HOSIA 2:2 - OTSAO BAIBEL (BSI)

² Ku naosombu, hünnu to jox-naile changlax: she ku zongto kakonu tuita chichang koxlechu, ilaxle ku chix kakopa ang chichang koxlechu. Chinunchakkai hia ma tsangtsa hangle ngokya she mwot shongzak-hüile jox-naile akaxlax.

HOSIA 2:2 ပူးပေါင်းရင်းမြစ်များ

ISAIA 50:1

Jowanpae thüi: “Khünak tuita chix kakonu apaokya ningle kue ku khünakbu apaopule nange thütpia? Jangchangba, afan angkya laiza ojong? Khünak tuitae masa da ang hangkya ningle kue hwom zanda ang koxle apaopule nange thütpia? Ile münchang, hünzom zanda ang hünzom ochax khoma paopu; hünzom mütkopbu khomale hünzom koxle apaopu.

EZEKEL 23:45

Otsao khünakbue hokhi ma chinunchakkaikya hia mix langkya kaxhux fele changüi, chemthüikoxle hokhie chinunchakkai mwot mok tamchu hokhi chak a ajie awangle tüi.”

JEREMIA 3:13

Nang thaidaoa, Jowanpa nang Zang zongto nang zanpa ang changle hüidao ale ngaikox. Nange ku kaxtombu kax ma chilax ikoxle pünnu tong hex athüithüi ma nang mongkün a mixnok baozangbu ang koxle tüidaoa. Ija kax Jowanpae akaxdaoa, le Israel füi akax angkya kax chixe ku füi akax.

EZEKEL 16:25

Ipong müikya nangsün nangjo nange haxthom khato linle amapu. Ikhato hüikya khünak pangnusa ang nange ma tsangtsa koxpu, ilaxle nyixfokya to nang a chinunchakkai okho ang ngohompu.

JEREMIA 3:1

Jowanpae thüi: “Khünak tuitae chix kakonu füi fan-janle jangchang, tamchu she paolaxle mama mix kakonu ang jangachang, chixe she tam achatle lax ang müntho. Ijae haxtok jaojao komkaile chitsaokya ang achangüi. Ikoxle, Israel, hünzom ang mongkünbu huanuma tüile hüidaoa, ilaxle athax nang a ku hato chat-sele tsupu!

HOSIA 1:2

Chemtue Jowanpae Israel nok füi Hosia makhange pongwang lükya zangwün ang sütpuix, chixe Hosia ang thüi: “Paokox ilaxle pongwang ma kako tanle koplax; nang kakonu a tüle osün müikya mixcha tuita changüi, ilaxle nang naosombu chuwüi she lailaile sule tüiüi. Ija lailaile ku khünaknue ku danle toxdaoa ilaxle chichangchizangle tüikyabu ang achangdaoa.”

JEREMIA 19:3

Jowanpae ku ang ile thüi angkya akax: “Judah wanghombu tamchu Jerusalem angkya khünaknu, ku, Jowanpa Israel nok Khüthak Zang-e hünzom füi akax angkya kax to apalax. Ija haxtok hato kue khomtsikya tha ahüi angkya changle, ilaxle ija zing atatkyabu pangwüi abütle changüi.

2 KORIN 5:16

Idaile athax kwome otuechu khünak chifün to hulaxle owa angchu tsaifün kaxfün münfa. Hanpak tuita ma kwome Khrista bama khünak chifün tokhange tsaifün kaxfün le changdao bachu, kwome athax ile otuechu münmok.

EZEKEL 23:43

Ilaxle kue ku mong khakha to zangwün, khünak ibue ojento chinunchakkai lanle ashan thomkya mixcha hwome tsa-hangcha ang twon laxtüi angpua.

EZEKEL 20:4

“Ziün angkya khünak, nange ibu ang kaxfün fa ang achwonle tüichami? Jangtüiba ile mokkox. Hwom pu-pa hwome nushix dongkya zakkop mwotbu mokle hüikya hwome texle atat ang tomkox.

EZEKEL 16:20

“Ifüima nange ku ang puxle alaikya sheko naosom hia lüka naosombu lax ilaxle ibu a nange tö tuita ningle chapabu ang koxle awüt. Nang ma ku to mongong müntüile thüi ang mokle hüidaoküdu ngaxchu nguile ngoüna,

JEREMIA 2:2

Jerusalem ma tüikya pangnusa hato ija kaxho fa angkya akax: “Nang naosom pongma chemtukux mongong ma chiale le tüikya hex kue münalak, künyi aju-asomle chang tanto owangpongma nange ku to tüle mongkünkya dai; sak-hax akaile nange ku mantole azüi, thomo-manzaile chichangkya haxtok akaile a.

ISAIA 58:1

Jowanpae thüi: “Tsuakkya pongle hünzom akhong kox! Ku khünaknu Israel nok hama hwom ochaxbu apuale laxkox!

HOSIA 2:1

Ma füikya Israel nok “Zang khünaknu” tamchu “Jowanpae Mongkünkyabu”, le nyakkyabu.

HOSIA 4:5

Zangnak zangngai hünzome mix fün amale ngo, ilaxle ajebu chu hünzom füi onüi müipule chichang. Kue hünzom honu, Israel max ang tomüi.

ISAIA 11:12

Jowanpae, chiakle tüikya chix khünaknu Israel hia Judah nokbu chaxwannu ozong ali pangnu chitokya tamchatle asox atomle chang ang tomkya mowan ahole nyiluak apiküi.

JEREMIA 3:18

Israel nok a Judah füi athütüi, ilaxle hwom tomtomle shuakuxchi nok to zanda ang ngole hüikya haxtok tokya, kue hwom pupa hwom ang onyem ang hwom haxtok ang lax ang koxkya haxtok to chatüi.”

MIKA 2:13

Zang-e hwom ang lom daple koxüi ilaxle zanda ang ngokya hwom alaile apüiüi. Hwom a tinglongbu pan daple lailaxle mongtex ma ahamle paoüi. Hwom chongwangpa, Jowanpa chix jaoe hwom zunle alaiüi.