HOSIA 4:12 - OTSAO BAIBEL (BSI)

¹² Hwome pünfunsa tuita ma mikngün ohün lomle ngole! Kiathox tuitae wüi hwom hama hwome chem tsingse tsupuix ija awankoxle! Hwome ku dantoxdaoa. Mixcha tuita tsangtsa hangkya mixcha ang achangle paokya ningle, hwome ma alüile mix baozangbu chak to koxdaoa.

HOSIA 4:12 ပူးပေါင်းရင်းမြစ်များ

HOSIA 5:4

Khünaknue mokdaokya ochaxe hwom Zang hato chat ang chitomle kople thomle. Chapa shwomkyae shingmongle hwom to kople thomle, ilaxle hwome Jowanpa ang tüipule münthüi.

JEREMIA 2:27

Hünzom pangwüi ang zak-akopüi—pün nang apa kux ilaxle long nang anu kuxle akaxkya hünzom pangnusa ang a. Hünzom ku hato hüihaxkux lüi ma ku hato tok ahole paokya khoma ija ile chang ang tomüi. Ikoxlechu chemtue hünzom sikngün-tuitaile changüihex, hünzome hüilaxle hünzom khosün angkya ku wüi lom.

HABAKUK 2:19

Hünzom a maxdaoa! Hünzome pünfunsa füi akax: “Zolax!” chichangba longdwon tuita ang thüi: “Ajonglax!” Chapa tuitae nang ang tütali ngaile aho tho angchami? Ija to hun hia khop füi chwople chu tüingokoxlax, ikoxlechu ija ma khüzün müntüi.

TSAITONG-KAXTONG 31:16

Jowanpae Mosa ang thüi: “Nang a chwonle wüi zi angkya changle ikoxle nang zi füima khünaknu ang mongong chitüile changüi ilaxle kue hwom füi tsaotsütle zingkya Tsaotsüt amaüi. Hwome kop angkya haxtok to ngui füima hwome songsari baozangbu to shwomüi ma ku hato tok ahoüi.

HUAKE LAIPEX 15:39

Ija sutuae hünzom ang texle atak ang tomüi, ilaxle chemtue hünzome ibu ngünpuix, ku kaxtombu texle ataküi ilaxle ibu kax ma laxle tüiüi; ifüima hünzome ku hato tok ahole tamchu hünzom mongtex hia mongtsukyabu füito azuile münchangüi.

MIKA 2:11

“Kaxthai hia dyen-ngankyae awangle, ‘Nang hanpakma ju-sax jenle-jenle naxtüi’ le ajele aham ngokya ajepa ija khünakbue laxse tsule.

HOSIA 9:1

Israel khünaknu, songsaribu ningle hünzome pangpwon saxle ngokya zakün. Hünzome a hünzom Zang hato tok ahodaoa ilaxle chix to mongong chitüile hünzom ngole hüile. Chaxwan faole hünzome tsangtsa hangkya khünakbu ningle ma alüile Bal baozang ang hangdaoa ilaxle chixe hünzom ang omün ang koxpule thütkya saxziak to mongkünle changdaoa!

EZEKEL 21:21

Babilon nok wanghompa lompong-fak ma tüikya lomkua ahole apüt thomkya longkhao hama ajong. Ochichi lomkua tole angkya hex ang chixe naxhixbu sile alox; chixe chix chapa ma tik-to; chixe tö ang koxkya müi okhax to hule wan.

JEREMIA 10:8

Hwom pangwüi ongat-onguingui wüi. Püntho chapabu makhange hwome chem tsingle lax ang thoüi?

MÜNCHUAK-TSAI 73:27

Ku danle toxkyabu a maxüi jaojao; nang to ojem chifünkya mongong chithom tsuakkyabu nange amütüi jao.

2 PUKAX-PANGAO 21:13

Itülüi thüikox nange Israel nok wanghombu mantole chang ilaxle Judah hia Jerusalem angkya khünaknu ang, wanghompa Ahap hia chix füima Israel nok ma wanghom ang achangkyabue mokkya lailaile, Zang to mongongkya chitüi homtoxle ngo ang tom. Nange nang füi ataitoxle khünak mixmüibu changkya nang tüita naopa hwom ngaxchu langle awütpu.

LIWI 20:5

ku jaojao chix zan to kaüi ilaxle chix homkha tamchu opangsae chix füi tomle Molek baozang to shwomüi ma ku kaxtele changpuix, kue hwom a chemtuechu ku khünak ang münlax.

LIWI 17:7

Zwon ma amuakya baobu ang kothofa to müilang laxle tö koxle, athaxpi Israel khünaknu ang Jowanpa to mong chiongle chitüi angkya oli münchang. Füichima Israel khünaknue ija wanlom a jento thom angkya oli changpu.

MÜNCHUAK-TSAI 106:39

Hwom mwotbu makhange alüile hwom a chitsaokya ang achang ilaxle hwom ma Zang to ongkya mongong ojao chitüi.

HOSIA 14:3

Asiria-e kwom otuechu sün ang müntsuak ilaxle zankat manbue kwom kho awa ang müntho. Kwome kwom chapabu füi ibu a kwom Zang changle le chatle münthüi. O Jowanpa, owa hato pao angkyachu chitüile ngokyabu to nange chingcha ahohüi.”

KAXFÜNPA-HWOM 18:5

Hwome chix füi akax: “Kwom mwot ma kwome tho-lünkya chitüi hia tüiüile Zang ma tsaitik-kaxshole changfa.”

2 WANGHOMBU 17:7

Ijip nok wanghompa chak tokya alailaxle Ijip nok tokya khosünle apüikya Jowanpa, hwom Zang zongto Israel noke ochax lyenle changkya khoma Samaria nguak angkya hato hüi. Hwome mixnok baozangbu to shwom.

JEREMIA 23:13

Samaria angkya ajebu ochax kue ngündaoa: hwome Bal mün ma akaxdaoa ilaxle ku khünaknu ochei lom to dyenle paodaoa.

EZEKEL 20:32

Hünzome hünzom chuwüi mixjat-mixlibu, opang mix haxtok to ngolaxle long-pünbu to shwomle ngopuix, ibu lailaile chang angkya mong ma zangwünle tsuakdaoa. Ikoxchu ija otuechu ile münchangüi.

HOSIA 6:10

Israel ma kue khompua-atsikkya oli tuita ngündaoa: ku khünakbue chapabu to shwomkya makhange hwom alüile ochax ang achangdaoa.