlechu hünzom ma su-sa chitüile ngoüi, chemthüikoxle mama baozangbu füito azuiüima hünzome ku hato tok ahodaoa.”

HABAKUK 2:16

Hünzome münchong lüi ma thünzak mix kople changüi. Hünzome alüile juling saxsaxle changüi ilaxle jutok saxngat mix to hukya ningle mixe hünzom to huüi. Jowanpa chix jaoe hünzom mongtsik pe hünzom ang wüi alingüi, ilaxle hünzom münchong a thajao wünhai ang changüi.

HOSIA 6:9

Nguapabu a owawa lom tanle azwon ngokya ahuxmixbu othom ningle. Otsao nui Sekem to nguikya lomnu ma ngaxchu hwome mix lang. Ilaxle hwome ibu ochax mwotbu chaktung-chaktungle mok!

HOSIA 5:1

“Ija to apa koplax, hünzom nguapabu! Mongkoxle apalax, Israel khünaknu! Apalax, wanghom füikya haxnu-homsabu! Hünzome sukya olom ma kaxfün fase changhupu: ikhoma kaxfün a hünzom khangkho ma dütüi! Hünzom a Mizpah ma nutkya tai ang achang, Tabor haxnu ma pünkya sha ang achang,

IZRA 9:7

Kwom pupa hwom tsün tokhange athax kople, kwom, nang khünaknubue huanuma ochax lyenle hüidaoa. Kwom ochaxbu khoma kwom, kwom wanghom hwom, ilaxle kwom nguapabu a mixnok wanghombu chak to dongle changdaoa, ilaxle kwom a lang-huak, tuinabu tsui pao, ilaxle zanda ang laxlaxle pao, le changdaoa. Anyix chemle ngopuix ija ningle kwom a komkaile hopu chitüikya chifün ma ngole hüile.

HOSIA 13:14

Amalum pan chak tokya kue ibu khünaknu kho münsün chichangba zikmüt-mangkho chak tokya hwom münazün. Apüihüi hünzom kaklakbue, zikmüt-mangkho a! Apüihüi hünzom thamae, amalumting a! Athax kue ibu khünaknu to chingchajajale münchang.

HOSIA 9:11

Israel zaxzangkya a osa ningle pile paoüi, ilaxle hwom ang chatle su-sa hwom pux-paikya müntüiüi, shekobu ma nao awok le münchangüi, süshix-naosom nguidongkya müntüiüi.

HOSIA 10:6

Ija chapa a Asiria nok to tuita chongwang süi ningle koxle apaoüi. Hwome mixkax saxle hüikya khoma Israel khünaknu a chingcha angkya chitüile asamüi ilaxle zakkop ang tomüi.

TSAITONG-KAXTONG 32:15

“Jowanpa khünakbu huanuma ahak-aluale chang, ikoxlechu chix zan to kale tüi; hwom a tüle nutle ilaxle osüt füi wokbu afwot. Hwome hwom zingpupa Zang chilaxle awüt üntoxle tsak-zong füikya hwom khosünpa chilaxle awüt.