HOSIA 4:3 - OTSAO BAIBEL (BSI)

³ Ikhoma haxtok a zanle paoüi, ilaxle ima ngokya pangwüi zile paoüi. Faomüi hia o-jux pangwüi, janyax to lünle zile paoüi.”

HOSIA 4:3 ပူးပေါင်းရင်းမြစ်များ

ZEFANIA 1:3

müi-hi-mix pangwüi, o hia nyax pangwüi. Kue chichangchizangle tüikya khünakbu hato düt angkya hanpak apüile faüi. Kue noknusa amütüi, ota tuita chu müntoxüi. Ija Jowanpa kue akaxdaoa.

NAHUM 1:4

Chixe Molo-Tinu ang kaxtom kox, ikoxle ija ti zople zan! Chixe shuajenbu zople zan ang tom. Bashan angkya manzai haxtok zanle pao, Karmel Haxhua khuifople achang, ilaxle Lebanon angkya maipuabu hüile pao.

AMOS 5:16

Ikhoma Jowanpa Khüthak Zang-e thüile: “Tingnu tingjang lomnubu to mangsopkya hia akhongkyabu tüiüi. Omün koxlaxle mangsop ang tsankyabu füi tomle manzai mixbu chuwüi mangsop ang ahyenkya tüiüi.

EZEKEL 38:20

O-jux hia müi-nyax, chongkya hixkya zünmok pangwüi, tamchu chaxwannu thün ma ngole tüikya khünaknu ku thua zakyae abünle changüi. Haxnubu nguaküi, longzakzyenbu tsunüi, ilaxle long katuk pangwüi tsunle nguaküi.

JEREMIA 12:4

Kem haxtok a chemtukux zuale zan-ngoüi, ilaxle haxsha angkya hingzang pangwüi azanle aziküi? Müi hia osabu a zingole ija a kem khünaknu chichangchizangle tüikya khoma changle. Khünak ibue thüile, ‘Keme mokkya mwot Zang-e münngün.’”

JEREMIA 4:25

Ikhato khünak owachu müntüile kue ngün; ikha angkya osabu ngaxchu wüi pile pao.

AMOS 8:8

Ikhoma chaxwan sile aloxüi, ilaxle haxtok ma tüikya pangnusa khosam ashukle changüi. Onok chaxwan bakle sile aloxüi, ija a Nail Shuanu tichap ningle dongtox jutox le changüi.

AMOS 1:2

Amos-e thüi: “Zaion Haxnu makhange Jowanpa ahungle; chix ding-zak Jerusalem makhange atsak-adungle. Müitsüt fum zanle zile, ilaxle Karmel haxnu angkya fumchui khuitungle achang paole.”

ISAIA 33:9

Haxtok a owachu chingole ngat-to dantoxdaoa. Lebanon angkya faonu kohwon ang changdaoa. Haxzao füikya Sharon haxsha a sak-hax ang changdaoa, ilaxle Bashan ma tamchu Karmel Haxnu ma pün ang pünchakbu dütle.

JEREMIA 9:10

Kue akaxpu: “Kue haxhuabu mang sople changüi ilaxle müitsomnuibu hanpakma mikfi ajenüi, chemthüikoxle ibu a zile zandaoa, athaxpi ibu akaile owachu münaham. Tsom-pom ahamkya zing ikhato münatat; fao osa hia fao müibu pangwüi paole samdaoa.”

JEREMIA 23:10

Haxtok a Jowanpa to mongong chitüikya khünakbue awangle tüile; hwom chichangchizangle ngole ilaxle hwom tsak-zong chichangkya lom to twonle. Jowanpa thuakzom khoma haxtok a sople ilaxle müitsüt fum zile zanle.

JOEL 1:18

Müibu khosam ashukle osüt lomle samle aham chemthüikoxle hwom hanpakma fumtsüt nui ojao chitüi; ija ningle chun zyembu chuwüi samle aham.

ZEKARIA 5:4

Jowanpa Khüthak Zang-e thüile, chixe chix othuak-ozom apaoüi, ilaxle ija a ahuxmixbu hia tsaosax lejao atsele zangwünkya pangwüi hom to nopüi. Ija a hwom hombu ma ngoüi ilaxle hwom hombu pünpakle dantoxüi.”

JEREMIA 9:9

Ibu khoma kue hwom sikangünle münchang puixnyi? Iningkya jat-libu to olüix khomle münchang puixnyi? Ku, Jowanpae ija kax akaxdaoa.”