HOSIA 2:8 - OTSAO BAIBEL (BSI)

⁸ She-e she ang saxziak, grepti-ju, olip münga, ilaxle she-e Bal baozang to shwom ang twonkya khop-jan hia hun, ibu pangwüi kue koxpule otuechu chiawan.

HOSIA 2:8 ပူးပေါင်းရင်းမြစ်များ

ISAIA 1:3

Maihubue hwom hopunubu awanle, ilaxle mantsakbue hwom hopunubue fumtsüt ang ojongto paopuix ija awanle. Ija a ku khünaknu Israel noke ku tsingkya thak changle. Ibue ojaojao müntsing.”

HOSIA 13:2

Hwome khop-jan füi, shwom angkya hanpakma, khünak mong ma ajang laxle, khünak chak füi chapabu zingle, chizakle hwome ochax lyen ngole. Ifüima hwome akaxle: “Ibu ang tö apüile laxkox!” Maihupong ningle zinglaxle tüikya chapa ibu to noknusae tun chemle apongüidai!

HOSIA 8:4

“Ku khünaknue wanghombu kamle, ikoxle ija hwome hwom mongtextex ma mokle. Hwome lompabu zünle, ikoxlechu ku ma chitik toxle mokle. Hwome hwom ma tüikya khop-jan hia hun, ibu füi chapabu zingle: ija a hwom mik max angkya hanpakma changpu.

HOSIA 4:11

Jowanpae thüi: “Ju, odom hia ozia pangnyie ku khünaknu ang hwom tutex asam ang tom ngole!

ROM NOK HATO ZAKYA POL LAIZA 1:28

Hwome Zang bama tsingwankya otsingtsing mong ma kop ang angamkya khoma Zange hwom oma mong chak to dan, ikhoma chem chimokse hex ija hwome mok.

KAXHO MÜIKYA LUK 15:13

Hanpak hidaole ngo laxle sasün naolipae chix tuina hang ilaxle hom angkya laile pao. Ikha to chixe chix ngunsyen chix mong atsutsu saxmokle shixshixkhaxle bak.

HABAKUK 1:16

Sha ibue hwom ang amüimüi apüile koxkoxle, hwome hwom shabu shwomle ibu hato töbu apüile koxtüi.

DANEL 5:23

Nange zangkangting tokya Jowanpa zongto chichangle mok, chix Zangshwom-Hom tokya apüikya wansa hia khupbu to nang e twonpu. Nang, hünzom nguakax-wangkhobu, nang kakonubu tamchu hünzom danuchabue ibu tuina ma ju-khan lingle changpu ilaxle hun, khop, wi, jan, pün hia long, ibu füi zingkya baozangbu to hünzome shwompu: baozang ibu a ngün ang chitho, atat ang chitho chichangba mok ang hia tütali awanle lax ang chithokya baozangbu. Ikoxle nang ozün ma thom angkya hia zi ang tom angkya tamchu nangsüt-nangmwot pangwüi nuazing tsuakle hume ngokya Zang ang mix a nang e münchong chifa.

JEREMIA 7:18

Naosombue ha afox, mixpabue wüntak, ilaxle hwome baozangchanu le nyakkya baozang ang kox angkya hanpakma mixnu hwome an atswomle atsan. Hwome ku mong thomzünle chang angkya hanpakma mama baozangbu ang chuwüi ju apüile töbu kox.

ISAIA 46:6

Khünaknu ma nyitsong dong ilaxle hunbu thok; khopjanbu hwome tuak ma thüt. Baozang zingle alai angkya hanpakma hwome hun jao mix apüi; ifüima hwome ija tong to puile akhuxle shwom!

KAXFÜNPA-HWOM 9:27

Hwom pangwüi hwom grep haxtok to ka ilaxle grep ziakbu khai, ibu makhange grepti-ju fyet, ilaxle pangpwon sax. Hwome ma baozang shwomkya nui to pao; ikhato hwome saxlingle chang ilaxle Abimelek mo omale wün.

HOSIA 10:1

Israel khünakbu a oziak füikya grep zu ningle tüikya. Hwom chemtukux ahak-aluale tüipuix, itukux lüile hwome tö-tsapbu zing. Hwom haxtok ma chemtukux puamün ang koppuix, itukuxle osün amüile hwome shwomle ngokya longlobu zing.

TSAITONG-KAXTONG 8:18

Hünzom tüi-nangkya mix ang achangkya a Jowanpa hünzom Zang tokhange changpule hünzome texle ataklax. Chix a anyix mathule hünpu-hünpa hwom füi ma Tsaotsüt tüikya bama mongong chiathole ngokoxle chixe ile mokpu.

EZEKEL 23:41

Okhi a tüle osün müikya ngwotnuibu ma thung, ilaxle hwom tunthoma tüle müikya sütli-lingli füi tsap awangle dan; ongan müikya so tamchu kue hwom ang koxkya olip münga ikhama dan.

DANEL 3:1

Wanghompa Nebukadnezar-e hun makhange chapa chongkya tuita zingle alai. Ija chapa fit ma pulibün tsuale, ilaxle okhao ma fit aku khaole tüikya. Chixe ija chapa, Babilon haxsüt angkya Dura haxsha ma küile ajong.

HOSIA 13:1

Thochi ma, chemtue Efraim e zangwünle changpuix, ipongma mama Israel homjenbu a tüle za; hwome Efraim to angakle hu. Ikoxlechu khünaknue Bal to shwomlaxle ochax lyen, ilaxle ija khoma hwom a ziüi.

1 PUKAX-PANGAO 29:16

O Jowanpa, kwom Zang, ibibi tuina komkaile, nang otsao mün achuakle Zangshwom-Hom tuita zaile alai angkya hanpakmale nange kwom ang asox-atom ang tompu, ikoxle ibibi pangwüi nang tokhange tix hüipu ilaxle nangkux-kux wüi changpu.

JOB LAIPEX 19:8

Ku le ang müntho, Zang-e ku lom tsyendaoa; chixe ku lomtang zangnak fangto khomdaoa.