HOSIA 3:5 - OTSAO BAIBEL (BSI)

⁵ Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

HOSIA 3:5 ပူးပေါင်းရင်းမြစ်များ

JEREMIA 30:9

Itülüi, hwome Jowanpa hwom Zang tamchu Dawid sixli owa kue chongwang tüntong ma athungüihex, hwom ija Zang thothale changüi.

ISAIA 2:2

Athax füichi ma Zangshwom-Hom ajongle tüikya haxhua haxhua pangnusa füi süchuakle tüiüi, haxhuabu pangnusa to ijae tuküi. Abünle zakya füi jat-libu ija haxhua hato nguiüi,

ROM NOK HATO ZAKYA POL LAIZA 2:4

Changle nange chix chingcha achongkya, adu thokya ilaxle monglokya, mongto kakle münlax.

MIKA 4:1

Athax füichi ma Zangshwom-Hom ajongle tüikya haxnu a pangnu füi sütsuakya ang changüi, haxhuabu pangnu to kaikya homthün a. Jat-libu tüle-tüle ija hato abünle nguiüi,

EZEKEL 38:8

Obiobi zanglao lekya füima, chaxwannu onok-onok tokya asox-asüilaxle apüile thomkya khünaknu, athax opang ochax-ozan chemthua za angkyachu chitüile ngole hüipuix, ibu to sing angkya hanpakma kue chix tomüi. Kaiponge wüi khünak chingo tamchu thom-manzaikya chitüile awütle thomkya haxtok, ojongkha ma athax chem chaza angkya chitüile khünakbu ngole tüipuix, ija Israel nok haxnubu to chixe singüi.

EZEKEL 16:63

Nang thaile hüidaokya pangwüi kue pangwüi alaküi, ikoxlechu nange ibu texle ataküi ilaxle nang tun hyen ang huanuma azakle sütüi.” Ija kax Jowanpa Khüthak Zang-e akaxdaoa.

JEREMIA 23:5

Jowanpae thüi: “Dawid sixli hwomkha angkya kue otsao wanghom tuita zün angkya hanpak nguile hüile. Ija wanghompa-e je füi apünüi ilaxle haxtok ma pangnu khato wüi changkya hia sukya mwot moküi.

ROM NOK HATO ZAKYA POL LAIZA 11:25

Tüinaohom, hünzome tsingle naxlax laxsele ku mongto thütkya otsingtsing huxsa zangwün tuita tüile. Nang obukux hwontüi jezai mix hex, ija aju-ajang ang chifale kue nang tsyenle thomüi. Ija a ija changle: Israel khünaknu mongkhüikya othuithui hanpak ang münchang, ikoxle mixnok komle Zang hato mahüikya wawama ngoüi.

AMOS 9:11

Jowanpae thüi: “Kue Dawid wangting oja hom tuita pünle ama thomdaokya ningle tüipuix, ija tamchatle amüi angkya hanpak nguile ngole. Kue ija katukbu tamchatle zaile ajong laxle ija zingle amüiüi. Kue ija chatle zingüi ilaxle amipongma tüikya lailaile zingle achatüi.

HOSIA 5:15

“Hwom ochax khoma okhonguile hwome sikngün apongle machang tanto tamchu ku lomle mangui tanto kue ku khünaknu awütle thomüi. Hwom sikngün tokhange ngaxchu hwome ku lom ang cha.”

HOSIA 5:6

Hwome Jowanpa ang tö kox ang hwome chun hia maihubu apüile, ikoxlechu ijae hwom fün amüikyakha müntüi. Hwome chix chiataktsuak, chemthüikoxle chixe hwom dantox daokoxle.

DANEL 10:14

Athax füichi ma hünzom khünakbu to chempangle chang angkya hex ija nang hama apuale fa angkya hanpakmale ku nguikya changpu. Ija a athax füichi hanpak mikngün-ohün changpu.”

DANEL 2:28

Ikoxlechu zangkangting to Zang tuita tüile. Chixe ija huxsa zangwünbu ngaile aho ang tsuakle. Wanghompa, ija a chixe nang hato athax füichi ma chemle chang angkya hex ija ngaile ahole ngokya changpu. Athax kue ija nang wünmang apuale fafang, nange jiple ngopongma ngünkya nang wünmang a.

EZEKEL 38:16

Chaxwan alyem le zangchei zangwat hüikya ningle nange ku khünaknu Israel nok to singüi. Chemtue ija hanpak nguipuix, ipongma kue nang a, chaxwannu nok hato ku owahex ija aho angkya hanpakma ku haxtok to sing ang apaoüi, ilaxle ku otsao ngaile aho angkya hanpakma nang makhange kue mwot moküi.

JEREMIA 33:17

Ku, Jowanpae tsaopu, Israel nok wanghom ang Dawid sixli jento tüile ngo angkya

1 WANGHOMBU 12:16

Chemtue khünaknue, wanghompa-e hwom zangwün to na münthaüile ngünle laxpuix, hwome akhongle thüi: “Dawid hia chix homkha athaidao! Hwome kem hanpak ang chem alanle fadao? Israel khünaknu mahom-hom to fanhax! Rehoboam-e chix mo chixe alüile naxwünkox!” Ikhoma Israel khünaknu wanghompa füi apüile ajong,

TSAITONG-KAXTONG 4:30

Chemtue hünzome sikngün apong ilaxle ibu pangnu changle hüipuix, ifüimatix hünzom Jowanpa hato chatüi ilaxle chix kax ma laxle tüiüi.

HUAKE LAIPEX 24:14

Balam-e Balak ang thüi: “Athax ku a ma khünakbu hato chatüi, ikoxlechu ku chatüima, athax füichima Israel khünakbue hünzom to chemle moküihex, ija bama kaxkhün koxle toxfang.”

JEREMIA 33:9

Jerusalem a ku hanpakma mongmüi, achuak-achenkya hia mongngam otong ang changüi; Jerusalem angkya khünaknu to kue mwotmüi mokle koxkya hia ija tingnu hato ahak-aluakya apüile fakya atatkya zuma zangfang angkya onok pangwüi zaüi ilaxle chikux ahongle changüi.”

ISAIA 2:3

ilaxle ikhato khünakbue thüiüi, “Jowanpa haxhua to kem donghax, Israel nok Zang Zangshwom-Hom to a. Chixe chem naxmokle texpuix ija chixe kem hama apuale faüi; kem a chixe zünle kopkya lomtang ma ahamüi. Chemthüikoxle Jowanpa hwon-nwot a Jerusalem tokhange hüile; Zaion makhange chixe ma khünaknu füi zangwünle.”

ISAIA 9:13

Israel khünaknu ang künlop-monglüi matüi; Jowanpa Khüthak Zang-e hwom to ipongpongle sikngün fakoxchu, hwom a chix hato machat.

ISAIA 17:7

Chemtue ija hanpak nguile hüiüihex, Khünaknu a hwom zingpupa otsao Israel nok Zang hato asun hüile chatüi.

HOSIA 1:11

Judah angkya khünaknu hia Israel angkya khünaknu tuita ang achangdaoüi. Hwome hwom obama lompa tuita wüi zünle laxüi, ilaxle hwom a hwom haxtok ma tamchatle putsale ahak-aluaüi. Changle, Jezril tsün chaxwan-zanghan a huanu chongkya changüi!

HOSIA 11:10

“Kue hwom zanpabu to mailang ngao ma ngaole achua pongma ku khünaknu a ku füima azüi angkya changle. Hwom a hannop chitokya ku hato nonokhaile nguiüi.

ISAIA 60:5

Hünzom ija ngün ang kopüi ilaxle mongmüi atungle changüi; Zongbakle mongmüikyae hünzom asuaüi. Chaxwannu nok angkya tuinabu hünzom hato apüiüi; Molo-Tinubu akaile hwom okop-olwotbu nguile hüiüi.

HOSIA 6:1

Khünaknue thüi: “Athaxpi Jowanpa hato chat-hax! Chixe kem to mak-koxdaoa, ikoxlechu chixe tütakoxlechu kem kak amüile fa angkya changle; chixe kem to mak-khapu, chixe wüi kem mak to lople fa angkya changpu!