HOSIA 4:2 - OTSAO BAIBEL (BSI)

² Hwome tsaosaxle chang ilaxle ibu a chithom; hwom atse, mix mik amüt, ahux, ilaxle chinunchakkaile chang. Zikmüt mangkho onüi, tuita füima tuitale mikmüt mwot tsale hüi.

HOSIA 4:2 ပူးပေါင်းရင်းမြစ်များ

HOSIA 6:9

Nguapabu a owawa lom tanle azwon ngokya ahuxmixbu othom ningle. Otsao nui Sekem to nguikya lomnu ma ngaxchu hwome mix lang. Ilaxle hwome ibu ochax mwotbu chaktung-chaktungle mok!

1 THESALONIKA 2:15

Jowanpa Jisu tamchu ajebu hwome langpu, ilaxle kwom to zothuppu. Zang miksho ma hwom otukux chix mongma ang tomkyabu hex! Hwom a pangnu zongto otukux chichangle tüikyabu hex!

MIKA 7:2

Ija haxtok ma, Zang kax ma laxle tüikya sukya khünak tuita danle müntox. Pangnusasa wüi mik amüt angkya hanpakma ziasyen thatan ngole. Noknoke wüi ma-mix zan to kale ngole.

HOSIA 7:1

“Chemtue kue tamchatle ku khünaknu Israel kak-lak amüikoxse tamchu ahak-aluale tüi ang tomse tsupuix, kue ngün ang kopkya a hwom chichangchizangle tüikya hia hwome mokkya ochax mwot boma chemchu müntüi. Hwome tata dyenle; hwome homdap-pungdong le ahuxle; hwome tingjang lomnu ma khünaknu angkya papalo le lax.

JEREMIA 6:7

Tüküi tuitae ikha angkya ti tsaothale thomkya ningle, Jerusalem-e ma ochax tsaothale thomle. Changnong-pünthomkya zing hia pünle amakya zing tingnu ma kue atatle; okak-olak hia thomzün maklaxkya, ibubu ngün ang kople.

MIKNGÜN-OHÜN 17:6

Ija mixcha a Zang khünaknu aji hia Jisu kax ma laxle tüikyabu langkya ajibu ling laxle tokkya kue ngün. Otue kue she ngünpuix, ku ang tüle jepa.

WANGSHEMBU MWOT 7:52

Hünzom pupa hwome sik-chiangünkya aje tuita ngaxchu tüichahex? Chix Otsao Da tuita ngui angkya bama kai wüi apuale fakya Zang kaxho mixbu hwome lang. Athaxchu wüi hünzome chix khohang ilaxle langdaoa.

MATHI 23:35

Ija khoma chem ngax chitsingkya Abel makhange Zakaria kople chem pak chitikkya khünakbu chemtukux lang daopuix, pangnu wüi hünzom khangkho ma düt angkya changle. Berekiah sasün, owa hünzome Zangshwom-Hom hia tö koxkya zomtong nyi bama langpuix, chixchu wüi womle.

ZEKARIA 7:9

“Kue ku khünaknu ang kaxtom ibu kaiwüi koxle thomdaoa: ‘Hünzome sukya kaxfün fa angkya wüi changle, ilaxle tata hato chingcha mongkün aho angkya wüi changle.

ZEKARIA 5:3

Ifüima chixe ku ang thüi: “Ija ma chaxwannu haxtok pangkha towüile angkya othuak-ozom zalaxle tüile. Ija laiza kaochima haxtok angkya ahuxmixbu amüt angkya zale tüile; ilaxle ata kaoma a tsaosax lejao kaxthai zang wünkya khünak pangwüi tswonle paoüi.

ZEFANIA 3:1

Ikhama ngokya ma khünaknu to zothuple alün-alox ngokya Jerusalem tingnu a maxdaoa.

MIKA 6:10

Ochax khünakbu homkha ma, hwome kop angkya olom ma chichang homle kopkya tuinabu tüihule. Hwome thüt-zingkya ma müimamale syep-dyeple changle, ilaxle ija thua ku huanuma anule.

MIKA 3:9

Ku kax apalax, hünzom Israel nok lompabu, hünzom sukya thua anukyabu tamchu sukya chisukya ang achangkyabu.

MIKA 3:2

ikoxlechu hünzome chem müipuix ija thua anu ikoxle chem ochax hex ija to mongkün. Hünzome ozün ma wüi ku khünaknu khwon khuak ilaxle hwom zabu angkya hak lik.

HOSIA 12:14

Israel khünaknue Jowanpa ang khaxle jao mong atsik; hwome fün amadaokya ma ajang koxle hwome zikmüt-mangkho atakse. Hwome chix hato münma apüile changdaokya khoma hwom Jowanpae hwom to sikangünüi.

HOSIA 10:4

Hwome chemchu chichangkya kaxbu zexle ilaxle othai to tsaosaxle tamchu katzua laxle. Manzai haxtok ma khunhing füikya hingzang nyemkya ningle sukya tsaifün-kaxwün a chisukya tsaifün-kaxwün ang achangle.

HOSIA 7:3

Jowanpae thüile: “Khünaknue hwom huxtsing-loptsang mwotlom tokhange wanghom hia chix nguakax wangkhobu dyenle chang.

HOSIA 5:2

Akasia Tingnu angkya tswomkha ang achang, ilaxle kue hünzom pangwüi to sikngün ang tomüi.

MANGSOP 4:13

Ikoxlechu ija changle tsuak, chemthüikoxle she ma tüikya ajebue ochax lyen ilaxle nguapabue thaile mok, ija khokho male chemngax chichangkya khünaknu mik max.

ISAIA 48:1

Ija to apalax, Israel khünaknu, hünzom Judah su-sa hwom: Hünzome Jowanpa mün ma tsaosax ilaxle Israel nok Zang to shwompule akax — ikoxle hünzome akaxkya kax hünzom ojao chimok.

ISAIA 24:5

Zang wanlombu hia jento ngo angkya hanpakmale zingkya chix kaxtsao amakya tokhange khünaknue chaxwannu oma ang achangle awüt.

PONGWANG LAIPEX 4:8

Ifüima Kain-e honao Abel ang thüi: “Künyi pi wunsa khato kahax.” Ile hokhi wunsa khato tüipongma, Kain a honao Abel zan to ka ilaxle chix langle awüt.

TSAITONG-KAXTONG 5:11

“‘Ku mün a ochax lom to taxtwon, chemthüikoxle ku, Jowanpa hünzom Zang-e, othai to ku mün twonle changkya mix pangwüi to sikangünüi

TSAITONG-KAXTONG 5:18

“‘Nange chinunchakkaile taxchang.

TSAITONG-KAXTONG 5:19

“‘Nange taxahux.

JEREMIA 51:5

Israel nok Otsaopa, Jowanpa Khüthak Zang ku zongto ochax lyenle changdao koxchu kue Israel hia Judah a owüiole awütle chitox.

EZEKEL 7:23

“Pangwüi khosam ma tüile: haxtok pangwüi mix lang mix mixe awangle tamchu tingnubu a alün-aloxkyae awangle tüile.

HOSIA 6:8

Gilid a chichang-chizangkya hia mix lang mix mixhuakkle changkya khünakbue awangle tüikya tingnu tuita.

HOSIA 7:4

Hwom pangwüi khualopmix tamchu kax ma laxle chitüikya changle. Hwom miktsak a fongbak angkya wün lailaile huxsa ma azwonle ngo, oja to an zingpae an myettu manguiba lüixle chichangpuix.

HOSIA 10:13

Ikoxlemix hünzome ochax mix ali-akan ilaxle ija puamün züt. Hünzome hünzom kaxthai zangwün makhange alaikya pünziak saxdaoa. “Hünzome hünzom man-kanlinbu to tamchu huanuma tüikya hünzom süpahibu to mongongkya khoma,

HOSIA 11:12

Jowanpae thüile: “Israel khünaknue dyenlale atsekya füi ku akhople ngole, ilaxle Judah angkya khünaknue athaxkople, mongong ma chialekya hia otsao Zang füi alün-aloxle ngole.